الحين بيعطونا مخصصت ولا دراسة شوفوا الخبر ؟؟؟؟

[ام يوسف القمر]

برئاسة د.محمد المشعان
وزير الصحة يشكل لجنة لإعادة دراسة آلية إرسال حالات العقم للخارج







أصدر وزير الصحة د.هلال الساير قرارا بتشكيل لجنة لإعادة دراسة آلية ارسال حالات العقم للعلاج في الخارج برئاسة مدير ادارة العلاج في الخارج د.محمد المشعان وعضوية كل من رئيس اقسام النساء والولادة د.جهاد الهرمي ود.ماجدة كميخ «كلية الطب» ود.حازم الرميح وحدة طفل الانبوب في مستشفى الولادة.

كما ضمت اللجنة ممثلين عن القطاع الخاص كأعضاء فيها وهم د.ماجدة اليتامى «استشاري امراض النساء والولادة ود.عالية الفضلي استشاري امراض النساء والولادة.

وحدد قرار وزير الصحة مهمة اللجنة بدراسة موضوع حالات العقم ووضع سياسات وبروتوكولات، العلاج والأسس الخاصة بطفل الانبوب.

ووضع سياسات الابتعاث للعلاج في الخارج والداخل لحالات العقم وتحديد اسس الاستحقاق للعلاج بالخارج ومدة العلاج اللازمة والتمديد وكذلك مراجعة جميع القرارات الصادرة بشأن العقم واجراء التعديلات اللازمة لها واصدارها بلائحة متكاملة.

وتضمن القرار كذلك مدة عمل اللجنة بشهر من تاريخ اول اجتماع لها على ان ترفع اللجنة تقريرها للوزير متضمنا كافة التوصيات اللازمة بشأن الآلية الجديدة لإرسال حالات العقم للعلاج بالخارج تمهيدا لإصدار قرار وزاري بها.



تاريخ النشر 26/06/2009






الحين شنو والله مافهمنا







​

 

[اشتاق الى الجنة]

اختي الله يهداج ويرزقج

موضوع المخصصات خلاص تم واوكي وان شاء الله راح تصرف الاسبوع الجاي

وبالنسبة للخبر اللي بالجريدة اهم يقصدون انهم بيتفقون مع الخاص عشان بدال ما يصير الضغط على الحكومة فيوزعون المرضى ما بينهم وبين الخاص وآليات ثانية اما المخصصا فحتمت خلاص

لا تحاتين وحدة من اهلي بتروح الاسبوع الجاي بلجيكا دقو عليها العلاج بالخارج وقالولها لا تحجزين خلاص بنحجزلكم الاسبوع الجاي على الكويتية لان خلاص تمت الموافقة على المخصصات

you anderstand???

 

[ام يوسف القمر]

مشكورة حبيبتي مس عسى ربي يرزقج بالتؤام
يعني على الانجليزي رحتى لندن وقمتي تبدعين انجليزي :؟))

 

[ام يوسف القمر]

اي صج غريبة هذي اللي تصيرلج العلاج بالخارج كلش مايدقون حتى وحدة قالتلي تقول واين نلحق
على العموم براجعهم وطالع

 

[النسره]

الف مبروك للكل وربى النفسيه صارت فوق الممتاز بعد القرار هذا عسى ربى يرزقه ويوفقه اللى احط القرار هذا ،،،،،،،،،،،،،،،،،،، الف الف الف الف الف مبرووووووك للكل

 

[ام يوسف القمر]

النسرة عسى دوم يارب النفسية ممتازة

وعسى ربي يرزقنا يارب

 

[ريحانة الورد]

السلام عليكم
انا اليوم بنفسي رحت وقالوا للحين
ماارسلوا لنا اي ورقة علشان نعتمد المخصصات
وااللة العظيـــــــــــــــــــــــــــــــــــــــــــــــم
وقالي آخر الاسبوع او الاسبوع الجاي تتضح الصوره
وسالت اذا داقين على احد قال (لا) ولا حالة دقينا عليها بخصوص المخصصات
واللة يسهل لنا وتمشي امورنا

 

[ام يوسف القمر]

السلام عليكم
انا اليوم بنفسي رحت وقالوا للحين
ماارسلوا لنا اي ورقة علشان نعتمد المخصصات
وااللة العظيـــــــــــــــــــــــــــــــــــــــــــــــم
وقالي آخر الاسبوع او الاسبوع الجاي تتضح الصوره
وسالت اذا داقين على احد قال (لا) ولا حالة دقينا عليها بخصوص المخصصات
واللة يسهل لنا وتمشي امورنا

هلالا ريحانة انا رحت امس ماكو شيء
ورحت اليوم نفس الكلام قالولي لايكون شفتج على العموم يلا يارب يعجلون علية ان شالله باجر بعد بروح ان شالله بسال بغثهم

 

[بنت السلف]

الف مبروك لنا ولكم

وعسى الله لا يحرمنا ويايكم من الذرية الصالحة خلقا وخلقا

 

[ام يوسف القمر]

هلا بنت السلف هلا ببلجيكية هلا والله

 

[بنت السلف]

هلا فيج يالحلوة

شخبار المنتدى معاكم

 

[ام يوسف القمر]

والله فاقدينكم انتي واسول وصار صخة المنتدى قبل مواضيع بلجيكا مليانة الحين ماكو دوانية

 

[ام يوسف القمر]

انتي شلونج واشلون اسيل وشخباركم برد ولا حر اهناك وشلون البنات ان شالله اموركم كلها خير

 

[بنت السلف]

عساج ما تفقدين غاليج


لازم يصير صخة علشان تعرفون تنامون وافتكيتوا من ازعاجنا هههههههههههه

 

[ام يوسف القمر]

لالا والله مانفتك بعكس والله فاقدتكم وشخبار زوجة حبيبي اتشوفينها لانة غطت وعسى خير ان شالله

وماتبون شي من الكويت ترا ادزة لج عادي والله


صج لقيتي شقة ولالاا


اول مايتي واين سكنتي نسيت شلون فندقكم والشقة سهالة ولا حوسة

 

[foozia_87]

الله يعين وانا اليوم رحة لهم وهم قالوا نفس الكلام ما اكووو لا حس ولا خبر
خل نشوف لي باجر والله يسهل

 

[ام يوسف القمر]

ان شالله بروح باجر فوزية وباسال وبشوف ان شالله خير وينزل القرار يارب
بارك الله فيكم بنات بلغونا اول باول

 

[بنت السلف]

لا والله ما اشوفها


والحمد لله شقتي مرتاحه فيها

 

[ام يوسف القمر]

الحمدلله يابنت السلف الله يسهل عليج وعلى كل البنات ووفقكم يارب ويرزقكم بالتؤم

 

[بنت السلف]

الله يجزاج خير