الخطيب الكويتي واهلي !

[ورقة ناعمة]

السلام عليكم ورحمة الله


خواتي في الله انا من فترة نزلت موضوع اني اماراتية وكنت اسال عن عاداتكم في الخطبة لان بيتقدملي كويتي


الحمدلله بفضل من الله الامور كلها تمام الى الان بس في تخوفات من جهة اهلي


انا من جهة الولد ابدا مب خايفة الحمدلله اعرفه زين وواثقه من اختياري وماقلتله توكل على الله ووافقت انه يتقدملي الا وانا مقتنعه فيه كزوج وكشخص


بس المشكلة الكبييييرة اهلي !!


انا ماقول مب من حقهم يخافون علي وخاصة انه من بلاد وانا من بلاد بس هم زودوها واايد


امي بدت تقتنع شووي لكن ابوووي ابدا مب مقتنع وخايف وكل يوم يطلع لي قصة


يقولي عيالج وعيالج .. انا ما اقدر ارد عليه احتراما انه ابوي وما ابا يعرف اني على علاقة مع الولد لكن فهمت اختي اني ماراح اخذ واحد زلمه مع احترامي او ان من جنسية اسيويه .. انا راح اخذ خليجي ووايد من الاماراتين اصولهم كويتية



ابا اقنع اهلي بس كيييف ماااعرف


قالولي مانباج تتغربين رد عليهم الولد انه بيستقر اهني معااي وبياخذلي شقة ملك .. قالو مانعرف الولد قلت اسالو وانا استخرت الله .. الحين ميودين علي سالفة العيال والجنسية ودراستي وشغلي و....



وفي شي ثاني مره قالي انه ماراح يتم معاي على طول فدبي في اي سنه يمكن انه يرجع الكوييت وبياخذني معااه وانا قلتله مستحيل اهد بلادي ماقدر وسكت وغير الموضوع وانا ماقلت حق اهلي هالشي



والله تفكييييري واايد اتشتت فهالموضوع ماعررف شو اسوي




بغض النضر عن الجنسيات في وحدة ريلها من جنسية غير جنسيتها وكيف حياتهم و كيف استقرارها واستقرار عيالها وكيف قدرت تقنع اهلها ؟؟ الموضوع ها بدا يشتغل تفكيري ريحوني جزاكم الله خير



وسامحوني الكلام مب مرتب

 

[Dr.rooz]

شوفي اذا على العيال فعيالج كويتيين يعني راح يعيشون معززين و مكرمين و هم مثل م انتي م تبين تتركين ديرتج حتى خطيبج م يبي يترك ديرته !
و العيشه الكريمه لعيالج راح تكون بالكويت فاذا تقدرين تضحين و تعيشين بالكويت وافقي بس اذ م تقدرين لا

 

[لوولوو_88]

دام رضيتي فيه لازم تضحين .. بعدين أغلب الي يتزوجون زوج جنسية ثانية تعيش في بلاده و هذا الصحييح .. لأنه عيالج حقوقهم الكامله بياخذونها بديرتهم .. أما بديرتج لا الوضع يختلف و مكلف بعد ..

في من أهلي تزوج بحرينية و يابها اهني .. و واحد تزوج امارتيه و يابها اهني .. ما قالو الحريم بنقعد بديرتنا عشان مستقبل اعيالهم

ف يا حبيبتي دامج اخترتي من بره ديرتج لابد من التضحية .. و إذا منتي مضحيه لا تزوجينه اريح لج و له

و الله يسهل امورج

 

[Aloe Vera]

اذا اخلاقه زينة و مقتنعه فيه تعيشين معاه ماراح يفرق معاج اي ديرة بالله اضطريتو تروحون امريكا و لا اي دولة شتسوين ؟ المهم استقرارج مع زوجج لو اي ديرة راح تروحين معاه و اذا انتي ماتقدرين جذي معناته انتي مو مقتنعه و لا مستعدة تتزوجين واحد من غير جنسيتج.. انا زوجي من نفس جنسيتي بس لو يهاجر لو وين يروح اروح معاه لان استقراري هو وجودي معاه و بالنسبة للحياة بالكويت الحمدلله عيشة كريمة و الامارات ابد جيران و السفر سهل انا اقول دام مستخيرة خلاص توكلي عالله و تممي الامور و الله راح يسهلها اذا فيها خير والله يوفقج

