الدكتورة فوزية القطان

[الفرحه]

مشاركة: الدكتورة فوزية القطان

انا راجعت عندها ابولدي من اول حمالي لي الشهر 8

ابصراحه وايد ممتازه


وبنتي راجعت عندها اول شهرين بس

كان عندها وايد زحمه


والله خوش دكتوره ووايد ممتازه بس عيبها وايد زحمه عندها

 

[mona78]

مشاركة: الدكتورة فوزية القطان

آنا أراجع عند الدكتورة فوزية الصراحة ممتازة وشاطرة و عارفة شاللي تسويه و تطمن
و بالتوفيق للجميع

 

[bambena]

مشاركة: الدكتورة فوزية القطان

يابنات البنت تسال عن الدكتوره وكل وحده تكتب تجربتها الشخصيه محد معاديها ولا احد يدافع عنها

واذا على الزماله البريطانيه مابقى دكتور ماخذاها !

اهي ممكن تكون دكتوره زينه بالاشياء العاديه اما ببعض الحالاات الصعبه لأ

يعني انا ما اتبلا عليها
انا بحمالي الاولي طيحت بالخامس وبحمالي الثاني سوتلي ربط وكل مراجعه تحليل بسعر مو طبيعي! وظليت بعد الربط نزيف وعوار وكل مارحت تقولي ماكو شي
لما نزل البيبي بالرابع! ورحت الصباح سوولي تقرير ان الربط خاطئ ومبين من نتيجه التحاليل ان عندي اجسام مضاده تطرد البيبي المفروض تعطيني لها كرتزون واسبرين وطبعا ما عطتني ولا شي وسافرت امانة الله

اشوف دكتوري يوم رحتله من اول ماقرا التحاليل كتبلي العلاج وسوالي الربط ولا سوالي تحاليل بالاميات !! والحمدالله الله سخره لي
والله يسامحها على اللي سوته فيني

نصيحه شخصيه اذا حملج طبيعي كيفج بس اذا حالتج خاصه لا والله روحي طبيب شاطر او الصباح

 

[ورد وردي]

مشاركة: الدكتورة فوزية القطان

حيرتونا والله .... انا توني بادية اعالج عندها بس الي بط جبدي ان ولا مرة دخلوني عليها اول مرة قالوا الزيارة الاولى عند دكتورة ريم ويوم صارت الزيارة الثانية قالوا مواعيد فوزية فلل ورضيت دشيت عند ريم ثالث مرة قالوا ازدحام شنو مشكلتج قلت بكلم الدكتورة قالوا مشغولة وماتستقبل الا الضروري وسويت تحليل هرمون بالمختبر من غير ما اشوفها واخر شي يوم طلعت نتيجة التحليل ان عندي هرمون الحليب زايد وقالوا كتبت لج وصفة يوم استلمت الوصفة والا كاتبتها دكتورة ريم؟؟؟؟؟؟؟؟؟؟ شالفايدة انا اخذ مواعيد عند فوزية والعلاج عند ريم ؟ ويوم دقيت قالوا ريم ماتكتب شي الا بستشارة الدكتورة ،،،،،، مع ان مرة من المرات الدكتورة فوزية اكتبت لي وصفة بنفسها بختمها ....... فمادري للحين مابي استعجل بالحكم عليها واحسن حل صلاه الاستخارة يا بنات

 

[bambena]

مشاركة: الدكتورة فوزية القطان

ورد انا جذي يدخلوني قبل على الدكتوره الهنديه وعصبت قلت لهم انا دافعه عشان د فوزيه وماادش الا عندها

يمكن لو قاعده على الدكتوره الهنديه ابرك

 

[اليمامه الحلوه]

بنات والله خوفتوني صج شوي وببجي لاتخرعوني انا الحين باديه معاها الابر ملوت طفل الانابيب يعني انشالله بعد اسبوعين العمليه الدكتوره ممتازه بس عيبهم الاسعار غاليين زياده عن اللزوم الله يسهل انشالله

 

[قـ(عيوني)ـرة]

بنات بليز جاوبوني
اطفال الانابيب جم تكلف؟؟
لاني ناويه اسويها عندها
مع التحاليل تكلف 1500 دينار؟؟؟

 

[اليمامه الحلوه]

حبيبتي اهي قالتلي العمليه تكلف 700من غير العلاج يعني بحدود 1500 او1200

 

[fjnt]

