الخيانه مستمره

[مهره بدون خيال]

السلام عليكم ورحمة الله وبركاته

بعض الاعضاء يعرف قصتي مع زوجي وخيانته لي
صارت هناك تطورات

واكتشفت انه له علاقه مع وحده مستمره 7سنين واكتشفت انه يحبها ويحمل بقلبه لها كل الحب والود

هي متزوجه ومع هذا الى الان تتواصل معي زوجي رسايل انستغرام فيس بوك تويتر

لما اشوف كل هذا يحز بخاطري

انا فتحت حسابات وهمي وضفته وضافني واخذ يتحدث معي وسالته عنها قال لا ارضى عليها وهي اكبر من كل شي

لما يتحدث عنها انجرح اكثر
انا تعبت احاولت بكل الطرق بس مافاد ان يتغير
غيرت من نفسي وحياتي
اللي ذابحني انها متزوجه وللان تتكلمه وهو عادي

اعرف حسابها وافكر ارسل لها بس بتخبره لان اول مكتشفت خيانته اتصلت عليها من رقم الشغاله وعلى فكره هي من دوله خليجيه

ردت بدون ماتتكلم وانا ماتكلمت بس يوم رجع من الدوام معصب وقال الواحد مايتصرف تصرفت تستفز الطرف الثاني طنشته على اساس مو فاهمه ايش السالفه

انا مو كاسر ظهري الا اطفالي

خالته مره قالت هو ماخذك فقط للعيال اما حب لا والحب يدوره عند غيرك

انا اعرف تعبتوا من سالفتي انا جالسه افضض لكم لان مجروح من داخل واتظاهر عكس لكن الهم بان بوجهي والكل يقول تضحكين بس داخلك شي مكسور

 

[مني يغارون]

الله يجبر خاطرك وقلبك يارب
كان ودي افيدك بس ما عندي خبره
بأمور الخيانات
خليك عالاستغفار بكثره وربي يفرج همك

 

[الأميرة جوري]

بيني له عكس اللي داخلج لا تبينين آنج تغارين ولا تبينين حبج له الريال تكرمين مثل الجلب تركضين وراه يبتعد حاولي المتزوجة بأي طريقة تهددينها آنج تعرفين بيتها ورقمها بس لا تبينين ان القصد زوجج تبعد عنه لا قولي انتي تكلمين رياييل مصير زوجج يعرف وانا بقوله أو ابتعدي عنهم من هالكلام راح تخاف صدقيني مادام خاينه زوجج يشوفها ولا شي وأنها حالها حال البنات المنتهيات وادعى له

 

[Om_SalmaN]

حسبي الله عليه
عيشي لنفسج واطفالج وعطيه اكبر طاف لو تقدرين توصلين لزوج المره شوفي حسابها بالانستقرام وغيره اكيد بتضيف زوجها بلغيه خل يوقفها عند حدها بس اخاف تتطلق وتاخذ زوجج غريب زوجج راضي بكل هالسنوات بالحرام الله يعينه على عقاب ربي اهو محصن واهي محصنه مافي عذر لهلخرابيط سألي شيخ دين شوفي شقولج
واذا انتي صغيره وودج بزوج واهتمام خليه يولي والله يرزقج الاحسن منه بس المشكله العيال بيضيعون
الله يعينج يارب ويصبرج ويجبر بخاطرج عليج بقيام الليل وادعي الله فسهام الليل لا تخطىء

 

[أميرة-]

لو اني منج افضحها وامرمطها الجلبه متزوجه وتغازل شخلوا للمراهقين

 

[فوزيه الراسي]

كثري من الاستغفار والدعاء الله يفرج همك

 

[3aly mstway]

قلبي
انتي مو اول وحده تشتكي من الخيانه بالعكس قلت البيوت اللي ما تعاني من الخيانات وكلي امرج لله وشيليه من راسج وعيشي عشانج وعشان عيالج و هو بطقاق

 

[جوري الغرام]

الله يهديه لج وعليج بالاستغفار ...

انزين مادام هي من ديره ثانيه يعني علاقتهم مو كبيره فلا تكبرين الموضوع

 

[keka89]

فضحيها شفيج ساكته وليش ناطره
وزوجج القذر الخاين الله يلعنه انشالله (لاتزعلين بس اهو المفروض ينرجم لو كان مسوي شي غلط معاها)
وهدديه بالطلاق وانج عايفته ولا يعه جبدج منه فمارح يتحمل مسؤولية العيال ويمكن يخاف ويوخر عنها

 

[Emanii]

الي قعد تقولج ضحيها وشهري فيها تره لو مو اهي راح تكون في غيرها
البلا بالزوج والحريم مقططين كل مكان
عيشي لنفسج وعيالج والله يجبر بخاطرج وحتى لو تبين الطلاقما اايد تدخلين غريب على عيالج عيشي لعيالج حتى لو تطلقتي وربج ماينسى احد قولي اللهم اني استعديك عليهم فانك اشد بأسا واشد تنكيلا

 

[فنر 7]

المشكله بزوجج مو بالبنت ان كلمتيها وقلتليها وخري عن زوجي بتقولج وخري زوجج عني اهو اللي يتواصل معاي
يا تكلمينه وتقوليله اختار بيتك وحياتك وعيالك او صديقتك
يا تجاهلي الموضوع بكبره واستمري بحياتج ودوري راحتج

 

[brettey]

المشكله مو في البنت المشكله في زوجج عديم الرجولة لازم توقفينه عند حده قولي له يا انا يا اهي

 

[Pinky -cat]

حبيبتي مبين متعلق فيها وصعب الموضوع ، صبري ونطري وشوفي الانسب لج وهل لو درا بستغني عنج ؟
لان مبين ما يخاف وطبيعي وضعه مو حاس بذنب ولا شي .

 

[شوشآآ]

حبيبتي نصيحه طنشي له ولا تهتمين فيه ٫٫ انتي شوفي نفسج وعيالج اهتمي بنفسج استانسي مع صديقاتج قوي شخصيتج اذا ماتشتغلين سوي لج بزنز بسيط وراتبج او ربح البزنز خليه لج دلعي نفسج فيه٫٫ اضحكي والعبي مع عيالج ٫٫ بس بنفس الوقت عطيه كل حقوقه الشرعيه وطبعا غداه وعشاه لازم جاهز ٫٫ ادعي ربج يهديه ٫٫ كثري استغفار ٫٫

الزوج لازم يكون اخر اهتماماتنا اذا دلعناهم و و و الخ حصلنا منهم الخيانه واذا ماعطناهم وجه وعشتي حياتج لنفسج آول ولعيالج بتشوفينه يتقرب منج ٫٫

الله يسخره ويخليه لج ولعيالج والله يبعد عنكم بنات الحرام

 

[lovemyself]

الله يفرج همج