الخدامةكفيلها يقول صدت عندها سحر والمكتب يقول ........

[وردة الكاميليا]

السلام عليكم

قبل شهر تقريبا يبت خدامة مسترجعة فلبينية مسلمة

الصراحة احليوة ومؤذبة وشغولة بس يوم

راح زوجي يحولها هني المفاجاة الكفيل يقول

انا ببري ذمتي الخدامة وديتها المكتب عشان

الفترة اللي كانت عندي زوجتي كله تشوف

باودر عالأرضيات وغرف اليهال وتقوم الفير

تبطل علينا غرفة النوم وتطل علينا وبعدين

ترد غرفتها ويوم ردها المكتب طلب منهم

يفتشونها جان يطلعون السحر داخل علبة

فيها الباودر مع شعر وطلاسم بصراحة

ماشفت شي منها بس الوسواس ذابحني

استغفر الله شسوي يا بنات ساعدوني

وراعي المكتب يقول العلبة مافيها لا شغر

ولا باودر بس قرآن مكتوب على الورقة

وهاذي خرافاتهم ومعتقداتهم عشان يحميها

جذي قالت لهم والله أعلم الحين صار لها

عندي شهر تقريبا شورو علي شسوي؟؟؟؟؟؟​

​

 

[فلانه وعلانه]

اتوقع المكتب يقول جذي عشان يستفيد من وراها والرجال اللي يبي يتنازل عنها اشمصلحته يتبلى عليها

انا من رايي خيرها بغيرها ولاتعورني راسج من التفكير والوسواس خليها تولي وشوفي لج غيرها

او حطي كاميرات بالبيت

هذا اللي عندي وننطر راي البنات

 

[Melazlaza]

مابي اخرعج بس الغالبية العظمى من مسلمات الفلبين ساحرات
جربت وحدة نفس اليوم الي يبتها لقيت سحر وسوالف تخرع حيل بجنطتها حتى عين حيوان لقيت الله يحفظنا

ديري بالج
الله يستر عليكم

 

[PuPa^^SWeeT]

الريال ماله مصلحة يبلغج عنها


ردييها المكتب دام انكم ماكفلتوها

 

[أحلى عيون]

اختي نفس مشكلتي بس انا اسم لله عليكم كان فيها مرض السل


وجبتها للمكتب وانا قاعده في المكتب برجعها صاحبه المكتب تقول احنا بنيبال مسوين لها فحص كامل والخدامه تقول فيني هالمرض من زمان

ويوم استلمت فلوسي كانوا يبون يبيعونها لناس ثانين وصرخت بالمكتب ابي الكل يسمعني وقلت يااخواتي وياجماعه هذي الخدامه فيها مرض معدي واهوا السل وانا بريئه منها والحمدلله استلمت فلوسي بس لا يضحكون عليكم المكتب ويبيعونها لكم وهذا تقرير من المستشفي عن حالتها

وفعلا الكل قاعد يقول يادافع البلا وسفروها ثاني يوم

 

[om.googi]

انا عندي لج خطة

الخطة الأولى / تشوفين لكم أي فلبينية فبيت أهلج عند أمج أو أختج أو ابوج بس ما يهم مسلمة أو مسيحية ,,

ولازم تعرفين انها أمينة وثقة يعني عندكم من عمر وبخيها بجم فلس على بو ان بتعطينها شغل تسويه حقج ..

وفهميها ان علمتها بشي من اللي قاعدة تسوينه وقالتلها بالفلبيني راح يكون آخر يوم تقعد فيه بالكويت ولا تردله بالمرررة

والطريقة : تقولين لها أبيج تاخذين وتعطين وياها ,, تشوفينها مرتاحة ويانا والا بتتشكى منج أو تبي شي بس موقادرة توصل له ,, بعدها خل تشتكي وتقول لها ان اهي بعد مو مرتاحة وودها يخف الشغل عليها فالبيت وتسألها اذا عندها سحر مني مناك تقدر تلعب فيه وطول هالمدة حطي كاميرا بالمطبخ + دار الخدم ( وبوقت اللي تحطون فيه الكام طلعووهم جمعية أو حديقة أو أو ,, المهم تصرفوونهم ) وان شاء الله تعرفين النتيجة ,,


