الدرس الاول من دورة الكروشيه ( السلسلة )

[دلوعة روحي]

بسم الله الرحمن الرحيم

نبدي دورة الكروشيه


طريقة الامساك بالسنارة

يوجد طريقتين :

1- طريقة السكين

2- طريقة القلم

طبعا كل وحدة تمسك السنارة بالطريقة اللي تريحها

طريقة عمل عقدة البداية و يسمونها slip knot

اهم افي الكروشيه هو عقدة البداية و لازم تكون ثاااابتة عشان ما يتفلل شغلنا و يضيع مجهودنا

و هذي الطريقة

نلف الخيط مرتين حول اصبعين ( لاحظوا واحد يكون جدام و الثاني وراه )

بواسطة السنارة نسحب الخيط الخلفي من خلال الخيط الامامي

و نسحب الخيط عشان تثبت البداية

و هذا فيديو حق اللي ما فهموا من الصور

http://www.youtube.com/watch?v=gRx6mQTxvfs&feature=channel

طريقة مسك الخيط

و هذا الفيديو

http://www.youtube.com/watch?v=3QUoogVp3Fc

الحين انيي للمهم

الكروشيه يعتمد على 3 غرز اساسية

غرزة السلسال ويرادفها بالانكليزية chain stitch ورمزها ch
غرزة الحشو ويرادفها بالانكليزية single crochet ورمزها sc
غرزة البريد او العمود ويرادفها double crochet ورمزها dc

راح ناخذ كل غرزة بالتفصيل و نسوي عليها تطبيق

نبدي اليوم بغرزة السلسة

و هذا الفيديو

http://www.youtube.com/watch?v=rtC1s4dlN5g

و راح يكون هذا شكلها من جدام

نلاحظ ان الغرزة اللي على السنارة تكون دايما خارج الحسبة

يعني ما تنعد

و هذا من ورا

الواجب :

كل وحدة فيكم يا بنات تسوي 15 سلسلة و تصورها و تنزل صورتها عشان اصلح لكم الواجب

 

[عهد الامل]

هلا حبيبتي بداية ممتازة
يعطيك الف عافية علي المجهود في ميزان حسناتك ان شاءالله

بالتوفيق للجميع ان شاءالله

 

[ريـمــاس]

يسلمو يعطيج الف عافيه ياقلبي شرحج كافي و وافي

 

[ام عفاف الكويت]

ودي على قعدتي
بس ماعندي العده

 

[منوووووله]

وناااسه دلووعه ان شاءالله ايب العده واشتغل معاااكم يبييله :>

 

[دلوعة روحي]

عهود و ريماس تسلمون يا قلبي ما قصرتو



ام فوفة عادي حياج باي وقت



اووووو منولة هني حياج الله ناطرينج


يالله يا بنات وين التطبيقات ؟؟

 

[OM-Saad]

واااااااي وناسه

توني ادري ان الغرزه الي على السناره ماتنعد لوووول

 

[OM-Saad]

http://up4.m5zn.com/9bjndthcm6y53q1w0kvpz47xgs82rf/2009/12/21/08/thumb_ts9tyg1yy.jpg

كا واجبي :

 

[يا حظ عينك]

واااي حاولت حاولت
لووووول
بس ماكو فايده

 

[chocolat]

مشكوره وماقصرتي على التعليم

 

[سيدة الذوق]

ماشالله يادلوعه حركات ان شالله اذا قدرت اسوي معاكم

 

[دلوعة روحي]

ممتاز يا ام سعد و مشكورة على تواصلج يا غالية

الصورة وايد صغيرة

هالمرة اوووكي

بس حق مرة ثانية كبري الصورة يا قلبي

 

[دلوعة روحي]

تسلمون فديتكم


يا حظ عينك

حاولي مرة و مرتين و ثلاث ما عليه كلنا كنا جذي اول شي







chocolat

تسلمين على المرور يا قلبي






سدسد

ناطرينج يا قلبي

 

[Nonita-q8]

مايصير تبدون من غيري
وهذا تطبيقي :$



ام سعد شخبارج غطيتي وين وصلتي

 

[دلوعة روحي]

شغل مضبوط اكيد جكليته

ما يبيله كلام

 

[Nonita-q8]

وي يابختي تسلم ايدج
وبانتظار باقي الدروس

 

[OM-Saad]

تمام جكليتا انتي شلونج

انا الكبوس الي سويته كملته نفس الطريقه وغيرت الالوان كل 5 صفوف لون
وسويته مفرش حق طاولتي الصغيره ههههه

 

[دلوعة روحي]

تمام جكليتا انتي شلونج

انا الكبوس الي سويته كملته نفس الطريقه وغيرت الالوان كل 5 صفوف لون
وسويته مفرش حق طاولتي الصغيره ههههه

:dddds:

حركااااااااااااااااااات ام سعد

 

[دلوعة روحي]

وي يابختي تسلم ايدج
وبانتظار باقي الدروس

الله يسلمج يا قلبي

انطر تطبيقات البنات

اكيد ما يقدرون يشبكون من السيرفر

 

[miss_math]

مشكوورة