الخطوط الجويه القطريه.. و السرقه الكبرى((احذروا و ادعولنا بالعوض))

[كريستال]

انا قطريه وماسافر على طيران القطريه مب عشان باقوا شناطنا الحمدلله ولامره صارت معانا

بس لانه ياخذون علينا احنا يالقطريين اكثر من غيرنا

اروح على طيران اغلى منهم ولا اروح عليهم

بالنسبه للاغراض اللي انباقت اختي لا اتنازلين عن حقج والله اعلم من اللي باق الاغراض ولا تجزمين ان الطيران

والله يعوضكم دافعة بلى عنكم

 

[سكووون]

حسبي الله على اللي مد يده و سرق .. الله لا يربحهم بحق هالشهر و الله يعوضكم خير يارب

 

[i love Q8]

والله ماأقول الا الله يعوضكم الف الف من هل فلوس والماركات و الملابس
يارب استر من هل خطوط الي بس تبوق
والله انا امي كانت رايحه لندن وردت ويايبه معاها جنطت ملابس نقعوها اسبوع على مايابوها
الله يعينا بس
مشكووره على الموضوع وراح ادعيلج ليل نهاار ان الله يعوضكم

 

[ريونه المزيونه]

سمحيلي اختي

بس صج اذا مارفعتوا قضيه ولا كتبتو فالجريده,,, بتكونون مغفلين وسمحي لي على هالكلمه ولاتفهميني غلط
لان انتوا ماتبوقون الفلوس ولا فلوسكم منثره على البحر


هاذلين حبيبتي شكرة طيران .. مجرد ماتكبون عنهم فالجرايد بيخافون على سمعتهم .. وبعطونكم حقكم وزياده وبتشوفين الناس اللي صارت لهم نفس المشكله بيشتكون عليهم اكثر,,

لان مدام سو حق جم وحده وهكا هما كاتبين سوالفهم في موضوعج بيسون حق الباجي


غصبن بيردون لكم الفلوس كلها

من صجكم تسكتون

 

[الولو]

و قالولها مو اكيد نعوضج لان عادي تتبطل الجناط و تتفتش

عادي تتبطل بس مو عادي تنباق رفعوووووووووووووا قضيه وما ضاع حق من وراه مطالب مره امي باعوا عليها ساعه ماركه بمحل بالمثنى باغلا من ثمنها ب١٠٠ دينار راحت ثاني يوم حق راعي المحل قال لها القانون لا يحمي المغفلين << حسبي الله >> جان تروح حماية المستهلك وتقولهم خلال يومين الاميه رجعت .... المهم لاااااااااااا تسكتون ... خصوصا اذا الشركه خاصه بتاخف بتعوض باسرع وقت و الكويت ديرة قانون

 

[باربية الكوووويت]

حسبي الله عليهم

 

[$$ ام فهد $$]

حسبي الله عليهم عساهم مايتهنون فيهم

عليكم بالخلف وعليهم بالتلف ان شاءالله
بس لا تسكتون عليهم طالبوا بحقكم وان شاءالله ربي بينصركم عليهم لانكم اصحاب حق

والله يصبر امج ويعينها لانها بصراحة حرة قوية اي شي يضيع منج لوشي صغير او مايسوى تحترين شلون الاجناط والاغراض

الله يعوضها الصحة والعافية ان شاء الله

 

[نور الشمس 75]

الله يعوضكم ان شاء الله
وهذي مو اول مرة اسمع عن القطرية
دايما اللي يردون من لندن اغراضهم مبيوقه

 

[كويتية و لكن]

حسبي الله ونعم الوكيل فيهم
ليمونة تري البوقه من عمال القطرية الي بالمطار لان انا حصلي جذي مرة
الله يعوض عليكم بس لا تسكتون تري في تعويض
ما تشوف شر الوالدة

 

[Pissy Missy]

الله يعوضكم يا قلبي

صج انقهرت

احنا صارت فينا نفس الحركه بس مع الكويتيه

سنه الي طافت كنا راجعين من new york و جنطتين ضاعوا منه وهم نفسنا الي كنت حاطه فيهم الاغراض اليديده

بس الحمدالله ما صار سبوع الا واهم واصلين كل شي فيهم

لاتسكتون عنهم

 

[شمايخ]

الله ياجركم والله وحسبي لله عليهم

 

[خزااامى]

وااااااااااااااااااااااي حاسه فيكم الله لايسامحهم حسبي الله ونعم الوكيل اجل مافي احسن من الكويتيه

 

[*صَبا*]

اختي اول شي ابي اقولج شي

لا تحطين بذمتج وتقولين انهم اللي بايقين
لان الشركه كبيره ولها اسمها وسمعتها

انا ماقولج هالشي لاني من قطر

بس انتي تقدرين يوم القيامه تقابلين ربج وانتي قايله كلام مب متحققه منه

ثاني شي الشناط مرت على كذا دوله يعني على اي اساس قلتي ان الخطوط القطرية هم اللي باقوا
لا واللي يضحك
حددتي ان البوقه صارت بقطر !!

