فطفط نجد
New member
مساكم الله بالخير والسرور
من كثر مااقراء على امي من قصصكم رجعت لامي الذاكره
وصارت تعطين من هالقصص انا مدري قبل على باله انهن مايجوزن لي وماتقولهن والا انه يقالي متشببه ولا افهم بسوالف الاولين...
المهم انه اخرجت مافي جبعتها في هذا اليوم وحبيت انقله لكم ..
والقصه تقوووووول :
انه كان فيه مرتن رجله نواله نية شينه نوى يعرس عليه والمراءه وش احليله صاينتن بيته ورجله وعياله ومسنعتهم بس هالرجال مايملاء عيونهم شي ..
وياليته على النيه وبس لا الرجال قرر الزواج واستعد بس أنقصته الفلوس المهم انه فكر و فكر قال مالي الا هالطريق هي اللي اقدر اتزوج به
والحريم من اول كان معهن منثوره ويطلق عليها المورقه : وهي عقد من الجنيهات وعدد الجنيهات سبع جنيهات وعقد ثاني يصير مليان خرز وذهب وحركات سنعه وعليهن القيمه .. >> المهم انه ذهب
و جاء لم زوجته وقال له : يامره انا داخل على الله ثم عليك وابي اشتري لي كم سواني واتاجر بهن وابيك تعطينن ذهبك ابيعه واشري بقروشه سواني
السواني : هو القعود او البعير او الثيران لجلب الماء من البير >> المهم انه حيوان يمشي على اربع ارجل ...
المهم الرجال خذا الذهب وراح لم ديرة جمبهم وتزوج من عندهم .. وصار كل ليله مطلع له علة وشغله بهالليل عشان ماينام عند مرته الاولى ويروح للديره وينام عند عروسته..
والمره استغربت وتسال زوجه يا ابو فلان وين السواني ويقول له اني موصي عليهن واحد من العرب وبيجيبهن لي قريب
ومرت الايام والليال :
والرجال على حاله يطلع له اعذار عشان مايقعد بالبيت بالليل والمره بدت تشك بس كل مره تهون على نفسه وتقول اعقلي بس لاتوسوسين ..
وطبعا الرجال ساكن بقريه نائيه وماهنا احد حوله والا كان انتشرت سالفة زواجه ...
ومرة من المرات كان الجو مطرررر وبرق ورعد والمطر قوي ويقوم الرجال قال انا يام فلان معزوم على عشاء وبروح
قالت تروح وتتركنا بهالمطر اقعدنا عندنا نخاف اننا نقعد بهالمطر ...
قال لا ابدا الرجال يميده يحترينا عشان ينكب عشاه وكم ساعه وجاي وانتم ماصايبكم مكروه ان شاء الله >> الله من النصب
ويطلع الرجال من بيته وشكت المره عقب هالسالفه ان الموضوع فيه ان وقررت انه تتبعه بهالمطر
طبعا الرجال كان على حماره والمره تتبعه على رجليه >> ياويل قلبي عليه
وكان ظلام ماينشاف فيه احد بس اذا ابرقت واثره تلمح زول رجله قدامه ولحقت رجله لمين وصل الرجال
لهكالبيت وتفتح له هكالمره وترحب فيه وتهلي قالت : هلا والله ياابو فلان اثرك جيت والله اني ماهقيتك تجي لمي بهاليله وتترك بيتك وعيالكم ...
ويوم ابرقت ومع البرق تلمح الزوجه المره اللي قدام رجله واثره لابسة منثورته وذهبه وهي قاعدتن تفرك ايدايته لاذهب ولا رجل
وهي تجيك وتحتريه يدخل ويوم دخل وهي تفك الحمار وتاخذه
وترووووح لك هكالمكان اللي كله جنوووووووووون ومشهور فيه تواجد الجن
وتقولهم هالبيتين :
ياأهل العشر هو من خطركم يخطر *** مالي غير حذاكم يالنشاما غريبه
قشـي غـدا وابو عيـالي تنـكر *** وانا اشهد ان فـراق خلي مصيبه
وقالوا الجن ابشري ماطلبتي ... >> هههههههههه
ويروحون لم العروس ويمسكونه مع شوشته ويجرجرونه ويهبلون فيها لمين دخله واحد منهم
والناس استغربوا وش هاللي جاء هالمره مرة وحده وفجاه
المهم ان الناس قروا على المره ومع القرايه تكلموا اللي به وقالوا ماراح نطلع الا لمين رجله يرجع كل ذهب وفلوس مرته ويطلق هالمره ويرجع لمرته ..
والا غيره مالنا مطالب مانبي منكم الا هالشروط
ويطلق الرجال المره ويرجع لبيته ولمرته ويرجع له فلوسه وذهبه ...
مايستفاد من القصه :
لا تصيرين من هالحريم المهبل اللي كل افلوسك بيدين رجلك وان اخذ فلوسك ترى مالك الا اقرب ظلع
وانا ماأعمم الرجال والله يا اغلبهم فيه الخير والبركه ويستاهلون العمر يقضي عشانهم مهب فلوس
بس الوحده تتاكد قبل لا تمد يده وتحسف :d
ودمتم بود ..
