الخبر الصدمة منع لبس القاب في فرنسا

[غروب79]

مرحبا بنات اليوم سمعت بالاخبار ان فرنسا صوتوا على منع لبس النقاب حسبي الله عليهم عشان جذي حبيت اخذ رايكم تهقون هالشي ياثر على باقي دول اوروبا خاصة اني حاجزه هالصيف على المانيا والنمسا::0bee2e8d89:

 

[قـہۈه فـرنسيـہ™]

استغفر الله ,,, مو من حقهم يتدخلووون بالدين !!

خلاااص خل حكووماتنا تفرض عليييييييييييييهم ...لبس العبايه ... ياسلام وحده بوحده

 

[0oR0R0 honeyo0]

استغفرالله كل مالهم للأسوء ..
الله يعين ..

 

[غديران]

معقولة طبقوه !!!!!

 

[غروب79]

سمعت الخبر على قناة العربية ومن وقتها وانا حدي ضاق خلقي بس اتوقع النمسا ارحم منهم

 

[الحلا^^مبتليني]

عندي لج اقتراح دامج متمسكه حيييل باللبس الشرعي
قطي النقاب والبسي بداله خمار وعبايه وااااسعه ولاتحطين مكياج صدقييييني حيل بيكون شكلج متدين

 

[سوسو العصلة]

لاحول ولاقوة الا بالله

 

[ام مهاوش]

لاحول ولا قوة الا بالله العلي العظيم لا ان شاءالله مايأثر على الدول الثانيه وبعدين هذي حريه شخصيه مالهم شغل
اهما الخسرانين

 

[مشاعر أمرأه]

معقوله الخبر صج

ما اعتقد يتجراون ويطبقونه

يمكن بس عندهم مو على السياح

مع اني مو منقبه بس اعرف وحده منقبه بتروح شهر7

 

[smile face]

اي سمعت الخبر بالقنوات وسبقتهم بلجيكا بعد
والحين اكثر من دولة بس مادري اي دول بصراحة
وماعتقد سمعت عن النمسا
بس بريطانيا لما الحين ماقالت رايها بالموضوع
عموما صج انا مو منقبة بس اعتقد ان هذي حرية شخصية
واعتقد ان اهم يفترض يدافعون عن الحريات ما يمنعونها !
لكن
ديرتهم ومانقدر نسوي لهم شي
بالتالي
اختي اذا انتي متنقبة وعن اقتناع وبتروحين مكان يمنعون قناعتج لاتروحين لانج بجذي تقللين من احترامج لقناعتج وحريتج
واذا انتي متنقبة بدون اقتناع ومجرد حشمة وعادة روحي بس التزمي بقوانينهم لانج رايحة باختيارج مو مضطرة

وهذا رايي

 

[بحر الذكريات]

لا حول ولا قوة الا بالله


اشلون على بريطانيا؟؟

 

[أم أفنان]

خواتى الغاليات أنا جبت لكم خبر وأن شاءالله يفيدكم من مستشار أبو عزيز فى منتدي العرب المسافرون


بحثت على هذا الموضوع على موقع قوقل وشفت هذا التقرير

http://travel.maktoob.com/vb/travel374985/

 

[غروب79]

مشكورة اخت ام افنان على الرابط احس تطمنت بعد ماقريت مع العلم اني لله الحمد كل سفراتي متمسكه بلبسي وهذا نابع من قناعتي

 

[مشتطـه]

جانه صج الله يلعنهم ويحوسهم يارب ولا يوفقهم استغفر الله

مع اني مو منقبه بس تضايقت والله

 

[ذكرى الفراق]

اول سحب بركانية والحين النقاااب وبعده الله يستر ...عساها خيره لناااا ...

 

[hi555]

والله زيييييييين يسوووووون
والي موعاجبة لا يسافر خل يروح قندهار سياحة بدال لا تلعنون الناس
طول عمرهم مكرمينكم لكن العلة فربعنا مو فيهم
رياييل بنقاب يهربون
وناس تفجر
يعني او خبولنا عبئ علينا
والحين صرنا عبئ على العالم بكبره

بعدين كلنا ندري ان النقاب عادة مو واجب وبس

 

[مساء الود]

<<<< لاحول ولاقوه الابالله

 

[.. نواري ..]

والله زيييييييين يسوووووون
والي موعاجبة لا يسافر خل يروح قندهار سياحة بدال لا تلعنون الناس
طول عمرهم مكرمينكم لكن العلة فربعنا مو فيهم
رياييل بنقاب يهربون
وناس تفجر
يعني او خبولنا عبئ علينا
والحين صرنا عبئ على العالم بكبره

بعدين كلنا ندري ان النقاب عادة مو واجب وبس

الله وأكبر الحين صار النقاب واللبس الشرعي إرهاب وسياحتنا بقندهار ؟

يعني لازم نلبس سكيني وبلوزه حده حده وملفع بو تفخه وفل ميكب عشان نمشي مع العالم ؟
هذا حجاب؟ هاذي رسالتج اللي ماخذتها معاج بسياحتج لنشر دينج

آنا وربي أمشي بالنقاب وأحس بعــــــــــــزه والكل يحترمني لآن آنا محترمه نفسي وديني وعندهم من يحترم دينه
ويطبقه يحترمونه ويقدرونه ولا شحقه بأمريكا وكندا وأغلب الدول الموظف يكلمنا بقمة الأدب ويخيرنا تبون غرفه خاصه
تفتشكم مره ولا عادي عند كاونتر رفيجته اللي يمه

شفتوا شلون إحنا لنا معامله خاصه
منو يتخير ويستشيرونه بالمطارات وزحمتها غيرنا :ggdw:



ولا إن شاء الله أبشرج سياحتنا ماراح تكون بقندهار ولا فرنسا


لالالا
بإذن الله بالجنه اللي فيها مالا رأت عين ولا سمعت أذن ولا خطر على قلب بشر

مافي فرنسا مو مشكله نحول على غيرها اهم اللي خسرانين

 

[** باربي **]

وصلني ايميل تصويت للقرار وصوت لهم

 

[كويتية بروما]

حياتي الخبر صحييح ممنوع بباريس وروما
ادا احنا لابسين حجاب وودهم يدبحونا بعد نقاب باوروبا مادري؟؟؟؟؟؟ ملفت للانتباه وايد
بس ماله داعي محد بيطالعج مفاصيخ ما يطالعونهم اشيبون فنقابج
الله يثبتنا على ديننا