الحين حاطلي بالون في عنقزالرحم

[retaj12]

بنات تكفى الدكتورة حطيتلي بربيش في الرحم تقول انه يوسع ثلاثة سانتي للحين مو معورني بس اللي عندها فكرة تفيدني رجاء لاني حدي تعبانة وابجي وقالولي لمن يطيح بروحة ينزلولي للولادة عشان تحاميل اللي جربته تنصحني تكفى يعور هذا ولا لأ

 

[قمورة الكويت]

لا ياقلبي مايعور لاتخاافين
انا سويتها تو قبل جم شهر حطولي بربيش بس انتي اول ماتحسين بالام الدوره او الام الطلق اذا تعرفين الام نفس الدوره بس شوي شاااده ظهرج راح يعورج وبطنج شوي اول ماتحسين بجذي نادي السستر بسرعه خل ينزلونج الولاده اوكي
الله يسهل عليج ياااارب والله حاااسه فيج الله يهون عليج انشالله

تكفين طمنينا اوكي
انتي بتولدين ولا شنوو ؟؟؟؟؟؟

عسى الله يقومج بالسلامه

 

[retaj12]

ايه انا بالولادة حطيلي البالون الحين قالولي ما يعور وقالولي رح يفتح الرحم ثلاثة سانتي شلون ولادة حبيبتي تكفى وقالولي ولادتج باجر هما يبون ياخرون الولادة احكيلي بالظبط شرح يسوون فيني تكفى

 

[قمورة الكويت]

شوفي حبيبتي انا ركبوه لي المغرب اوكي

والفجر على الساعه ٦ و٧ حسبت بالطلق وطووول هالمده انا مافيني شي وهم كل ساعه جذي تجي السستر وتحط ابره بالبربيش ماراح تحسين فيها هاذا نفس الطلق الصناعي ووالله انه احسن من التحاميل بمليون مرررره حيل مريح
اوكي خنكمل لج وطول هالمده انا موحاسه بشي اهلي عندي ووناسه وضحك والفجر عاد بدا الطلق معاي والعوار الطلق العادي جأ مرررره وحده اوكي بس انا كنت ساااكته وماناديت السستر قلت مابي اقعد امي اوكي كنت بكريه وماعرف الطلق ومادري ان هذا طلق

لماا زااااد وما قدرت اتحمل وناديتها وقالت بسرررعه ولاده ونزلوني بسرعه وعطوني كمام وبعدها ماحسيت الا انا بغرفتي خلصت الحمدلله

شوفي انتي راح تحسين بالبالون يطلع كل شوي هي كل ما تزيد الجرعه كل ساعه تشوف البالون قرب يطلع ولا لا اذا قرب معناته قربتي تولدين وكل ساعه راح يقرب اكثر عرفتي

سبحان الله انتي راح تحسين ببالون تحت بيطلع ..
والله يسهل لج انشالله

متى حطولج البربيش بو بالون اي ساعه ؟؟؟
وقاعدين يحطونلج دوا فيه كل ساعه او نص ساعه؟؟
باأي مستشفى انتي؟؟؟

 

[قمورة الكويت]

والله هاذا خووش اختراااع
الله يجزاه خير اللي اخترعه

 

[retaj12]

انا حطولي اياه الظهر الساعة اثناش وثلث وللحين ماني حاسة بشي والماي حطوه بس مره وحدة ماقاع يزيدوني ولا شي قالولي عشان ينفتح الرحم ثلاثة سانتي وبعدين يحطونها تحاميل فقالولي السسترات لمن تحسين بعوار او لمن يطيح البربيش نادينا وانا في مستشفى الصباح الحين

 

[ام عفاف الكويت]

ياحيااااااااااااااااااتي
الله يهون عليج يارب
لاتحاتين ان شاء الله حاطينه لرفيجتي
ووسعته لها ببعد بالايد
وماشاء الله ماطولت بالولاده
عسى الله يهون عليج لاتخافين ولا شي سولفي معانا واستانسي
لما ينزلونج
وادعي لي الله يرزقني حمل التوائم قولي ام عفاف

 

[!الجادل الصعب!]

آول مره آسمع بالشي هذآ .. مآيعور ؟!
الله يهون عليج يآرب

 

[retaj12]

ام عفاف تبي توائم اكي انشالله الله تامرين امر حبيبتي الجادل الصعب لا ما يعور
لا تنسوني بالدعاء ترى حدي خايفة ومو معاي احد بروحي وانا بجرية *

 

[super star]

حبيبتي الله يهون عليج يارب والله ماعندي فكر بس ادعي لي ربي يسهل علي ويرزقني الضنا المتعافي

شلون دخلتي معاج الموبايل غرفة الولاده ؟ انا خذوه مني السسترات مستشفى العدان

 

[retaj12]

لا انا بعدني ما نزلوني الولادة انا في مكان مال المرضاء

 

[عبث طفله]

الله يهون عليج يااااااااااااااااااااااااااااااااااارب ويسهل عليج

 

[retaj12]

امين ياررررب العالمين

 

[عبث طفله]

استغفري وكثري الدعاء ان الله يهون عليج وييسر ولادتج ..

 

[ام عفاف الكويت]

ليش دخلوج كنتي جم سانتي
وليش ماخلوج تروحين البيت شوي
الله يسهل عليج سولفي وطقطقي بالايفون وخشيه بمكان لايبوقونه

 

[om la6ofa]

الله يسهل عليييك يااا رب

 

[الفرح1]

اللله يهون عليك وبشرينا

 

[قمر 28]

الله يهون عليك وطمنينا عنك

 

[قمورة الكويت]

رتااااج اذا ولدتي بشرينا والله قاعده احاااااتيج الله يهون عليج يااااارب

اكيد ولدتي الحين

ليش بكريه ومحد عندج وين امج او زوجج ..؟؟؟؟

 

[ملكه الحطب]

وااااي الله يعينج

بس شنو هذا البالون مافهمته

بس اكيد الحين ولدتي بشررررررينااا