الحين شنو الصح!!!! عطونا أخر كلااام @@@@@

[شادن33]

السلام عليكم
انا داخله اتهاااوش خخخخ

من اول مادخلت هالمنتدي وانا اقرا قصص حريم صادو ا رياييلهم
بالجرم المشهووود الا وهو الخيااانه
سواء بالكلام
او الافعااال
او بالنظرات بالهمساتي بالاهاتي خخخخ

وفي فريقين من الردود
الفريق الاول يؤيد المصارحه للزوج <<<<<لماذا فعلت هذا يا رجل
والفريق الثاني يؤيد عدم المصارخه ومواجهه الطامه الكبري باشياء بديله عنها

االراي الحين من
مع المواجهه الصريحه
ومن مع عدم المواجهه
مع ذكر الاسباب للاستفاده
ويعل كل وحده ترد ماتذوق طعم الخيانه
وطبعا بعد كاتبه الموضوووع الله يبعدها عن الخيانه

اخر كلااام لاتوخون البنات لوووول

 

[ElN00R]

المواجه حق واحد عنده ذوق محترم بيحس بالذنب
مو حق واحد جذاب بيحسب حسابه الف مره وبيكمل طريجه و لا واحد يطقج بالطوفه ويقولج عاجبج قعدي ولا مو عاجبج بيت ابوج

انا اقول تحفظ كرامتها وماتبين له انها تعرف وتواجهه لان ماراح يغير شي غير انه يدري انها تدري وقعدت عنده ويدري انها بتقعد على كل حال مي مفارقه ف قعدي بكرامتج ولا تقولين انج تدرين.

تالي لو فضحتي عند اهله هم انتي الخسرانه

سكتي وشغلي عمرج وحببيه فيج وغيري نفسج من كل ناحيه

شدون هالسرسريه يموتون على البنات حتى لو زواجهم اقمار و الاخونجيه يبون تعدد بالله شنسوي يختي
مافي الا ولد الفقر يحلم لو عنده فلوس ياخذ ثنتين ولا ٣ ولا يطلع مع نسوان عشان فلوسه وايد

الله لا يبلاني يارب

 

[emiemi]

المصارحه
لان لي حق اعرف بشنو قصرت معاه
وبعدها ماله مكان بقلبي لو عندي درزن يهال ماني عاجزه اشيل نفسي ولي اهل عزوه

 

[Reelax]

اذا انتي داخله تهاوشين :eh_s(10): ماعندي مانع اتهاوش ويااج خلقه معصبه اليووم وهذا الموضوع معصبني بزوود هههههه

المهم .. رايي انا واللي الكل يعارضني فيه رفيجاتي خواتي هو الموااجهه .. ليه يااربي هو يخربط وانا بفراشه موجووده وش قاصرني

بس ترى مااخبي عليج بالاول يدور رضاي ومايحبني ازعل عليه ويداري خاطري . من عرف اني كشفته عصب وتغير وطنش وانا هم طنشت صاار بيننا بروود :eh_s(2)::eh_s(2):
بس مو فارقه معااي لانه ماعاد يهمني مثل اول >>> تواسي نفسها :eh_s(2)::eh_s(2):

بس مااقدر لازم اواجهه واعرف لماذا فعلت هذا يارجل ؟ >>على قوولتج

 

[امـ خــزامـى]

انا مع وضد <<<متناقضه ههههههههههه

مع المصارحه اذا كانت الخيانه تعدت حدود المكالمات

وضد المصارحه اذا كانت نزوه وبس يلعب ويبي يجرب ومعكم ياخوالي يعني فيس بوك وتويتر ومن هالبرامج

 

[ام الحلوااات]

ااااااااااااااااااااب

 

[ماني من الناس]

المصارحه للكل
لان باختصار اذا الزوجه ماتكلمت محد راح يتأذى الا اهي

وحقيقه علميه ونفسيه الكبت يولد الانفجار

واللي تسكت وتنكبت شوفي عاد ش يحوشها قولون عصبي ارتفاع ضغظ شعرها يحت ينزل وزنها


وهو ولا داري عن هوا دارج

فكلششش مايسوا عليج يلي تسكتين

 

[maha_89]

انا كنت مع المصارحه
بس للاسف مانفعت زادت وامصخت السالفه تزيد يوم اصارحه
اهو ع حسب عقليه الريال
اذا ريال يحس ع دمه تصارحه
اما اذا معطيه الناس سيفون لا تصارحه وايد ابرك
ماتبيه تهده وتعيش حياتها ولا تسكت وتلهي روحها باي شي

شادن احبج في الله

 

[ماتغير شي]

مع المصآرحه وضد على طبع الريال شلون صاير

في ريايل إذا صارحتيهم يتمادون وماتفرق وياهم ويمكن يخونون جدامج

 

[فطوم 84]

مع المصارحه وبقوه

لانه بزمن امراض وايدز

وزواج مسيار. وزواج بالسر

راح زمن مكالمه وبس

فالوحده. تصارح اول باول وتعرف شمغبر. احسن. ماتنصدم. بعدين

وانا استغرب. من بعض. الردود. اسكت واطووف. عشان مايقولي. روحي بيت اهلج

زين. جكيتيه. وسكتي

لو كان. "ينام وياها. من وراج. "ومعاشرات وامراض. وانتي ساكته. وتطوفين. "وتعطينه حقه. ماتخافين. يكون. فيه امراض. ويعديج


بصراحه شي. غريب!!!!

