الخويه

[pusy cat]

السلام عليكم ورحمة الله وبركاته

بنات انا سمعت عن شغله ياكلونها الحريم بالنفاس اسمها الخويه

عباره عن دجاج داخله ادوية النفاس ويتسوى مرقه وينحط بجدر ويخلون المره تغطي نفسها بفوطه مع الجدر وتستنشقه نفس حمام البخار وتاكل منه

يقولون ان يطلع الهوى من الجسم وبعدها تنام المره نومه طويله

اتوقع البدويات اهم اللي يعرفون هالسالفه

ياريت اللي تعرف تعلمني طريقة الطبخه بالضبط وشنو الادويه اللي تنحط فيها

 

[Babystyle]

اب

اب

 

[Mrs.H]

هذي يسوونها الردادات الايرانيات اكثر شي والبنات العيم عندهم خبرة اكثر بموضوع دياية الادوية

 

[Aloe Vera]

مادري استغفر الله احس مستحيل اسوي شي جذي لمن قريت طريقتها بالتفصيل

 

[فيلسوفة قلبي]

نحن في مسقط مطبخها بمرقة الدجآج والفلفل الأسود والدارسين والقرنفل ومآأدري شنو بعد

وتنطبخ بالبصل والطمآم .. ونأكلهآ عآدي ..بس أن نستنشق ونغطي بفوطة فمآأدري هآلسالفة شو قصتهآ..

 

[صعبه]

انا مادري شلون تصدقون هالاشياء @@

 

[دلع24]

لا حبيبتي البدوياات ماايسوون جذي اول مرره اسمع فيهاا

حنااا نتبخر بالمره وقرش البصل وشغله ثاانيه عشان يطلع الهوا الي بالرحم بس

 

[امـ خــزامـى]

خزعبلااااااااااااات

مااحس تفيد ولا تنفع

 

[سلاسل ذهبيه]

شوفي البدويات يسوونه اذا كانت النفاس اوحتى غيرالنفاس مصابه بمرض يسمى الخوى وهوانالوحده تحسانصوتها يطلعمع اذانيهاوتحس بخمول وارهاق والوصفه الاصليه كرشة اوراس خروف وان لم تجد تحط دجاجه فرش ويحشى بشوي عيش وادويه نفاس مثل حبه سوده وحلبه وغيره وتاكل منه وتشرب من مرقته اوحت تشربشوربه دافيه وتاكل المهم ماتكون جوعانه وبعدهاتجيب مرقته وهي حاره وتبخر راسها واذانيها ووجهها وتلحف او تلبس ملفع وماتطلع بالهوا وهذي من انجح وصفات الطب الشعبي

 

[@سيدة نفسي@]

سوتها حقي أمي الله يطول بعمرها ان شاءالله بس ماكنت مقتنعة

فيهاا أبد .. ماحسيت فادتني بشي سبحان الله النفاس نفسية

اذا مو مرتاحة حق الشغلة اللي تسوينها أو تاكلينهاا ماتستفيدين

أبداً

 

[تبطي عظم!]

سامعه فيها بس محد من اهلنا يسويها

بنت خالتي سوتها وتمدحها حييييل عن نفسي ماجربتها كللش

 

[حبيبي مالكني]

ماعرفها الصراحة للاسف

 

[.:lady bug :.]

سامعه فيها بس ماعرف احد جربها
واسمع ان الايرانيات يسوونها
خل اسال بنت جيراننا

 

[pusy cat]

مشكورين كلكم على المشاركه

انا نفسكم ما عرف هالسوالف بس في وحده بدويه قالتلي عنها وان هالشغله مفيده وكل من سواها يحس ان الهوى يطلع من اذنه

وانا قايلتلي الفلبينيه اللي تدلك راسي ان راسي فيه هوى فقلت يمكن هالشي يفيدني

 

[pusy cat]

شوفي البدويات يسوونه اذا كانت النفاس اوحتى غيرالنفاس مصابه بمرض يسمى الخوى وهوانالوحده تحسانصوتها يطلعمع اذانيهاوتحس بخمول وارهاق والوصفه الاصليه كرشة اوراس خروف وان لم تجد تحط دجاجه فرش ويحشى بشوي عيش وادويه نفاس مثل حبه سوده وحلبه وغيره وتاكل منه وتشرب من مرقته اوحت تشربشوربه دافيه وتاكل المهم ماتكون جوعانه وبعدهاتجيب مرقته وهي حاره وتبخر راسها واذانيها ووجهها وتلحف او تلبس ملفع وماتطلع بالهوا وهذي من انجح وصفات الطب الشعبي

بالضبط هذا اللي كنت اسأل عنه وانا احس بهالاعراض كلها وصوتي يزعجني احس جنه احد يتكلم عند اذني

يعطيج العافيه ماقصرتي?

 

[pusy cat]

نحن في مسقط مطبخها بمرقة الدجآج والفلفل الأسود والدارسين والقرنفل ومآأدري شنو بعد

وتنطبخ بالبصل والطمآم .. ونأكلهآ عآدي ..بس أن نستنشق ونغطي بفوطة فمآأدري هآلسالفة شو قصتهآ..

هههههه حتى انا مادري بس على كلام البنت احس اقنعتني يوم قالت الهوى يطلع من اذنج

 

[Mrs.H]

يمدحوون اللي تسويها الردادة ام اسد.. بس يقولون اهيا نفسها ترديدها عادي لكن طلبي منها بس الدياية

او ام علي ترديدها حلو وهم قوليلها ابي الدياية

والله يوووفقج ياارب