انا بصراحه استغرب من الحريم الي ما يبون خدم بالبيت ..
شوفي حبوبه اول شي لا تدخلين فكره انج خايفه على خراب بيتج بسبه خدامه ترى الفكره بدش براسه من غير ما يحس لا تحسسينه كلش و خلج طبيعيه ..
اول شي علميها على العيب واذا ريلج بالصاله قولي لها ما اتيي عيب عندنا وغرفه النوم اذذا ريلج فيها ما اتدشها .. ونتفي ريشها ..
ثاني شي نفري ريلج منها دايم قولي غبيه اتحر اتنرفز ماتسبح خخخخخ(الظليمه شينه )
وبعدين يا ماما شنو ماتبين خدامه !!
شدعوى تبين تخمين وتغسلين وتكوين وترتبين الثياب ؟؟؟ استغرب من الحريم الي جي .. زين وين لج بارض تتعدلين وتتكشخين وترتاحين .. اصلا عسى ما يخلص اليوم الا وانتي مهدود حيلج ,,
ولا تحطين بالج لها الا اذا نظراتها وصخه وفيهاا بلاااا من ربي خخخخ
سمي بالرحمن يختي واستخيري بوجودها من عدمه .. وقولي امي تبي خدامه ومحتاجه وسفرنا خدمنا في بيت اهلي ومن هالسوالف واخذي رايج انج تعطينها اياهااا .. اذا بتفرظين فيهااا
انا عندي وحده والثانيه يايه بالطريج ماتخيل نفسي اسوي شغلهم مب كبر الا احس ماله داعي لانه في غيري يقدر وبمبلغ بسيط اشتري راحتي ..
جارتنااا اذا ريلها بالبيت ماتخلي الخدامه اتدش البيت بتاتاااا .. سوي نفسهااا وان طلع الريال خمت وكنست وغسلت وكوت وسوت كل شي وعقب تطس غرفتهااا