الخدامةكفيلها يقول صدت عندها سحر والمكتب يقول ........

[عاشقة الاسلام]

استخيري ربج قبل كل شئ

 

[om MaRyooM]

وللحين حاطتها عندج ؟؟؟؟؟؟؟؟؟؟؟؟


امرج غريب


نصيحة اتبعي المثل اللي يقول (لاتنام بين القبوور وتشوف منامات وحشة)

 

[توتو ستايل]

اكيد المكتب بيتستر عالخدامه عشان ما يخسر
احنا يبنا اثيوبيه الكل يحسدنا عليها نظافه وسنع وشغل ما تنام الا الساعه 12 بالليل نترجاها تنام ما ترضا
المهم لما يينا بنسوي الاقامه اكتشفنا بالجواز 9 اقامات متكنسله على شهر بس
والخدامه مستانسين عليها تنظف وتبخر البيت من غير ما نطلب منها
صار فينا فضول ليش كنسلوا 9 اقامات مع انها خوش وحده جان ندق عليهم واحد واحد
واصدمونا بالبدايه ما صدقنا قلنا ما نبي نظلمها نراقبها ونشوف ولا صج كلامهم
اطلعت ساحرة تبخر بالحمام وتقعد بالظلمه للفير وحالتها حاله
عقب ما تبخر تحن تبي تطلع تقط الزباله عزكم الله تبي تنثر الرماد بالهوى او تدفن شي ما ندري شقصتها
خذناها معنا الويك اند اللي طاف الخيران قالت بروح البحر وساعتين ندق عليها ماترد اخر شي لقيناها تحذف بطل بالبحر فيه اوراق
المكتب قال لنا كل بيت تروح له عندهم ياهال واهي ماتبي ياهال
بنوديها المكتب قامت تعافر وتبجي انا ابيكم انا احبكم مابي اروح بيت ثاني
مو من مصلحة المكتب يسفرها لان راح يدفع تذكرتها يعطونها حق الاوادم يخلونها جم يوم ليما يطيحون عليها ويعطون معاشها للمكتب عشان يحجزون لها
امس وديناها عطيناها فلوسها مكان اللي اقعدت فيهم عندنا 3 اسابيع جان تقول لنا اللي بالمكتب انا مارح اعطيها المعاش بخليه عشان نحجز لها قلنالهم مالنا شغل المهم اطلعوا من ذمتنا
كل الخدم عندهم هالخرابيط الله يكافينا شرهم ويحمينا

 

[توتو ستايل]

الكفيل شنو مصلحته يقول جذي
لو انها صج ساحره ع الاقل بسسسسسفرها ولا يبلي الناس فيها



وترا اغلب الخدم معاهم طلاسمهم
علشان المعزمه ماتكلمهم ولاتزفهم وعلشان امورهم تتيسر
ولو بنفتش الكل ماقعدنا ولا خدامه عندنا



بس انتي شوفيها فتره وراقبيها
وبعدين تعرفين شنو هي

لو الكفيل يسفرها اهو يدفع التذكرة
احنا خدامتنا ساحرة رديناها المكتب دافعين عليها 500 دينار وفوقها نحجز لها

 

[صدفه نسيتك]

ابعد عن الشر وغني له

 

[هجووورة]

جزاه الله خير عنده ذمه لازم تصدقونه
المكاتب حرااااااميه يلمعون علشان يمشون سلعتهم

 

[ديزاينر الكويت]

وديها و افتكي

و الله يعوضج فيها احسن منها بالف مره

الحين حليوووه و زينه ب

اجر بتطلع علي حقيقتها

او بتسوي شي لكم لحقي علي عمرج حبيبتي

الله يحبكم لان الريال قال و بكل صراحه

 

[بيشاميل]

أغلب الخدم معاهم طلاسمهم استغفر الله
استخيري حبيبتي وربج الحافظ

 

[حبيبت مموي]

اختي نفس مشكلتي بس انا اسم لله عليكم كان فيها مرض السل


وجبتها للمكتب وانا قاعده في المكتب برجعها صاحبه المكتب تقول احنا بنيبال مسوين لها فحص كامل والخدامه تقول فيني هالمرض من زمان

ويوم استلمت فلوسي كانوا يبون يبيعونها لناس ثانين وصرخت بالمكتب ابي الكل يسمعني وقلت يااخواتي وياجماعه هذي الخدامه فيها مرض معدي واهوا السل وانا بريئه منها والحمدلله استلمت فلوسي بس لا يضحكون عليكم المكتب ويبيعونها لكم وهذا تقرير من المستشفي عن حالتها

وفعلا الكل قاعد يقول يادافع البلا وسفروها ثاني يوم

ههههنههههههههههههخهخخه





عفيا اذا علييييج شطوره

 

[ReD&FoSHia]

كافي كلام الكفيل
لانه اهو اللي بيستفيد عالاقل اتردله فلوسه يطلب خدامة يديدة
بس خايف ربه و قالكم
صدقي الكفيل ولا اتصدقين المكتب

 

[Elizabeth]

في ناس يخافون الله وهالكفيل يمكن خيره الله سخره يتكلم والمكتب طبيييييعي ماراح يذمونها
عندج حلين يا تردينها وترتاحين يا تحطين كاميرا وتتاكدين بس المهم اهي لا تحس بسبب ! والله يحفظكم

 

[ام احلى خلودى]

حبيبتى الكفيل شمصلحته يتبلى عليها والمكتب اشكره جذاب بس يبى يبيعها وياخذ فلوسه .... رديها ولاتنطرين دقيقه وسوالف التبجبج كلا تمثييييييل صدقينى سالى مجرب ماعندهم غير هالجمله انتى واجد زين انا حبى بيبى وعقب ماتحولونها يطلعلج ويها الثانى

 

[نياره]

اب اب

 

[حبيبه ببي]

لاحول ولاقوه الابالله