الخطوط الاماراتيه او القطريه

[انادي]

سلام عليكم
اولا انا محتاره بستشيركم بالنسه للطيران اي هي احسن القطريه ولا الاماراتيه للسفر لميونخ بالنسبه لحجم الكرسي او الراحه بليز امانه والله محتاره القطريه ولا الاماراتيه يليت تردون لانه بحجز مثل ما انتو عارفين السفره تكون طويله انا بروح شهر عسل ابي استانس بالطياره

 

[مديحه]

انا الصراحه ماجربت القطريه بس الاماراتيه روعه ماتحسين بلخوف ولا بلمطبات وانا صراحه وايد ارتحت عليها لان انا فيني فوبيا طيران

 

[أمواج البحر]

مثل الاخت مديحه

ما جربت القطريه لكن الاماراتيه لاااا يعلى عليها تهبل و كراسيها مريحه للعلم جربت الايكونومي والبزنس كلاس

الثنين very good والايكونومي والله كراسيهم مريحه و مظيفينها يهبلون و فريندلي

القطريه اسمع الناس يمدحونها لكن للامانه ما جربتها

 

[Dancing^Queen]

الاماراتيه دايما في المقدمه
مافي تاخير
مافي مشاكل
وكراسيها مريحه
يلها البرتش ايروايز وايد حلوه

ويمدخون القطريه واااااااااااااايد مو شويه
ماجربتها بس سمعت حجي طيب عنها

 

[ra-ha]

والله ان اقول الايماراتيه وبعد وااااااايد يمدحون طيران الاتحاد وايد مريح ان اللحين حاجزه عليه انشالله 1/7

 

[ساندي-بيل]

والله انا سافرت على القطر يه حلوه بس يمدحون الاماراتيه وايد

 

[أمانيQ8]

الإماراتيه والقطريه كلللللللهم روعه

 

[May81]

نفس المستوى الاماراتيه والقطريه بالنسبه للمسافات الطويله على ماسمعت.. طيايير المسافات القصيره فالقطريه احيانا يكونون عاديين لكن يمدحونها للمسافات الطويله انا جربتها بس من قطر للبحرين او كانت جدا عاديه نفس طيران الخليج يعني ...

 

[انادي]

مشكورين على المرور يعطيكم العافيه انا رايحه الاماراتيه وايد حلوه بس القطريه ما ادري عنها لانه ولا مره جربته يعني اتكل على الله او احجز شنو

 

[اميرة الغيد]

عزيزتي انادي
القطريه ماجربتها في ناس مايمدحونها بس سعرها زين ، الاماراتيه حدث ولا حرج انا رايحه معاهم كم مره المسافات البعيده والقريبه ماشاء الله عليهم انا صج جربت كم طيران بس ولا شي احلى من الاماراتيه ، نظافه وخدمه والكراسي مريحه وبالمسافات البعيده يطفون الليتات وتنامين يسوون جو هدوء ، وجباتهم زينه ، والرحلات دايما بمواعيدها ، ماشاء الله عليهم صج يستاهلون المركز الاول اللي قاعدين ياخذونه كم سنه على مستوى العالم.

 

[بنت جنيف]

الاماراتيه مجربتها قبل اربع سنوات والله روعه ومريحة والقطريه ماجربتها وكل شي من الامارات يكون حلو ومطور وزقرتي

 

[دمـوع الشـموع]

كلهم نفس الشي
انا جربت الامراتيه
والقطريه يقولون مثلها بس اكبر كراسي
كلهم زينات ماراح تتحسفين فيهم

 

[انادي]

يعني كراسي القطريه اريح او اكبر

 

[عيون منوعه]

اثنينهم روووعه بس القطريه::: يقوووولون احلى

 

[ريماس الحلوه]

القطريه جربتها روعه

 

[{ شيوخهـ ~]

انــا جربت القطريــه .. وآآيد حلووه وخدمتهــا مريحه
والله مــاتحسين لا بالاقــلاع و لا الـLanding
مشالله عليهم خفيفيــن
والبنــات يمدحـون الامــاراتيه.. ومن كلام البنـات شكلهـا وايد زينـه
فـاختاري وانتي مغمضـه لان اثنينهمـ حلوين

 

[prestige]

اما مجربتهم اثنينهم
القطريه زينه بس الاماراتيه واايد افضل ككراسي

 

[.. مـــلاكـ ..]

والله هالسنة رحت لميونخ
عن طريق طيران الامارات
روعه وراحة وخدمه تهبل

 

[Shestylet]

القطرية بالنسبة للاماراتية عاديه جدا ... بس ما تاخذين منهم الا نزلي من الباص وصعدي للطيارة ونزلي من الطيارة وصعدي الباص شي غريب وانا جربتها رحلات طويله عادية وااااااااااايد وما افكر اسافر عليها مرة ثانية

 

[بسمه الم]

بصراحه وللامانه حبيبتي انا توووه مسافره بالاماراتيه
وبالبزنس اهم على وقت ونظيفه بس منو يقول النفسيه حلوه والكراسي مريحه وماتحسين بالاقلاع والمطبات ؟؟ ماعجبتني كلش مابي اظلمهم بس هذي تجربتي حبيبتي وربي ..
جربي البرتش او القطريه بس انا حطيت عالاماراتيه اكس ..