*** الخبر اليقين عن الميزوثرابي وال بي جي و الثيرماج ***

[شيخه***البنات]

السلام عليكم ورحمه الله وبركاته ..


شلونكم ياحلوين شخباركم:ggdw: ؟!؟!؟!


لقيتلكم خوش موضووع عن اجهزه الشد و التنحيف .. والخ ....


وهذا اقتبااااااااااااااااااااااس .. صراحه انصدمت وتوقعت نتيجتهم زينه :eh_s(1): ..


الحمدلله اني سويت سيرج قبل لا استعيل ..

السلام عليكم ورحمة الله وبركاته



اخواتي العزيزات بعالم حواء


انا من اكثر المهتمين بالقراءة والاستفسار عن كل من


ال بي جي


ثيرماج


ميزوثرابي


وبعد قناعه من استفسارات قدمت لاطباء عن طريق الانترنت او منتديات اخرى


قررت اسال الدكتور عبدالله العيسى


كان عند اختي اليوم موعد عنده لبشرتها قلت خل اروح واستفسر

ان مدح حجزت وتوكلت على الله

بالبداية استشرته بالثيرماج

تدرون وش قال


قال لاااااااااااااااااا


كثير من الدراسات الامريكية اثبتت فشله


وممكن ينجح مع فئة قليله ونادرة بنسبه لاتذكر ولاتلاحظ الا من قبل خبير بشرة


وعنده صور حقيقية غير مفبركة للمؤتمرات الي حضرها وشارك فيها في الخارج عن هالجهاز


لكن من جد انصدمت


سالته طيب ليش غالي


قال هكذا هو الطب اول مايطلع جهاز يطير ليحصد جيوب الناس من الطبقات الغنية


الى ان يأتي جهاز اخر يثبت انه افضل


قلت طيب خلنا من الثيرماج


شرايك بالميزوثرابي لازالة السلولايت


قال هذي اكبر خدعه ممكن تخدع المرأة ونتايجه نفسيه فقط وما ياثر على السيلولايت


لكن لان الي تعملها تسوي معاها رجيم عشان ماتخسر فلوسها تنغر بالنتايج


ماتدري ان النتايج الي حصلت عليها من الرجيم والرياضه مو من الابر نفسها


سكت ضاق صدري


قلت طيب دكتور وال بي جي


قال


هذا بالذات تعباااااااااااااااااااان ماله اي فايده


لاتخسري فلوسك على شي نتايجه تتعلق برياضه ورجيم


قلت طيب وش السواة


قال شوفي


انا كل الاجهزة موجوده عندي ثيرماج ، ال بي جي ، ابر ميزوثرابي


لكن ما احب قلت لك الحقيقه ولو ابي استفيد استفدت منك


لكن انا بغنى عن استخدام علاج غير مجدي الا بنسب بسيطه تبان على ناس وناس لا


وما تجيب اي نتايج الا برياضه ورجيم


قلت


يعني ما فيه امل بشي للبشرة



قال افضل شي للسيلولايت والبشرة الكريمات


والرياضه


والماء


وتخفيف الوزن


غير كذا لعب على العقول


قلت له شكرا وطلعت من العيادة طايره بوهتي


هالكلام نقلته لكم والله وحده يعلم اني اقصد


النصح لكل انثى


تطمح للنحافه او ازالة السلولايت او صفاء البشرة


لاتضيع فلوسها وتألم جسمها وتضيع وقتها


على شي كذب ويبعه للأسف اطباء مأتمنون على صحة المريض


لكن حسافة لاصارت الفلوس كل شي


حتى بمهنة الطب


هذا الي صار بالضبط


تمنياتي لكم بالتوفيق

نقلته لكم و الله اعلــــم ..


يمكن في بنات فاد معاهم فتره وبعدين رد جسمهم مره ثانيه غير ..

يعني الحل الأمثــل يابنات ..

الرجيم والمــــاي و الريـــاضــــه ..

وان شاءالله اكون فدتكم :tek: ..​

 

[Ya7aLaTi]

مشكوووووووورة حبيبتي شيوخ وما قصرتي عالنقل :eh_s(6):

عاد والله مرة إختي كانت بتجرب شي جذي مادري أي واحد بالضبط.. بس المهم واحد من هذول ... والحمد لله إنها هونت عنهم..

 

[شيخه***البنات]

هذي تجربه وحده بمنتدى سعودي بس اهيا بالكويت ..