 

[الجادل الخشف]

رايي من راي خواتي وبالنسبه للكويت شوفي الكويتيين شكثر ماخذين سعوديات وفي يقربولي بعد والله ماقالت بقعد بديرتي وانت تعال اكيد الزوجهه تلحق زوجها وين مايروح واذا انتي مو مستعده للزواج من غير جنسيتج لاتاخذينه واهلج بعد مو موافقين وانتي مو مقتنعه والزوج لازم يكون صريح لازم يقول لاهلج كل شي مايخش عنهم

 

[ورقة ناعمة]

خواتي انا احس نفسي بين نارين


انا احبه ومقتنعه فيه وسعيده معاه وفنفس الوقت خايفه اني اتغرب وماكنت حاطه في بالي اني راح اخذ واحد من دولة ثانيه


وانا حاليا طالبة في الجامعه وهو طالبينه في جامعه من جامعاتنا يكون دكتور محاضر بس للحين ماوقع معاهم يتريا ينقبل في وظيفه معينه عقب يوقع


والسكن بداية حياتنا مافي مشكلة هو موافق يسكن معاي اهني وقالي بين فتره وفتره بنروح الكويت زياره عشان تتعودين عليها وخاصة اني فحياتي مارحت الكويت ، لكن عقب !! حسيت من كلامه ان في اي وقت بيقولي ياالله برجع الكوويت ولمح ويوم تناقشت غير الموضوع



انا الحيييين همي الاول والاخير ابوووي يقتنع فيه ومابا بشكل مباشر اكلم ابوي عشان مايشك اني اعرفه

 

[ورقة ناعمة]

خواتي انا احس نفسي بين نارين


انا احبه ومقتنعه فيه وسعيده معاه وفنفس الوقت خايفه اني اتغرب وماكنت حاطه في بالي اني راح اخذ واحد من دولة ثانيه


وانا حاليا طالبة في الجامعه وهو طالبينه في جامعه من جامعاتنا يكون دكتور محاضر بس للحين ماوقع معاهم يتريا ينقبل في وظيفه معينه عقب يوقع


والسكن بداية حياتنا مافي مشكلة هو موافق يسكن معاي اهني وقالي بين فتره وفتره بنروح الكويت زياره عشان تتعودين عليها وخاصة اني فحياتي مارحت الكويت ، لكن عقب !! حسيت من كلامه ان في اي وقت بيقولي ياالله برجع الكوويت ولمح ويوم تناقشت غير الموضوع



انا الحيييين همي الاول والاخير ابوووي يقتنع فيه ومابا بشكل مباشر اكلم ابوي عشان مايشك اني اعرفه

 

[بنوته ستايل]

اكيد الغربة مو سهله بس اذا معا شخص تحبينه ويحبج راح يسهل عليج الموضوع حيييل وماراح تحسين فيها وبالنهايه احنا نفس الشي بالكويت والامارات اهل وقرايب ماراح يتخلف عليج الوضع حيل ..ركزي ع اقناع ابوج وخلي موضوع الغربه بعدين ...
دام امج اقتنعت خلي اختج تقولها تكلم ابوج وتقنعه وتقوله انج استخرتي وحيل مرتاحه والكويت صغيره اذا يعرف اي كويتي خل يسأله ع الولد وراح يقولوله شلونه من ولد وهني راح يرتاح باله


والله يتمم لكم ع خييير ان شاء الله..