شوفي إختي كنت ماأتخيل أولد عند وحده غيرها من شطارتها .... بس بالفترة إللي طافت كنت أعالج عندها عشان أحمل لاحظت عليها ماعندها وقت حتى إنها تسوي لج سونار وعقب مافشلت محاولات العلاج وياها كنت أخذ أعشاب عشان أحمل وخلال هالفترة رحتلها ونفسيتي زفت ومن غير ماتسوي سونار قررت علي عملية بالمبايض وطلعت منها وعقب أسبوع رحت حق دلال السالم وسوت لي سونار داخلي ولا أنا حامل بشهرين مع إنه مومبين بالدم ورد زوجي حق فوزية وتناجر وياها لأنها ماكلفت نفسها تسوي سونار قبل لاتقرر العملية ......بس حق الولادة ممتازة

 

[قـ(عيوني)ـرة]

والله مادري جنكم خوفتوني

 

[نور العيون]

:wqedqw:

والله مادري جنكم خوفتوني

هلا بنات انا كنت عندها قبل كم يوم وانا حامل بلاسبوع الثامن وخرعتني قالتلي في تليف لازم عمليه مع ان كنت اراجع على طول وسوي سونار ماقالولي ان فيني تليف كبير كلا كانو يقولولي تليف صغير عادي مايهم واغلبيه النساء اصير فيهم وانا خايفه وصراحه عندها زحمد مو طبيعيه ولا لازم تاخذين رقم موتنسونا علشان اتدشين عندها مادري مارتحت لها بس اهي اخلاق وبس :bbbiu:

 

[خيشة شكر@]

رد : الدكتورة فوزية القطان

الله يسلمكم انا العام بنفس الايام هاذي ياني عوار وشي بني ينزل معاي كنت اكل حبوب مانع جان اروح للمواساة عند عادل مرسي كنت اراجع عنده لما كان بمستشفى الراشد المهم اول ما شاف السونا جان يقولي انت عندج كيس على المبيض وخطر وراح ينفجر باي لحظه قلتله مو لهدرجه انا كنت اتوقع قرحه او التهابات والكيس اقوله عادي ويجي ويروح جان يقسمعني صوت من السونار ويقولي هذا الشريان الي يذي الكيس ولازم اتسوين ميلية وان العملية سهله ومن هالخجي المهم رحت وحطيت كوعد للعملية ولما رديت البيت واتصل على اختي وتكلمني عن د فوزيه ومن باجر واخنا عندها وادخل عند د نهله واقولها زانا خايفه ان الكيس راح ينفجر وقامت نادتلي دكتوره فوزيه وتهديني وقالتلي هذا الشي عادي عيشي حياتج وانت كيسج كبر الزيتونه ما يضر وقالت اذا جت الدورة والحمدلله لما جت الدوره واجيها والا راح الكيس الله لايوريكم شلون خرعني

 

[q8 knosha]

رد : مشاركة: الدكتورة فوزية القطان

حيرتونا والله .... انا توني بادية اعالج عندها بس الي بط جبدي ان ولا مرة دخلوني عليها اول مرة قالوا الزيارة الاولى عند دكتورة ريم ويوم صارت الزيارة الثانية قالوا مواعيد فوزية فلل ورضيت دشيت عند ريم ثالث مرة قالوا ازدحام شنو مشكلتج قلت بكلم الدكتورة قالوا مشغولة وماتستقبل الا الضروري وسويت تحليل هرمون بالمختبر من غير ما اشوفها واخر شي يوم طلعت نتيجة التحليل ان عندي هرمون الحليب زايد وقالوا كتبت لج وصفة يوم استلمت الوصفة والا كاتبتها دكتورة ريم؟؟؟؟؟؟؟؟؟؟ شالفايدة انا اخذ مواعيد عند فوزية والعلاج عند ريم ؟ ويوم دقيت قالوا ريم ماتكتب شي الا بستشارة الدكتورة ،،،،،، مع ان مرة من المرات الدكتورة فوزية اكتبت لي وصفة بنفسها بختمها ....... فمادري للحين مابي استعجل بالحكم عليها واحسن حل صلاه الاستخارة يا بنات

حبيبتي انتي لاتدشين علي دكتوره غيرها!! اوك اول مره هذي حق الكل حتى انا بس بعدها لاتسكتين لهم قوليلها انا يايه على اساس ادش على دكتوره فوزيه وهذا حجيكم اول مره عن ريم وبعدها عند فوزيه!! وقولي لها لو ابي دكتوره ثانيه جان رحت مكان ثاني شكو تحولج علي ريم؟؟
انتى لي دقيتي قولي لهم بحط موعد عند دكتوره فوزيه وبس بيحطولج عندها وسأليهم عن الموعد متى وبس