احنا دوم نسافر ومانرد الا محملين الشناط اغراض فوق ال 150 الف دولار
من ثياب ومجوهرات
ولا مره ضاع منا شي

حتى اذكر مره كنا ماخذين الاغراض الغاليه بشنطة اليد يعني مو بالشحن
ونسينا الشنطه بالطياره
ثاني يوم رحنا المطار وحصلنا الاغراض عند صندوق الامانات

---------------

يعني لاتحطين بذمتج
صج ان السالفه تقهر وتحرق القلب
محد يحب اغراضه تضيع سواء كانت غاليه ولا رخيصه

وعلى سالفة التفتيش
مستحيييل يفتحون الشنطه

يفتشونها تحت الجهاز وبس
الا اذا فيها ممنوعات ولا مواد مخالفه


واللي مايبي يسافر مب مجبور
عندكم الكويتيه
ليش تركتوها ورحتوا للشركات الغريبه

 

[ام-وهاب]

بل عكس والله القطريه خوش خطوط ومافيها ولنه شي ويمك لي صارلج من المطار نفسه مو من القطريه

 

[جمال رباني]

لا حول ولا قوه الا بالله ,, يعلهم ما يتهنون فيهم ,, و يبون يطورون ع شنو عاد؟ طاح حظهم حتى طاح حظهم انا بروحي ما اواطن هالديره والي فيها استغفرلله ...

 

[*صَبا*]

لا حول ولا قوه الا بالله ,, يعلهم ما يتهنون فيهم ,, و يبون يطورون ع شنو عاد؟ طاح حظهم حتى طاح حظهم انا بروحي ما اواطن هالديره والي فيها استغفرلله ...

هههههههههههههههه ليش كل هالحقد

كل هذا لانها قامت واشتهرت وصارت احسن دولة خليجية

 

[غــ q6r ـلا]

اول شي برد ع الموضوع
ليش قلتي ان القطريه او بالاصح مطار الدوحه هم اللي كاسرين القفل !!!!!!!!!!!!!!!!!!!!!!!!!!!!!!!!!
ليش ماقلتي ان في مطار امريكا صار الشي !!!!!!!!!!!!!!!

وحبيبتي ان صار هالشي من قطر حقج علينا وليش ماتكلمتو واشتكيتوا .. وان صارت هالبوقه من امريكا ماظن لنا خص
وبعدين من بين الشناط كلها القطريه ماخذت الا شنطتكم غريبه !!
والشي اللي ابي ابينه هم مابفتشون في شنطكم انتوا مجرد عابر سبيل وبتردون بلادكم مو ان ساكنين في الدوحه


حبيبتي تدرين لو بس اشتكيتي ان القفل مكسور والغلط من عندنا بتاخذون حقكم ان شا الله

لا حول ولا قوه الا بالله ,, يعلهم ما يتهنون فيهم ,, و يبون يطورون ع شنو عاد؟ طاح حظهم حتى طاح حظهم انا بروحي ما اواطن هالديره والي فيها استغفرلله ...

قطر واهلها وشعبها وحكومتها ومواطنيها واللي ساكنين فيها وحتى اللي يمرون عليها يبون بس غريضات منها مب ناقصتهم محبتج لهم
بقولج شي وحطيه حلق في اذنج قطر تاج على روسنا وروس اللي منقهرين منها ..
بس صدقوا لم قالوا (( القافله تسير و ............ ))

 

[المكسيكيه]

بس يا جماعه شفيكم
على العكس انا كويتيه كلا اسافر على القطريه الحمدالله ماصار معاي جذي ومره سافرت على الكويتيه شغلاتي الثمينه والماركات انباقت
وبعدين الحمدالله اهل الخليج كلهم شايفين خير ما اعتقد محتاجين يبوقون هل الاغراض تلقون هل العمال الي يشتغلون
وهذا رايي

 

[المكسيكيه]

لا حول ولا قوه الا بالله ,, يعلهم ما يتهنون فيهم ,, و يبون يطورون ع شنو عاد؟ طاح حظهم حتى طاح حظهم انا بروحي ما اواطن هالديره والي فيها استغفرلله ...

اختي ماله داعي هل الكلام كلنا خليجين ومافي فرق بينا
رايج حق نفسج على ما اعتقد ما له داعي تكتبين هل الكلام ..
والشين والزين كل مكان
واهل قطر والنعم فيهم والله واهل الخليج كلهم

 

[المكسيكيه]

هههههههههههههههه ليش كل هالحقد

كل هذا لانها قامت واشتهرت وصارت احسن دولة خليجية

اختي صبا والنعم فيج والله

لا تاخذين على كلامها .. بالعكس نستانس يوم تكون دوله خليجيه تكون متقدمه

ومحد يحقد الحمدالله واصابعج مو سوى