الخدامة الثانية

[جوري99]

السلام عليكم ورحمة الله وبركاته
بنات ابى نصايحكم لانى ابى احط خدامة ثانية وودى تكون فلبينية مو نفس الاولى نيبالية لان عيالى اصغار حيل وانا اشتغل بس مو اللى عندها فكرة اشلون يكون توزيع الشغل يعنى كل وحدة تخصص والا شلون وبعدين منو تعرف احسن مكتب يجيب فلبينيات

 

[ام الدرر]

ياقلبي اذا ثنتين الاحسن مايكونون من نفس الجنسيه
ولازم توزعين الشغل بينهم
انا اخلي وحده لملابسي وملابس زوجي وتغسل مكرمة حمامي وعليها تنظف الصالة والاستقبال
والثانية غرف عيالي وحماماتهم وحمامات الصالة
غسيل الملابس كل يوم وحده يعني يوم ملابسي انا وزوجي يوم
واليوم الثاني الثانية تغسل ملابس عيالي
والتنظيف يوميا طبعا
اما المطبخ اللي مو يومها تغسل ملابس تمسك المطبخ تنظيف وغسيل مواعين
لاني انا اللي اطبخ مااحب الخدم يطبخون الا احيان اذا عيالي يبون شي سريع بطاط ونجتس مثلا وحده منهم تسوي
والفليبينية تساعدني بالطباخ اكثر لانها تفهم بسرعة
والاشياء اللي يبي لها شغل مثل ترتيب البيت يوم عزيمه او جرد ملابس بدخول الشتا او الصيف يتعاونون مع بعض
انتي تصيحه النيباليه خليها لملابس عيالج وتشوفهم وتديربالها عليهم مدام هي اللي عندج الحين
والفليبينية حق ملابسج وتنظيف البيت وتساعدج بالمطبخ
اما مكاتب الخدم فليبينيات ماعندي فكرة ياقلبي لان اللي عندي صار لها 3 سنين فماادري شنو الاحسن الحين​

 

[الغدق]

وعليكم السلام ورحمة الله وبركاته
شوفي انا من رايي أنج اتقسمين الشغل بينهم من البداية
عشان ترتاحين من عوار الراس واتقولينلهم كل وحدة اتسوي شغلها
ومالها شغل بشغل الثانية
وخلي وحدة للمطبخ وغسيل الملابس ==لأن الصبح المطبخ مافيه شغل وعيالج
لازم أحد عندهم فوحدة عندهم ومالت المطبخ اتغسل الملابس والثانية عليها عيالج وترتيب البيت

 

[جوري99]

مشكوريين يا ام الدرر والغدق على الرد والله يوفقكم ويخليلكم عيالكم

 

[desert rose]

احسن مكتب حق الفليبينات مكتب اشكناني اييونج مدربات يعني عندهم فكره عن الشغل ويكون تعليمج لهم على خفيف

 

[كويتية و لكن]

مبروك علي الخدامة الثانية

حبيبتي لا توزعين الشغل عليهم

علشان لما اتخلص وحدة ما تقعد ماكو شغل ويتاخر شغل بيتك الا كلهم يشتغلون لكن السنعة الشاطرة خليها للاطفال البق ولما يكونون نليمين او بالمدرسة تشتغل مع الثانية

وجذي ما يصير زعل كل وحدة تقول انا اشتغل اكثر ويتهاوشون ويزعجونك بهواشهم

 

[ريوومة 1982]

انا نفس الاخت اللي قبلي ما ايد توزعين الشغل لان عندي فلبينيه غبيه بارده ما تفهم و لا تبرد قلبي عشان جذي خليتها مع الاندنيسيه الشاطرة تساعدها

بس الطبخ و بنتي الصغيرة ماتمسكها الفلبينيه لانها مو ذاك الزود

 

[mamanoonaa]

اللهلا يوفقج حبوبه بس ديري بالج ترى يقولون النيباليات بوذ يعني مايصير ننكشف عليهم والله اعلم

 

[nhr-36shan]

انا اقول وزعي الشغل بينهم وكل وحده تكون مسئوله عن شغلها عشان باجر اذا لقيتي غلطه تكون اهي اللي مسؤله عنه مو وحده تقط الغلط عالثانيه وانتي اللي بتضيعين

 

[manhattan girl]

نسقي انتي الشغل بينهم بحيث شوفي انتي كل وحده و شنو تبدع فيه واللي بتخلينها لليهال خليها تباريهم بس لمن انتي مو موجوده مو تخلين اليهال عندها 24 ساعه ..لأ بس فترة اللي تكونين برا البيت لشغل او عزيمه او دوام هذي نقطه من صالحج عشان يصير عندج وقت لزوجج و لليهال و لا يحس الزوج ان اعتمادج الكلي صار على الخدامه حتى في تربيه اليهال و ربي يوفقج بالنسبه لمكتب خدم ما عندي فكره ليلحين ما يبت خدامه

 

[alb7ranya17]

وانا بعد راي من راي مي عز الدين اقصد منهاتن قيرل

 

[manhattan girl]

وانا بعد راي من راي مي عز الدين اقصد منهاتن قيرل

تسلمين حبيبتي ما قصرتي :hjy5jewf:

 

[جوري99]

مشكورين على الردود ويعطيكم العافية عالنصايح

 

[أميرة الحور]

اهم شي علميهم لا يقرقون فوق راسج لأن عندنا ثنتين على انهم مو من جنسية بعض الا انهم كل يوم قرقرة بلغة ما نفهمها
كأنهم مجتمعين يحلون قضايا الأمم المتحدة

 

[جوري99]

كل عام وكل حبايبنا بالمنتدى بخير والله يحقق لكم كل امانيكم من زواج او عيال او توفيق او هداية والله يحفظنا ويحفظ ديرتنا حبيبتنا من كل شر قولوا آمين ويوفقنى بدراستى واخلص هالسنه إنشاء الله ،والله يا اميرة الحور الخدامات نفس الجنسية ولا مختلفين ما نفتك من قرقتهم المهم يكونون سنعيين ويبردون جبودنا