 

[q8 knosha]

رد : الدكتورة فوزية القطان

انا اراجع عندها من بدايه حملي ليي الحين انا دشيت التاسع وحدها زينه وتسوي السونار وتشرحلي علي الراحه وتجاوب علي اسألتي

بس عيبها الموااااااااااااااااعيد بس طبعا مو منها من اللي حاطتهم برا طبعا امس كان موعدى وتهاوشت معاهم والله من ساعه5ونص انا عندهم ومادخلونى الا 8وثلث والله شقيتها هذي اللي قاعده برا ام شعر اصفر علي برتقالي جنه برتقاله معفنه حرتنى انا حاطه موعد من قبلها بثلاث تيام وتقولي جدامج 15 وحده وفي من اللي قاعدين سولفو معاى وانهم حاطين موعد بنفس اليوم الظهر وحاطتهم قبلي! وماتعرف تقولي تعالي 8 اذا حاطتنى رقم15 لا تقولي تعالي6 يبيلهم لسان هناك علشان يمشونج من الزحمه..

وعيبها الثاني تحاليل طبعا شقتني كل ماروح تحليل والحمدلله كله مافيني شي واحس انه ماله داعي بس شسويلها هل مره يبت تحاليلي من برا سويتهم بالمستوصف جان تطلعلي تحليل بول ومسحه لوووووووووول مادري شسويلها..

بس انا ابيها علشان معاملتها و شطارتها بالولاده لان بنت خالتى ولدت عندها مرتين وتمدحلي ولادتها حييل وخياطها .. و وايد من الاهل امحولي ولادتها يعني كانو عندها

 

[كويتيه مذهله 87]

رد: مشاركة: الدكتورة فوزية القطان

يابنات البنت تسال عن الدكتوره وكل وحده تكتب تجربتها الشخصيه محد معاديها ولا احد يدافع عنها

واذا على الزماله البريطانيه مابقى دكتور ماخذاها !

اهي ممكن تكون دكتوره زينه بالاشياء العاديه اما ببعض الحالاات الصعبه لأ

يعني انا ما اتبلا عليها
انا بحمالي الاولي طيحت بالخامس وبحمالي الثاني سوتلي ربط وكل مراجعه تحليل بسعر مو طبيعي! وظليت بعد الربط نزيف وعوار وكل مارحت تقولي ماكو شي
لما نزل البيبي بالرابع! ورحت الصباح سوولي تقرير ان الربط خاطئ ومبين من نتيجه التحاليل ان عندي اجسام مضاده تطرد البيبي المفروض تعطيني لها كرتزون واسبرين وطبعا ما عطتني ولا شي وسافرت امانة الله

اشوف دكتوري يوم رحتله من اول ماقرا التحاليل كتبلي العلاج وسوالي الربط ولا سوالي تحاليل بالاميات !! والحمدالله الله سخره لي
والله يسامحها على اللي سوته فيني

نصيحه شخصيه اذا حملج طبيعي كيفج بس اذا حالتج خاصه لا والله روحي طبيب شاطر او الصباح

معاج بهالنقطه
4 سنين اراجع عندها ماقالتلي فيج اجسام مضاده حملت 4 مرات وكلا يموتون اب بطني
واخر شي قالت حملج صعب واذا حملتي مايعيش الياهل خرعتني والحمدالله حملت ومافيني الا العافيه وبس الله عوضني خير يارب

هي شاطره بس الي حالتها صعبه لا تورح عندها لان تشخيصها غلط بغلط

 

[زوجي جنتي وناري]

ممتازة
وغير مادية
وشهادتي فيها مجروحة

 

[ام بوحنة +]