 

[بنوته ستايل]

اكيد الغربة مو سهله بس اذا معا شخص تحبينه ويحبج راح يسهل عليج الموضوع حيييل وماراح تحسين فيها وبالنهايه احنا نفس الشي بالكويت والامارات اهل وقرايب ماراح يتخلف عليج الوضع حيل ..ركزي ع اقناع ابوج وخلي موضوع الغربه بعدين ...
دام امج اقتنعت خلي اختج تقولها تكلم ابوج وتقنعه وتقوله انج استخرتي وحيل مرتاحه والكويت صغيره اذا يعرف اي كويتي خل يسأله ع الولد وراح يقولوله شلونه من ولد وهني راح يرتاح باله


والله يتمم لكم ع خييير ان شاء الله..

 

[فروحته]

و الله انا من رأي البنات قالوا الي المفروض تسوينه
حبيبتي انتي ادا تحبينه و تبينه ترا سهل تقنعين اهلج

شوفيني انا مغربية♥ و خطيبي كويتي♥ الحمدلله تقدملي و اهلي وافقوا
بس بعد ما نشفو ريجي انا وياه و كنت احاتي نفسج و اكثر
تدرين المغرب وين و الكويت وين مسافة و عادات و تقاليد مختلفة
شلون انتو الي خليجيين لكم عادات وحدة و سهل ابوج يسأل عن الولد
ادا يعرف ناس كويتيين او حتى بيسافر يوم و ما رح يقصرون الناس

انتي خليج من سالفة الغربة لان الزواج بذاته غربة عن الاهل
و صدقيني ادا تحبينه و يحبج ما رح يهمج الغربة و ترا هدا كلام اهلج اثر فيج
انا صار معاي نفس الشي و كنت اقوله ان اهلي بيطلعون لي مسألة الغربة
و مع دلك ما يئست و هو بعد بالعكس تمسكنا ببعض و كنا صريحين مع اهلي
خاصة اهوا يعني اقنع ابوي و خوالي و بعد اخوي كان معانا و اقنع ابوي بالسالفة
انتي اقنعي ابوج اول قوليله ان الكويت و الامارات مو بعاد عشان تخاف علي
قوليله اقعد مع الولد اكثر من مرة سولف معاه بتعرفه عدل قوليله انج استخرتي و الحمدلله كلشي تمام
ادا تحبينه تمسكي فيه بعد اهوا ما رح يضحي بروحه انتي بعد لازم تضحين و الوطن بالقلب
مو صعبة حياتي انتي بس تذكري انه اختيارج و حب عمرج و الانسان الي تبينه و تبين تكملين حياتج معاه
صدقيني بتنسين مسألة الغربة و مع الوقت بتعيشين عادي ولا جنه انتي من ديرة و اهوا من ديرة

تدرين ذكرتيني باول ايام خطبتي و لما دروا اهلي كنت ما انام الليل كل يوم اطلعله بحل و بفكره
و اهلي كل ما اقنعهم بشي يطلعولي شي ثاني و مسألة العيال اكيد عيالج بيكون الانفع لهم ديرتهم عشان الحقوق
اما ديرتج حتى لو عطتهم حقوق ما رح تكون نفس الي بتعطيهم ديرتهم و هناك بيكونو احسن و بيرتاحون اكثر
و ربي يسعدج و يوفقج تعالي قوليلنا شنو صار معاج اوكي احس ان وضع اشبه بوضعي عشان جدي قلتلج شنو صار معاي
موفقة يالغالية و عسى ربي يسخركم لبعض و يخليكم حق بعض و لا يفركم

 

[-فلانة-]

انا عن نفسي مستحيل آخذ شخص من غير جنسيتي، مو قصورا بالجنسيات الثانية، بس لأن الدنيا مالها أمان، و اللي اليوم يحبنا باجر يصير ألد أعداءنا، و ساعتها راح ينشلع قلبي على عيالي، جم زوج و زوج من غير جنسية الزوجة ياخذ عياله و ينحاش فيهم، و تعالي دوري عليه و تدخلين بمعمعة لها أول مالها آخر.
الزواج عقل قبل يكون عاطفة، و مادام فيه احتمال لو ١٪ اني ممكن في يوم من الايام أنحرم من عيالي، بلاها زواج.
هذا غير اني في اي لحظة ممكن اترك اهلي و اسافر مع زوجي ديرته،و هالأمر مو هين نهائيا،
تروي، و فكري عدل، و حطي في بالج كل المشاكل اللي ممكن تصير بينكم و شوفي هل راح تقدرين تعالجين هالمشاكل؟؟ هل القانون الكويتي أو الإماراتي ممكن ينصفونج؟
فكري بكل الإحتمالات و تالي شوفي مستعدة حق هالزواج أو لأ، و عسى ربي يقدملج اللي فيه الخير حبيبتي.