انا اشوف. اي. خيانه للرجل. فيها زعل. وقعده جاده. واذا. الموضوع. المرا تاكدت. انه معاشر. غيرها. تحفظ. كرامتها. وتزعل عند اهلها وماترجع.
الا "يفحص. وبعدها. اذا. سليم. يراضيها


سالفة ينام. مع. وحده. راعية خرابيط وشقق. ومريضه جسمها مليان. بلاوي. وانا. اسكت. عشان. احافظ. علي. بيتي. اقول مالت. علي هال بيت. عساني ماحافظت عليه


الزم ماعلي جسمي وصحتي. ولاتجيني. امراض تروح. بيت اهلها اللي عازينها. ورازينها. اذا. صار. ريال مضبوط. يجيها ويراضيها


والله يبعد عن الجميع الخيانه *

 

[لاتكابر غلطتي]

باختصااااااااار

حسب نوعية وعقلية الزوج

 

[ماني من الناس]

صاجه فطوم

يعني تتوقعونهم قاع يكلمون بنات ليش هل فقط تسليه بالفون حلاهم ليش اهم بالروضه يسولفون بس بالفون الابرياء

انتي شدراج متا راح ينتقل لمراحل اخرى دام البنت اللي يكلمها مرخصه نفسها ترا الصوت سبب قوي من اسباب الاثاااره واكيد محادثاتهم غير بريئه تتوقعين قاع يسألها شلون الطقس اليوم!!! انتي ماتدرين متى راح يوصلون لمراحل اخطر ومواعد ولقاء


باجر لين مرضتي بسببه بتكتشفين انه وصلوا لمراحل متقدمه

يعني قاع تنطرين تمرضين عشان تتاكدين

 

[ليه الجفآ]

انا اقول حسب الزوج

اذا وجه بن فهره لاوالله انطمي لا يخليج بيزه ماتسوين ويقولج الباب يوسع جمل


اهني عاد ياتقعدين ويصير عيني عينج وباهانه قاعده او تتلقين ويخرب بيتج وشتتين عيالج ...


واذا فيه رجى ويستحي على عمره واجهيه ..


..

 

[Belle de Jour]

انا مع وضد <<<متناقضه ههههههههههه

مع المصارحه اذا كانت الخيانه تعدت حدود المكالمات

وضد المصارحه اذا كانت نزوه وبس يلعب ويبي يجرب ومعكم ياخوالي يعني فيس بوك وتويتر ومن هالبرامج

اتفق معها :rerrerek:

 

[Mjnont '3lay]

امممم على حسب اذا الرجال عنده ذوق وصريح ويستحي على دمه بيجي ويقول ترى انا خنت بالفم المليان يعني
ساعتها رح اعرف ليش شنوالسبب واذا كان سبب تافهه ماله معنى
الاولى بسامح والثانيه الطلاق اهو اول واخر حل ومافي تردد ومن غير تفكييييييييييييير
اما اذا من تحت لي تحت لا بسكت اول شي وبحاول اعدل من نفسي واسأله بطريقه غير مباشره بشنو انا مقصره واحاول اني ما اقصر واسنع من نفسي شوي اذا ترك وبطل من هالسوالف ورجع لي كان بها اذا استمر معناته هذا عينه ماتملاها غير التراب والانفصال احسن حل او التجااااااااااااااهل الكلي له اخليه هو والطووفه واحد بس ما اقوله شنو السبب ولا اكشف له اني دريت عن خيانته بس اجننه اخليه يدور على نفسه ويموت ويعرف سر انقلابي المفاجئ وهذا احسن حل للرجل الخاين

 

[مريم القلاف]

أنا مع المصااااااااارحه ليش أسكت وحرق بدمي وشفت دليل جدامي
​

 

[منال $]

انا مع المصاااااااارحة
لاني ما بحب شي يضل بقلبي
وكمان راح تتغير طريقة معاملتي اله فعشان لاينقلب الموضوع علي ادا تغيرت بالمعاملة والاسلوب

والله لايدوقنا طعم الخيانة

 

[MiSsY HottY]

الله لا يقوله لو صارت لي مع المصارحة

 

[بخـــارى]

يعتمد عالموقف

 

[انونا]

انا مع المصارحه
1- المرا اذا خانها ريلها تبي سبب علشان تشفعله او علشان تعذره وما اظل طول الوقت تسال روحها ليش
2- يحسبلها حساب ولا عباله غبيه ويستغفلها
3- لعل وعسى ويستحي على دمه ويعتذر ماعدا الاعتذار ماراح ايب نتيجه
4- اطلع حرتها لان طول الوقت مقهوره
5- علشان ينفرض عليه احترامها
بس لازم يكون باسلوب قاتل

جد الله يصبر قلوبهم يارب حق كل وحده انجرحت من الخيانه