الخمول والكسل هل له علاج؟؟

[noora_333]

ماهو علاج الخمول والكسل فى الطب ؟؟ ارجو افادتي

 

[ii DareeN ii]

حبوبه بالنسبه للخمول والكسل سوي تحليل دم اذا اهو الخمول والكسل زايد عن الطبيعي او غير عن طبيعه حياتج وخل يشوفه الطبيب يمكن عندج نقص بشغله او زياده بشغله مسببه لج الكسل لاتلجئين حق منشطات قبل التحليل

 

[ღ Prettyღ♥ღWoman ღ]

نقص الحديد والبوتاسيووم يسوي خموول وكسل

راجعي الطبيب عشان يفيدج اكثر

وممكن قلة النووم و السهر اهي الي تسبب الكسل

بس بصراااحه انا كله نايمه بالمحضراات ومالي خلق شي كسل مو طبيعي

بس مره الصبح قبل لا اروح الكليه شربت رد بول

بالمحاضره انا الوحيده الي مصحصحه مع الدكتوور

وايد فادني الردبول

 

[شمسه]

حبيبتي ... صح إذا خمول مو طبيعي لازم تسوين تحليل دم

بس اذا خموول بسيط كلنا الله وكيلج خمووول وكسل من هالسنترال الي يكسر الجسم

عليج بالجاي الأخضر الصبح ينشط ويعطيج فايده حبيبتي

وسلامتج يا قلبي

 

[noora_333]

مشكورين على الردود الطيبه انا بعد شكيت بنفسي سويوت تحاليل شامله كل شي سليم بس المشكله ما راحت خمول مو طبيعي كل ابي انام واذا صار عندى شغل مهم اجلته لبكره وخلقت لنفسي الاعذار عشان ما روح لكل شي احط عذر والله تعبت 0

انا سمعت عن عصاير او مشروبات واكلات تساعد على النشاط ومفيده جدا بس ما حد قدر يحددهم لي 0

 

[ii DareeN ii]

مشروبات الطاقه تقصدين الرد بول ولا مادري شنو هورس بصراحه ماعتقد يفيدونج انا مره ايام الامتحانات شربته جان سيده انام يعني بينشطني عشان ادرس نومني روحي سوي تحليل وخلج من هالمواد الي مامنها فايده

 

[رايقة1980]

الغده الدرقيه وفقر الدم سبب رئيسي بالخمول..


انا فيني خمول لكن مو مرض شي نفسي

كنت انطوائيه وخجوله وبلا هدف بعد ماعالجتهم صرت نشيطه

 

[رورو الحلوة]

اختي سوي تحليل للغدد واحتمال يكون كسل بنشاط الغدد الدرقية

 

[noty]

والله اعرف ناس اذا تبرعوا بالدم اخف عندهم الخمول والكسل

و ممكن اكون عندج خلل في الهرمونات لازم اتسوين تحليل اذا حاسه انه الوضع مو طبيعي

او تحتاجيين مكمل غذائي ( فيتامينات ) هذا كله تحت اشراف طبيب طبعا

او يكون في غدة خاملة .. وساعات حتى الدورة الدمويه اتاثر ممكن تكون مو منتظمة

واذا الوضع مو لهدرجة .. هذا تعود لانه البيئة اتساعد على الكسل .. لانه بالسفر مانكون جذي

وان شاء الله مافييج الا العافيه حبيبتي ..

 

[دموع الذهـب]

حبيبتي أكو عصير فاكهة النوني ينشط الجسم وله فوائد كثير وفي وحدة أعرفها تبية دشي على قوقيل وشوفي فوايد فاكهة النوني وترى رخيص مو غالي يعني ما يتعدى ال5 وإذا تبين التفاصيل راسليني على الخاص

 

[((MiSS CuTe))]

انا سمعت ان الخمول من اسباب الغدة سوي تحليل وانا بعد ملج كلاااااااااانة ونوااااااامة والرد بول ماييب معاي نتيجة ابدااااااااا

 

[سمبتيكة]

الله يشافيج اختي وترى اهم ثلاث اسباب للكسل بالطب:
خمول الغدة الدرقيه
انيميا
نقص فيتامين D
وسلامتج

 

[رقي]

سو تحليل اهاف فيج غده خامله

 

[**حلوة ودلوعة**]

أختي أنا كان فيني خمول وكسل ونسيان مو طبيعي وشهيتي مسدودة ما اكل كلش لدرجة ما لي خلق أروح الطبيب وبعد أكثر من 6 شهور رحت وسويت تحليل دم طلع طبيعي بعدين سويت تحليل الغدة وطلع طبيعي بعد :eh_s(10):
وبعدها سويت حجامة لالم بظهري فاسألتني الحجامة انتي فيج خمول؟ استغربت شلون عرفت مع اني ما قلت لها أي شي بس النتيجة عجييييبة:eh_s(15): أنا نفسي مو مصدقة حسيت نفسي خفيفة وارتاح بالنوم وانفتحت شهيتي

الفال للجميع بالصحة والعافية والنشاط:eh_s(17)::eh_s(17):

 

[د.مريم باقر]

عزيزتي للكسل و الخمول أسباب جسدية و أسباب نفسية ، أما الاسباب النفسية المؤدية للخمول و الكسل هي كبت المشاعر والخوف من ردود فعل الآخرين تجاه فكارنا أو سلوكياتنا ،كما إن التردد و عدم القدرة على اتخاذ قراريسبب الخمول و الكسل الجسدي والحل تجدينه في جلسات التنفس و الاسترخاء.