قريت اعلان بالجريدة عن جلسات التخسيس من اوباجي والسمعة الي يتمز بها هذا المركز وحرت مثل الشطورة وقابلت الدكتولرة ومشكلتي ان وزني 62 وطولي 170 رشيقة ادري بس عندي بطن اضغيرون وايد قالت لي سوي جلسات الكوربو وهذه نحت للجسم وتخسس وايد والتجارب فضيعه علية وقالت عنه اشعار واشعار قمت مثل الهبلة وسويت فاتورة ب12 جلسة ب250 دينار كويتي وبدأ الجلسات اخذو المقاسات بطني وخصري وبدات الجلسة الله لا يواريكم تعرفون جهاز الي يسون فيه تخطيط القلب مثلة بالضبط يلفون على البطن سير ويركبون الدوائر وشغلون الكهربا وتذبذبات بسيطة تزيد حسب طلبج المهم الجلسة مدتها ساعة يوم وترك انا اليوم خلصت 9 جلسات ولا سنتمر نقصت على الرغم اني العب رياضة ووما اكل قمت وكلمت الدكتورة تقول حضرتها انج تضعية ماراح يبانت وايد عليج والله يا بنات خرابيطك بخرابيط اصلا المركز شكلة عادي والغرف بسيطة وما في خدمات كلش عياده بسيطة جدا
انقل لكم تجربتي بكل صدق وامانه حبا فيكم علشان لا تخسرون فلوسكم عالفاض مثل ما صار فيني واي سوال انا تحت الاملر

وهذي العضوه معانا بالمنتدى ..

اول شي الجهاز موجود بعيادة سحر غنام وغاااااااااااالي عالفاضي لان اكثر من دكتور قالوا ان الثيرماج فاشل ومفعوله مؤقت يعني جم شهر ويرد بس اللي شفت وحدة تمدحة جهاز اسمه تايتان بالاشعة الحمرا عند اوباجي وناوية بعد ما اضعف ان شاء الله اجربه واهو كل شهر جلسة واعتقد 6 جلسات ب300

على فكرة الثيرماج للبطن ب1400

وبعد

وااااااااى هاذى مشكلتيي عقبب الضعف جربت كل شيي تقريبا ، جربت جهاز الكوربو زيين بس ان هديتيه ارد جسمج يترهل وجربت الابر الى تشد مفعولها زيين بسس بطييئه وغالييه يعنى الابره 60 وانا اخذ بكل جلسه 3 ابر يعنيي السالفه صلاااخ الرياضه تنفع بس مفعولها بطييييييييييييييييييييييييييييييييييئ ونتايجها مو الشد 100%
شكليي اخرتها بسووي عمليه الشد

وبعد ..

انا سويتهم عند مونتانا كلينك بس كلش ما استفدت شي 140 دينار عالفاضي بس الظليمه شينه يمكن لان عندي نقص حديد و قاعده اخذ حبوب حديد

منتدى ثاني ..

بصو يا فتكوات انا جوزى عمل الحقن دى وللاسف لم تعطى اى نتيجه
انا قلت اجرب فيه الاول بس المشكله انه كان عايز حاجه سهله من غير تعب
يعنى هو وزنه 100 والدكتور قله لازم تخس شويه قبل الحقن علشان تجيب نتيجه بس هو مرضيش
وعمل 4 جلسات مره كل اسبوع وكانت مؤلمه الدكتو بيشكه حوالى 36 شكه بالحنه فى بطنه ومع ذلك مجبتش نتيجه
بالنسبه للسعر هى الحقنه ثمنها 300 جنيه ده طبعنا غير اجة الدكتور والمكان اللى بتعملى فيه
واى سؤال انا فى الخدمه

وبعد ..

وهذي مو تجربه بس يقولون انها تسوي ضعف جنسي و الله اعلم ديرو بالكم ..

بسم الله الرحمن الرحيم
مستحضر الميزوثيرابي الذي لاقى رواجا ً ملحوظا ً في الآونة الأخيرة في المشرق العربي والخليج بشكل خاص وهو عبارة عن حقن للتنحيف وإذابة الشحوم ولكن وبعد عدة تجارب و استفتاءات بين الرجال الذين قاموا باستخدام هذه الحقن اتضح بأنه سبب مؤكد للضعف الجنسي وحتى هذه اللحظة لم يتم إشهار هذه النتائج الأكيدة لهذا أرجوا نشر هذه المعلومة ولا أستبعد إطلاقا ً
أن هناك أيد ٍ معادية لها دور كبير في انتشار الميزوثيرابي في مجتمعاتنا وكم من قصة مرت علينا بخصوص نشر مسببات للضعف الجنسي سواء ً بالأدوية أو العصائر والتبغ وهنا أخص النوع الكوري الذي أعطى نتائج سلبية كثيرة أهمها الضعف الجنسي والوهن العام
والثواب لكل من سينقل هذه الدراسة سواء ً بنشرها في المنتيدات أو بالتحدث عنها ولكم الأجر عند المولى الكريم
والسلام عليكم ورحمة الله وبركاته

واذا لقيت بعد راح احط ..

