الخلطه الصابونية ابيها سائله

[شـهد]

الخلطه الصابونية مالت مزيونة وشقرا

سويتها مرتين وكلها تتجمد


كيف اخليها تصير سااااااااااااااايله مثل الشاور جل ؟

 

[شـهد]

ابـــــــــ ,,

 

[al-musk]

زيديها ماي ورد...وبعد ماتخلصين خلطيها بخلاط الكيك بيخليها ناعمه حيل...

 

[al7lwa` `]

حبيبتي اهيا اساسا تكون جامده مو مثلالشاور جل بس عااد مو صخررررره !!

واذا تبيينها سائله لا تحطين نشا وكثري مااي ورد

 

[miss angel]

لا تحطين نشا وكثري من ماي الورد او حطي مع الخلطة كريم جيلسويد

 

[موزة ام فارس]

والله بالنسبة لي ازيدها شاور جيل على لوز اشتريه من النسائم

تطلع وااااو *_*

 

[MiSs*StYle]

مثل ماقالو البنات لاتحطين نشا وراح تكون سايحه معاج ..ولاتزيدين ماي ورد لانها راح تكون سايحه حيل النشا اهو اللي يجمدها

 

[yam_yam]

للاسف موقفتها مزيونه
حدها ضايق خلقي
من يعرف مكوناتها بنات ؟؟

 

[زهرة الفردوس]

اهيا لازم تكون جامده يالغاليه

 

[آلسحرآلحلال]

بنات شلون تكون جامدة ... يعني مثل شكل الصابون عادي ولا شلون ..
صج ماعرفت لهااا


وبعدين ليش مزيونة موقفتهااا !!!!

 

[miss angel]

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

بناااات هاذي المكونات والطريقة وترى سهلة وما يبيلها شي