الحياة كانت احلى واحنا صغار

[الرياش]

وااااااااااااااي عجبتني ذكرياتكم وذكرتوني بالي مضى
ضحكتيني وايد أبله ........... انتي أكيد مواليد أول السبعينات لأني مواليد أخر السبعينات وفي أشياء قلتيها ما لحقت عليها

 

[Spoildish]

اي والله ونااسه واحنا صغار
يوم الجمعه كلنا نتيمع في بيت يدتي من الظهر ليي بليل
بعد الغدا تلعب الحوش كره ولا غميضه مالنا شغل حر ولا برد واحلاشي وحنا نلعب نسمع صوب البرد ينادي برييييييييييد عاد كلنا نركظ داخل نبي 100 فلس عشان نشتري برد و طبعا مو اي احد يشتري برد بو150 فلس الي كان برد ذهب لول
والمغرب يدتي تنادينا دااخل لانه موزين نلعب المغرب وندش داخل نطالع تلفزيون عالصامت لانه خالاتي يصلون ومحد يتجرأ يطول عليه ليمن يخلصون يحليلنا :ggdw:

 

[النهج الاسمى]

اي اذكر واحنا بالهده من المدرسه نرد مشي مع بنات جيرانا

ونمر المخبز على طريجنا وناخذ خبزة زعتر وعصير سانكيست ههههههههه
وبعد نروح البر مع العايله كلها ونتمشى احنا البنات وعانا مسجله صغيره ونشغل اغاني ونرقص عليها

بس اهم شي نبيل شعيل واغنيه>>ايدي بيدك ياحبيبي من الفجر حتى المغيبي ياشمس ياشمس لالالا تغيبي>>>ولازم طق الرقبه لووووول

 

[اسوووره]

اه انا ما ابي اتذكر نفس الشي هم بهم

ليش يا حبيبتي ترى ربج ما ينسى عبيده

والله ردج عور قلبي :0bee2e8d89:

 

[لاتينيـه]

احلى حيآة واحلى عمر
طفولتي حلوه حلوه حلوه وعشتهآ بالطول والعرض خخخخ
يريت ترد لو يوم بس

 

[موت وميلاد]

عيل انا عندي الحين احلى ايام عمري

طفولتي ومراهقتي كلها ماسي

الحمدلله على كل حال

 

[y7lok_7loho]

عاد انا احب الماضى حيل وتخنقنى العبرة ع الايام الحلوة واشتاق لهااا ليتهااا ترد يوم واااحد

ليتى الايام ترد واقعد مع جدى الله يرحمة

وليت الايام ترد واشوف بنات المدرسة الابتدائ والمتوسط والثانوى

وليت الايام ترد واركب باص المدرسة هههههههههههه يهزنا هز هههههههه

وليت الايام تجى ونرد ورعان مرة ثانية هههههههههههههههه

 

[د.شريفة]

الله ياحلوها من ايام والله صج صج احلى ايام ايام الطفووووله اللي عشناها ياسلام
وين اول وووين الحين مسؤوليه وتعب وتفكير وحياة يبيلها جهد كبير فعلا سبحانه وتعالى قال وخلقنا الانسان في كبد ) يعني في مشقه

اول ننام متى مانبي ونقعد متى مانبي ... غرامي الببايات ... ولعب القواري ايديده الله يرحمها تقولي موزين انتي بنيه فاحشه على هالقاري وطردي مع المصبنه ههههه وين اول وين الحين
كنا نلعب بالسكه مع اليهال بنات وصبيان وناسه والا الحين حتى لو بو خمس سنين نخاف منه على البنت

كان ابوي الله يخليه لنا كل يوم اربعاء يطلعنا ويمشينا من اول خط البحر لي اخره ويردنا شارع المطاعم مطعم الديوان عقبها برد فارس وااااااااااااااااو عقب كلنا واحد واحد مشكور يبااا مشكووور يبااااااااااا مشكور يبااااااااااااااااا قمة الطلعه والوناسه


ولالالا اذا صار العيد قبلها بالليل ملابسنا مزهبه النفنوف والشباصه او التاج والحمره والدلاغ والجنطه كل شي زاهب والحنه بالايد طول الليل نقوم الصبح الاصابع معفسه متعرفطه ههههههههههههههههه


وبس يصير الليل من اول ايام العيد طيران نحن والاطفال او العاب السالميه اللي الحين يم مارك سبنسر ظل منهم اثنين اول سطره شكثرهم ونشتري ذيج الالعاب اللي يسووون الدنيا مو الحين
عيالنا كل يوم وترك لعبه

ومالها قيمه عندهم

لي يومكم عمري 30 سنه عندي العابي يوم انا صغيره يلعبون فيهم عيالي


اااااااااااااااااااااااااااااااااه يازمن


جانزين لحد الحين انا ياهل ولا ادري وين الله قاطني العب واستانس لا مسؤوووليه ولا بطيخ ولا حساب ولا عقاب

الحمدلله والشكر كنت انطر متى اكبر وابلغ واصير مراه واتزوج الحمدلله والشكر ههههههه

 

[غريبه بلا وطن]

ايام الطفوله رمزلأجمل الذكريات..كانت بسيطه وصافيه ومافيها هم ولا مسؤوليه..كانت البراءه بكل ماتعنيه الكلمه..كانت صدق ونقاء.
أختي قطوه ورديه تسلمي عالموضوع الدافئ بأحلى الذكريااااااااااااااااااات.

 

[قطوه ورديه]

مشكورين بنات ذكرياتكم اتونس ههههههه

اتذكر لمن كنت امشي على سور المسيد اللي يم بيت باباعود وطحت ومن بعدها تبت هههههه

اتذكر لمن كنت امجع شعر صديقتي بالابتدائي لووووول مسكينه البنت ملت من كثر ما مجعتها

واي بنات انا حزينه لاني مااتيذكر طفولتي وايد اشياء ناسيتها