 

[ملح الكون]

من بعد الكويت عن الا مارات واللي يخلي الطيارات كل مابغيتي روحي لاهلج ..

بس اذا اهو قعد عشانج فتره لازم تقدرين والمره تروح ديره زوجها والكويت نفس الامارات مافيها غربه ان شاء الله وبتعودين عليها وتحبينها ♡ ابوج قولي لامج اذا متمسكه فيه وخلتقنعه وان شاء الله .الله يكتب لج اللي فيه الخير والصالح ..

 

[مآيكبرني نك]

مع فلآنه

هاﻻمؤر مايبالها قلب يبالها عقل

 

[3tebeya]

شوفي حبي
اول شي الله يوفقج ويتمم امورج على خير ..
ثاني شي اللي لازم تعرفينه ان حياة اعيالج بديرتهم احسن لهم واامن لهم .. معززين مكرمين .. حقوقهم كامله وبيت واستقرار اجتماعي ومادي ..
دايم المعروف البنت تتبع زوجها مو اهو يتبعها .. مرده لديرته اللي ماله غنى عنها ..
بقولج من تجربة اخوي

متزوج سعوديه .. وهم قالت شلون افارق السعوديه واهلي ورفيجاتي ..
والله العظيم بدون مبالغه لا راحت لاهلها ما تقعد حتى اسبوع تعودت على الكويت ..
انتي تقولين خايفه لانج ما زرتي الكويت من قبل .. لل زرتيها بتقتنعين فيها وماتبين غيرها ماكو فرق بين الامارات والكويت .. كلنا ديره واذا اشتقتي لاهلج ساعه ونص انتي عندهم

قنعي امج وقولي لها يا اما هالولد ولا زواج ماراح اتزوج غيره .. فهمي امج الصريح وربي يتمم لج على خير

 

[3tebeya]

شوفي حبي
اول شي الله يوفقج ويتمم امورج على خير ..
ثاني شي اللي لازم تعرفينه ان حياة اعيالج بديرتهم احسن لهم واامن لهم .. معززين مكرمين .. حقوقهم كامله وبيت واستقرار اجتماعي ومادي ..
دايم المعروف البنت تتبع زوجها مو اهو يتبعها .. مرده لديرته اللي ماله غنى عنها ..
بقولج من تجربة اخوي

متزوج سعوديه .. وهم قالت شلون افارق السعوديه واهلي ورفيجاتي ..
والله العظيم بدون مبالغه لا راحت لاهلها ما تقعد حتى اسبوع تعودت على الكويت ..
انتي تقولين خايفه لانج ما زرتي الكويت من قبل .. لل زرتيها بتقتنعين فيها وماتبين غيرها ماكو فرق بين الامارات والكويت .. كلنا ديره واذا اشتقتي لاهلج ساعه ونص انتي عندهم

قنعي امج وقولي لها يا اما هالولد ولا زواج ماراح اتزوج غيره .. فهمي امج الصريح وربي يتمم لج على خير

 

[كاملة الدسم]

حسيت من كلامج انج مو مقتنعة فيه امية بالامية !!
الريال شاريج وبيحط لج شقة والحمدلله عنده شهادة ومستقبل
اذا انتي حابته ومقتنعه توكلي علي الله وعيالج بيعيشون احلي عيشة بالكويت
الكويت ديرة عز والناس العاديين عايشين برفاهية ولله الحمد
مافي غربة ولا شي بألف درهم تروين الامارات ويك اند وتردين سهالات
صلي استخارة وفكري عدل واذا مو مقتنعة لا تعشمين الولد وتضيعين وقته

 

[nameIess]

ما انصح في مثل هذا الزواج.
الناس اذا تزوجو من نفس الديرة ولكن من منطقة ثانية او قبيلة ثانية او اصل ثاني راح يحسون "بصدمة ثقافية". عيل شلون اذا اثنين تزوجوا من ديرة ثانية؟!

