و الله انا من رأي البنات قالوا الي المفروض تسوينه
حبيبتي انتي ادا تحبينه و تبينه ترا سهل تقنعين اهلج
شوفيني انا مغربية♥ و خطيبي كويتي♥ الحمدلله تقدملي و اهلي وافقوا
بس بعد ما نشفو ريجي انا وياه و كنت احاتي نفسج و اكثر
تدرين المغرب وين و الكويت وين مسافة و عادات و تقاليد مختلفة
شلون انتو الي خليجيين لكم عادات وحدة و سهل ابوج يسأل عن الولد
ادا يعرف ناس كويتيين او حتى بيسافر يوم و ما رح يقصرون الناس
انتي خليج من سالفة الغربة لان الزواج بذاته غربة عن الاهل
و صدقيني ادا تحبينه و يحبج ما رح يهمج الغربة و ترا هدا كلام اهلج اثر فيج
انا صار معاي نفس الشي و كنت اقوله ان اهلي بيطلعون لي مسألة الغربة
و مع دلك ما يئست و هو بعد بالعكس تمسكنا ببعض و كنا صريحين مع اهلي
خاصة اهوا يعني اقنع ابوي و خوالي و بعد اخوي كان معانا و اقنع ابوي بالسالفة
انتي اقنعي ابوج اول قوليله ان الكويت و الامارات مو بعاد عشان تخاف علي
قوليله اقعد مع الولد اكثر من مرة سولف معاه بتعرفه عدل قوليله انج استخرتي و الحمدلله كلشي تمام
ادا تحبينه تمسكي فيه بعد اهوا ما رح يضحي بروحه انتي بعد لازم تضحين و الوطن بالقلب
مو صعبة حياتي انتي بس تذكري انه اختيارج و حب عمرج و الانسان الي تبينه و تبين تكملين حياتج معاه
صدقيني بتنسين مسألة الغربة و مع الوقت بتعيشين عادي ولا جنه انتي من ديرة و اهوا من ديرة
تدرين ذكرتيني باول ايام خطبتي و لما دروا اهلي كنت ما انام الليل كل يوم اطلعله بحل و بفكره
و اهلي كل ما اقنعهم بشي يطلعولي شي ثاني و مسألة العيال اكيد عيالج بيكون الانفع لهم ديرتهم عشان الحقوق
اما ديرتج حتى لو عطتهم حقوق ما رح تكون نفس الي بتعطيهم ديرتهم و هناك بيكونو احسن و بيرتاحون اكثر
و ربي يسعدج و يوفقج تعالي قوليلنا شنو صار معاج اوكي احس ان وضع اشبه بوضعي عشان جدي قلتلج شنو صار معاي
موفقة يالغالية و عسى ربي يسخركم لبعض و يخليكم حق بعض و لا يفركم
اول شي اشكرج من قلب على ردج صدق صدق ردج فاادني وحسيت ان حد حس فيني وعاش معاناتي وفاهم شعوري
اشكرج على مشاركتج تجربتج لي
والله يوفقكم ويسعدكم دوووم والله لايفرق من بينكم ويجعل ايامكم كلها حب واحترام وسعاده
ووضعي مثل ماكان عليه وضعج والله ما انام الليل من احط راسي افكر فالموضوع ابغي انسى شوووي عشان ارتااح لكن كل شوي هو يكلمني ويقولي طمنيني شو صاار وترد اعصابي تتوتر
نحن الحمدلله في الامارات ابناء المواطنات لهم حقوق مثل المواطنين من ام واب وهو عارف هالشي والجامعه عارضه عليه امتيازات جيده له ولزوجته وعياله ووالله يا اختي اول ماتعرفنا على بعض كان يقولي اذا ماراح اتين الكويت انا بي الامارات وبدورلي شغل ودووم يكرر هالشي وسبحان الله اتصلو فيه وعرضو عليه الوظيفه معنه مب مقدم لكن كان طالب سابق فيها
في امور بفضل من الله تيسرت خاصة الي من جهة اهله وحاليا امي وخواتي لكن تمت المهمه الاصعب ابووووووي .. لا راضي يسال ولا راضي يقابل الولد ولا ولا ولا شي لييش ما ادري .. يتصلون فيه من الكويت ماايرد ويقول محد اتصل فيني والحين يقول لو تباه بوكل اخوها يزوجها منه يعني لييش كل ها ماعرف على الاقل قابله اقعد معاه سولف معاه .. مسكين يا الامارات ومثل مايا رجع بس اهله زارونا ومره طلعت معاه ومع امه ومرت خاله وخاله وابوه بس ماقابل لا ابوي ولا اخواني .. اختي بتكلم اخوي وان شاء الله يقتنع
انا استخرت وان كان خير لي باذن الله امووورنا بتتيسر
الله يجمعنا بالحلال