الخطة الثانية / انج تحطين كام في غرفتها وممرات بيتكم وتاخذين تسجيل الفيديو حق لجنة تحفيظ القرآن اللي بالروضة مقابل السرة ,, واهناك تدشين وتسألين جم فلبينية لأنهم مسلمين بعد وسألي كذا وحدة مو بس وحدة بشرط انج لما تسألين وحدة تروحيين تسألين هم وحدة ثاانية بس ما تكوون وياها لأنهم يتناقزون بالإشارات وبعضهم خبيثات يقروون قرآن وتحتهم طلاسم


والله يعينج ,, أنصحج ابـ فلبينية مسيحية أحسن مليووووووون مرة من مسلمة ,,

وموفجة ,,​

 

[!الجادل الصعب!]

حبيبتي .. شنو يعني كفيلهآ ليش يجذب عليكم .. اكيد
ماله مصلحه انكم ماتاخذونها .. بالعكس الاحسن له ان تحولونها
ويفتك منهآ .. رديها بس وحمدي ربج طحتوا لكم بانسان عنده ذمه وضمير ..
خدامه بدالها عشره .. !
يعني تصدقين اهل المكاتب الي اغلبهم بياعين حجي وتكذبين
كفيلها الي شاف هالشغلات وما سكت !

 

[وردة الكاميليا]

الله يعطيكم العافية ما قصرتو ماشاء الله عليكم
صج كفيلها اشمصلحته يتبلى عليها

 

[cheese cake 84]

حبيبتي كل المكاتب يجذبون وماعندهم الا هالجمله مايعطونها اكل مايعطونها معاشها رديها لاتبتلشين فيها

 

[أم نواف غير]

الله يكافيج شرها بس انا من رايي رديها

 

[وردة الكاميليا]

ما قصرتو خلاص بتوكل على الله وبردها بس بصراحة شكلها فقيرة وتعور القلب الله كريم

 

[وردة الكاميليا]

مو راضية تروح المكتب عورت قلبي من لصياح تقول ماما انا أبي شغل وانتي وايد زين وانا حبي بيبي وايد ومن هالحجي يا ربي شسوي تقول معزبتها الأولية كانت طقها وخايفة تروح بيت ثاني يطقونها بعد ساعدوني بنات بلييييييز منو أصدق يا ربي مابي أظلمها وتتأذى وأكون انا السبب

 

[شيوختي]

حبيبتي أستخيري ومن استخار ربه ما خاب
وبعدها تتضح لج الامور

 

[وردة الكاميليا]

حبيبتي أستخيري ومن استخار ربه ما خاب
وبعدها تتضح لج الامور

يا بعد قلبي كلامج ريحني بميزان حسناتج يالغالية

 

[بيلسسان]

الكفيل شنو مصلحته يقول جذي
لو انها صج ساحره ع الاقل بسسسسسفرها ولا يبلي الناس فيها



وترا اغلب الخدم معاهم طلاسمهم
علشان المعزمه ماتكلمهم ولاتزفهم وعلشان امورهم تتيسر
ولو بنفتش الكل ماقعدنا ولا خدامه عندنا



بس انتي شوفيها فتره وراقبيها
وبعدين تعرفين شنو هي

 

[عسل سل]

لو خليتيها عندج وحنيتي عليها تحملي النتايج اذا صار شي لو كانت فعلا ساحره ما اظلمها بسسسسسسسسسس الاهممممم
حطي سورة البقره يوميااااا خليها روتين شغاله بالبيت

 

[زين الوصايا]

كلامها صح وانا معاها لان الريال مايقدر يتبلى عليها المفروض يقول زينه ومن هالكلام
والمكتب اهم يقولولج حجي علشان مايبون تطيح بجبدهم !!!

 

[بخـــارى]

موشرط يكون كفيلها صاج انا اعرف ناس نوعها تحب تقطع رزق الفقاره وتلقينه مقهور ليش ماحبت تقعد عندهم ولو كانت ساحره جان سحرتج وتمت عندج
استخيري ربج فيها
واذا كنتي مو مرتاحه وخايفه رجعيها

 

[قفشـه]

السالفه مافيها غشمره

هذا سحر مو بيع برد

يبا رديها وما اكثر الخدامات بالماكتب ترس حوووولي

 

[صمت المرافئ]

ما عندي غير كلمة وحدة
من خاف سلم
فكري ببيتج وزوجج وعيالج
​