الخدم

[درابيله]

شلونكم بنات أنا من طبعي بالعيد أشتري للخدم لبس يديد أو عطر أو أعطيهم فلوس هالمره ودي أسويلهم شي يديد شنو تنصحونى أهديهم قبل العيد ومشكورين

 

[درابيله]

بنات ليش ما في رد شدعوه تراهم بشر ؟؟؟؟؟؟؟؟

 

[غزلان]

عاااد جان زين بين فيهم هالخدم على كثر بلاويهم بس ماعليه انتي دوري الاجر فيهم
انا اقول اخذيها السوق معاج وخليها تنقى على كيفها الي تبيه
شي جديد وراح يعجبها اكيد

 

[أمواج البحر]

اشتري لهم ذهب اللي يكون خفيف

تراجي او سوار يستانسون من هالسوالف

عن نفسي دايم اعطيهم فلوس

والله يهديهم لنا

ينقل للقسم المختص

 

[رويال ديزاين]

عطيهم فلوس احسن

 

[طير الحب]

انا والله شريت لها وخلصت

 

[فيونكا فوشيهـ]

اشتريلها ملابس يدد على ذوقج او اذا فاضيه هالوقت اخذيها معاج و خليها تنقي بدله اللي يكونون تنوره مع بلوزه يااكثرهم و رخاص و اشتريلها جوتي و انتي بكرامه و حجاب و يكونون غير عن اللي تلبسهم دايما
و اذا مو متحجبه اشتريلها تراجي
و شباصات من اللي يلمعون عرفتيهم و فيهم كشاكش تستانس عليهم
وووجنطه اذا تحب
انتي وديها السوق و قوليلها اشتري بدله عييد كامله على ذوقج
و اذا تستحي قوليلها هذا قسم الملابس اشتري ملابس و هذا قسم الجواتي ويلا اشتري و جذي
و انا ماانصح تشتريلها عطر اخاف ترش وااايد و يشمه ريال و لا سايق و تستأثمين فيها او قوليلها بس عطري ملابسج الداخليه ( انا جذي بس ارش على ملابسي الداخليه و اذا رحت عند احد عند باب بيتهم رشه بسيطه و على ماطلع تكون الريحه راحت
و اخذيلها شي على ذوقج الصبح بالعيد عطيها او عطيها فلوس كعيديه او اشتريلها ساعه عاد على راحتج
و بس خليها تستانس بهالعيد

 

[والله احبــه]

عطيهم فلوس احلى مثل ماقالت اختى رويال