رد : الدكتورة فوزية القطان

قريت قصصكم وانصدمت

الصراحه اهي انسانه وغير معصومة من الخطا

اهي صج مريحه بس ماتعطيج وقتج وحيل سريعه وماتلحقين تتكلمين معاها

بحمالي بولدي كل شي طبيعي لغاية الولادة والخياط حلو
الحمال الثاني اجهضت بالشهر الثاني ودخلت على امبرين وقالت البيبي مات ووقفت لي الدوفاستون علشان يطيح بروحه
صارت مضاعفات ينيت وانا ادق عليهم ابيها ماكو مواعيد لين راجعت عند دكتورة امل الراشد والصراحه تهبل هالدكتورة مريحه والاهم انها اتابع حالتج ودقين ترد على استفسارج باي وقت
الحمل الثالث صارت معاي الزايدة وانا بالشهر الخامس وسويت العمليه وطبعا حاولت اخذ موعد ماكو مواعيد
لين دخلت المستشفى مرة ثانيه على اثر مضاعفات مابعد العملية وقالولي انه عندي مشكله بالمبيض وطبعا قعدت اترجاهم علشان ادخل عندها وطلعت من المستشفى على مسئوليتي بس علشان اروح عندها وارجع المستشفى
انصدمت اني مالقيت اي معامله خاصة ونطروني فوق الساعتين مع العلم انهم يعرفون ظرفي
وعقب اسبوعين صار معاي طلق ونزل الماي ورحت دار الشفا الساعه خمس الفجر ودقو عليها ولاكلمتني ولا احد من دكاترتهم كلمني واقولهم دقو عليها يقولون قالت لنا لا ادقون الا الساعه 9
انا انصدمت منها ومن المستشفى اللي يقولون لي بنقط الجنين بالزباله لين اخر شي حولوني على الصباح بعد ماخذوا فلوسهم كامله وهم ماسوو لي شي

بالاخر حقدت عليهم وعليها
بس للحين ادري انها شاطره بس لازم يكون عندج دكتور ثاني للطوارئ ترجعين له لانها ماتنفع اذا انتي حالة طارئه

ادري طولت عليكم وقرقت وايد بس هذي تجربتي معاها

 

[موجة ~ بحر]

الصراحه الدكتورة شاطرة وفاهمة بس الزحمة مو طبيعيه عندها نقعد بالساعات بس عشان ندش عليها عشر دقايق وكل مستعيله عشان بتمشي الناس انا مع الاخت اللي قالت بالشهر التاسع تغيرت اي صح انا من نهايه الثامن صارت واااايد صبورة وبالركادة تشتغل وتجاوب على الاسئلة وتطمني عالولادة والحمدلله اهيا ولدتني وخياطها زين

 

[*ماي الورد*]

رد : الدكتورة فوزية القطان

الدكتورة شاطرة حييييييييييييييل
بس انا ايد البنات الزحمة عندها قاتلة
يعني اختي ولدت و لادة مبكرة منهم كانت تراجعع عند نهلة وما قالت لها انه المشيمة نازلة
كلما حجزت عند د فوزية تتاخر مرات و مرات عندها و لادة يعني صج ماتنفع حق الحالات الطارئة
بس وايد حالات صعبة حملو عندها
و انا بعد من بعدفضل الله حملت عندها من بعد علاج سنوات

 

[cramela]

اها طبعا انا دخلت علشان اشوف كلامكم عن الدكتوره فوزيه طبعا انا قاعده اسال واستفسر منو زينه علشان تساعدني بعد الله باني احمل في بنت المهم رحت راجعت اول مره دخلت عند الدكتوره نهله سوت لي سونار داخلي وكان قريب وقت الدوره وقالت لي باين الدوره قريبه تحبطت انها راح تنزل وضاق خلقي المهم بعدها ب 8 ايام ما نزلت الدوره ولاني حامل المهم مارحت لها بعد شان يطيح البيبي اسم الله عليكم وبعدين رحت لها امس طبعا اللي تقول نطرت ساعه الله وكيلكم قاعده من 6:30 الي 9:20 دخلت واااااو طبعا دخلت دايخه وحدي مستانسه اني بروح حق عيالي ابي اخلص المهم طبعا قلت لها اني كنت حامل وطيحت قالت لي اي عادي يصير بسرعه وبعيله ما عطتني وقت وما ارتحت لها كلش وللامانه اسلوبها زين بس ما عطتني ويه وقلت لها صار جماع بالوقت الفلاني قالت انا اعطيج حبه علشان ما يتم شي قبل لا نخطط المهم قالت لي اول يوم من الدوره تعالي طبعا شغل عيله وطول انتظاريانصدمت بس فرحت باني راح اطلع رحت الصيدلي قلت له هالدوا ليش قال يطيح الحمل يمه حبيبي ولدي لو ان البيضه توها مخصبه ولدي ضناي حبيبي المهم مو هذا موضوعنا المهم والنعم فيها بس ماشفت كلامكم الزين عنها اسلوبها ناشف وسريعه ما ادري شكلي برد علي الدكتوره ماجده اليتامي والله اعلم مو علشان احمل لا علشان اتابع معاها انا بخلي كل شي علي الله سبحانه بنت واللا ولد اهم شي سليم ويظل والله ولي التوفيق