اذا انتي الحين عايشة حب وغرام وهدفج اهو الزواج، فتأكدي ان خطأ يكون هدفج الزواج لأن الحياة راح تبتدي بعد الزواج. بمعنى، مو تحطين كل آمالج فقط على انكم تتزوجون باجر وتنسين الحياة ومصاعبها اللي راح تبدي بعد هذا الزواج.

انسي الحب وكل الأحاسيس اللي عندج تجاه هذا الشاب. لأن بغض النظر عن شكثر كنتو قراب او تحسون انكم فاهمين بعض، باجر لي عشتوا مع بعض راح تنصدمون من بعض وتكتشفون انكم فعلا ما كنتو تعرفون اي شي عن بعض!!


​

 

[nameIess]

قالولي مانباج تتغربين رد عليهم الولد انه بيستقر اهني معااي وبياخذلي شقة ملك .. قالو مانعرف الولد قلت اسالو وانا استخرت الله .. الحين ميودين علي سالفة العيال والجنسية ودراستي وشغلي و....



وفي شي ثاني مره قالي انه ماراح يتم معاي على طول فدبي في اي سنه يمكن انه يرجع الكوييت وبياخذني معااه وانا قلتله مستحيل اهد بلادي ماقدر وسكت وغير الموضوع وانا ماقلت حق اهلي هالشي

انتي الحين (امس\اليوم) في الكويت ولا دبي؟!
بس حبيت اضيف على كلامي... اعتقد صعب او مستحيل راح يكون ممكن له يستقر في دبي. أول شي الوظيفة والراتب. اذا راح ايي دبي، معناته راح يضحي بوظيفته في الكويت... معناته ماكو راتب إلى ان يحصل على وظيفه في دبي.

الوظايف اعتقد صعب الحصول عليها في دبي، خصوصا لخليجي... وماعرف شي عن مؤهلاته، ولكن اعتقد صعب بغض النظر عن شنو مؤهلات هذا الشاب! يعين في الكويت الوظيفه حكومية مضمونه ومضمون الراتب.

ثاني شي السكن... في الكويت السكن ارخص من دبي على حد علمي، وفي اسوأ الأحوال، في الكويت يقدر يسكن مع اهله ويوفر قيمة الأجار إلى ان الله يفتحها عليكم.

ثالث شي، دبي مثل ما انتي قلتي مليانه زلمات وآسيويين. والكويت مو مثل دبي... وهني كل واحد عارف حدودة والغرب عارفين منو اهل البلد. هذا اذا بيستقر في دبي معناته كل يوم متهاوش مع احد!!

رابع شي، كل الرياييل فكرهم ان البنت من تتزوج تطلع من بيت ابوها واهلها وكلمته تصير اهي اللي ماشية. والعيال يتبعون ابوهم. يعني بس تتزوجون... كم اسبوع او كم شهر وييبج الكويت رضيتي ولا انرضيتي على قولتهم! شبتسوين؟

يستاهل هذا الرجل انه تضحين في اهلج عشان تهاجرين وتستقرين في الكويت؟


​

 

[مآيكبرني نك]

عليج نؤر

اللي نعرفه الحرمه تتبع الريآل مب الريآل يتبع الحرمه

ما انكر مساواة الخليجي بالمواطن ف حقؤقه سواء مستشفيات وﻻ مدارس وﻻغيره


لكن هل بتتحملين بعدج عن آهلج وبلآدج وربيعآتج

ولاتتحدين اهلج مهمآ كان تعلقج بهالشخص ،

وف النهاية اﻻستخآره تحدد كل شي

الله يكتب لج اللي فيه الخير ♡

 

[زوجة حياتي]

الحرمة تتبع الريال مو العكس