من كثر مااقراء على امي من قصصكم رجعت لامي الذاكره
وصارت تعطين من هالقصص انا مدري قبل على باله انهن مايجوزن لي وماتقولهن والا انه يقالي متشببه ولا افهم بسوالف الاولين...
المهم انه اخرجت مافي جبعتها في هذا اليوم وحبيت انقله لكم ..
والقصه تقوووووول :
انه كان فيه مرتن رجله نواله نية شينه نوى يعرس عليه والمراءه وش احليله صاينتن بيته ورجله وعياله ومسنعتهم بس هالرجال مايملاء عيونهم شي ..
وياليته على النيه وبس لا الرجال قرر الزواج واستعد بس أنقصته الفلوس المهم انه فكر و فكر قال مالي الا هالطريق هي اللي اقدر اتزوج به
والحريم من اول كان معهن منثوره ويطلق عليها المورقه : وهي عقد من الجنيهات وعدد الجنيهات سبع جنيهات وعقد ثاني يصير مليان خرز وذهب وحركات سنعه وعليهن القيمه .. >> المهم انه ذهب
و جاء لم زوجته وقال له : يامره انا داخل على الله ثم عليك وابي اشتري لي كم سواني واتاجر بهن وابيك تعطينن ذهبك ابيعه واشري بقروشه سواني
السواني : هو القعود او البعير او الثيران لجلب الماء من البير >> المهم انه حيوان يمشي على اربع ارجل ...
المهم الرجال خذا الذهب وراح لم ديرة جمبهم وتزوج من عندهم .. وصار كل ليله مطلع له علة وشغله بهالليل عشان ماينام عند مرته الاولى ويروح للديره وينام عند عروسته..
والمره استغربت وتسال زوجه يا ابو فلان وين السواني ويقول له اني موصي عليهن واحد من العرب وبيجيبهن لي قريب
ومرت الايام والليال :
والرجال على حاله يطلع له اعذار عشان مايقعد بالبيت بالليل والمره بدت تشك بس كل مره تهون على نفسه وتقول اعقلي بس لاتوسوسين ..
وطبعا الرجال ساكن بقريه نائيه وماهنا احد حوله والا كان انتشرت سالفة زواجه ...
ومرة من المرات كان الجو مطرررر وبرق ورعد والمطر قوي ويقوم الرجال قال انا يام فلان معزوم على عشاء وبروح
قالت تروح وتتركنا بهالمطر اقعدنا عندنا نخاف اننا نقعد بهالمطر ...
قال لا ابدا الرجال يميده يحترينا عشان ينكب عشاه وكم ساعه وجاي وانتم ماصايبكم مكروه ان شاء الله >> الله من النصب
ويطلع الرجال من بيته وشكت المره عقب هالسالفه ان الموضوع فيه ان وقررت انه تتبعه بهالمطر
طبعا الرجال كان على حماره والمره تتبعه على رجليه >> ياويل قلبي عليه
وكان ظلام ماينشاف فيه احد بس اذا ابرقت واثره تلمح زول رجله قدامه ولحقت رجله لمين وصل الرجال
لهكالبيت وتفتح له هكالمره وترحب فيه وتهلي قالت : هلا والله ياابو فلان اثرك جيت والله اني ماهقيتك تجي لمي بهاليله وتترك بيتك وعيالكم ...
ويوم ابرقت ومع البرق تلمح الزوجه المره اللي قدام رجله واثره لابسة منثورته وذهبه وهي قاعدتن تفرك ايدايته لاذهب ولا رجل
وهي تجيك وتحتريه يدخل ويوم دخل وهي تفك الحمار وتاخذه
وترووووح لك هكالمكان اللي كله جنوووووووووون ومشهور فيه تواجد الجن
وتقولهم هالبيتين :
ياأهل العشر هو من خطركم يخطر *** مالي غير حذاكم يالنشاما غريبه
قشـي غـدا وابو عيـالي تنـكر *** وانا اشهد ان فـراق خلي مصيبه
وقالوا الجن ابشري ماطلبتي ... >> هههههههههه
ويروحون لم العروس ويمسكونه مع شوشته ويجرجرونه ويهبلون فيها لمين دخله واحد منهم
والناس استغربوا وش هاللي جاء هالمره مرة وحده وفجاه
المهم ان الناس قروا على المره ومع القرايه تكلموا اللي به وقالوا ماراح نطلع الا لمين رجله يرجع كل ذهب وفلوس مرته ويطلق هالمره ويرجع لمرته ..
والا غيره مالنا مطالب مانبي منكم الا هالشروط
ويطلق الرجال المره ويرجع لبيته ولمرته ويرجع له فلوسه وذهبه ...
مايستفاد من القصه :
لا تصيرين من هالحريم المهبل اللي كل افلوسك بيدين رجلك وان اخذ فلوسك ترى مالك الا اقرب ظلع
وانا ماأعمم الرجال والله يا اغلبهم فيه الخير والبركه ويستاهلون العمر يقضي عشانهم مهب فلوس
بس الوحده تتاكد قبل لا تمد يده وتحسف :d
ودمتم بود ..