 

[شيخه***البنات]

مشكوووووووورة حبيبتي شيوخ وما قصرتي عالنقل :eh_s(6):

عاد والله مرة إختي كانت بتجرب شي جذي مادري أي واحد بالضبط.. بس المهم واحد من هذول ... والحمد لله إنها هونت عنهم..

العفوووووووووو حبيبتي ..

اشوه الحمدلله انها ماجازفت ..

 

[الواثقه بالله]

تسلم ايدج على الموضووووووووع

عاد انا افكر بالموضووووووووووع

الحمد لله انج لحقتي على

 

[[..كـــــرك..]]

الدكتور هذا شكله فاهم وين القاه؟

بروح احجيله لووول

 

[مستشاره قانونيه]

والله امي غزت ابر الميزوثرابي مافاد معاها وبس خساره عالفاضي ومع رجيم بعد
وحتى خالتي سووت وتقول ماياب نتيحه واثنينهم يقولون ان منطقه البطن اكبرت زياده عن اول
مافكرررررر اسوي هالشي

 

[AmOoNa-]

بنات منو سوت هيبوكسي ؟؟؟

 

[فـرفـر]

كنت مفكره بس الله يجزاج خير

 

[ام باسلل]

خلاص هونت وبلغي موعدي مشكوره حبيبتي

 

[خدود وردية]

بعد عمري شيوخه عالمعلومات هاذي
عاد ياني الوسواس والنواح الويكند الي طاف قلت ماكو الا ال بي جي عشان لما يروح السلولايت يمكن احست ضعفت هههه

 

[makhroosha]

:~~((
الظاهر مكتوب علينا نظل امتان طول عمرنا !

 

[شيخه***البنات]

تسلم ايدج على الموضووووووووع

عاد انا افكر بالموضووووووووووع

الحمد لله انج لحقتي على

الله يسلمج بعد عمررررري ..

شلوووووووونج حبيبتي شخبارج ؟؟

لا لاتفكرين ديري بالج بعد عمري اشوه انج قريتي الموضوع:tek: ..

 

[شيخه***البنات]

الدكتور هذا شكله فاهم وين القاه؟

بروح احجيله لووول

ههههههههه والله مادري بس اتوقع من اللهجه اللي بالاقتباس

ان سعوودي ..

:tek: ..

 

[شيخه***البنات]

والله امي غزت ابر الميزوثرابي مافاد معاها وبس خساره عالفاضي ومع رجيم بعد
وحتى خالتي سووت وتقول ماياب نتيحه واثنينهم يقولون ان منطقه البطن اكبرت زياده عن اول
مافكرررررر اسوي هالشي

اي و الله كلهم جذي اي جهاز يطلع يمدحوونه واخر شي ولا شي :0bee2e8d89: ..

بعد عمري ان شاءالله الله يعوووووضهم خليسون رجيم ورياضه خفيفه مثل المشي و الله وايد

احسن ..

 

[شيخه***البنات]

بنات منو سوت هيبوكسي ؟؟؟

والله ماعرف شنو الهيبوكسي .. بس ان كلهم خرابيط مثل ماقريتي ..

كنت مفكره بس الله يجزاج خير

اشوه انج قريتي ..

ويجزيج الخير يارب :tek: ..

خلاص هونت وبلغي موعدي مشكوره حبيبتي

العفوو حبيبتي .. الحمدلله انج قريتي قبل لا تروحين ..

 

[شيخه***البنات]

بعد عمري شيوخه عالمعلومات هاذي
عاد ياني الوسواس والنواح الويكند الي طاف قلت ماكو الا ال بي جي عشان لما يروح السلولايت يمكن احست ضعفت هههه

هلا وغلاااااا :ggdw: ..

لالا يمعووووده الا هالشي لاتسوينه كلهم جذابين طلعووووو هههههه ..

ان شاءالله بتضعفين بس وتشدين بعد خلج مع الكريمات و المشي

وان شاءالله راح تحسين بتغير :tek: ..

 

[شيخه***البنات]

:~~((
الظاهر مكتوب علينا نظل امتان طول عمرنا !

لا بعد عمري ان شاءالله بتضعفين ..

سوي رجيم ورياضه خفيفه مع كريمات وان شاءالله ماكو شي مستحيل ..

ولا تفكرين بالعمليات ولاتزعلين نفسج :tek: ..

 

[A7bni_1]

بنات منو جربت الميزوثيرابي شخصيآ ؟؟ أو تعرف أحد جربه؟؟ أكو نتيجه ولا ماااايسوى؟؟؟؟؟؟؟؟

 

[heart of gold]

مشكورة