الحياة الثانية second life لعبة غريبة تعرفوونها بصرااحه شدتني

[جوزائيه مغروره]

والله مو فاهمه منها شي

بس قاعده احاول :ggdw:

 

[كويتيه مزيونه....]

يو هاذي اللي اخوي ينني فيها واهو يسولف عنها ويقولي لعبيها بس انا ما ابي لووووووول

 

[منانا]

جان عرفتي من اخوووج شلون نلعبها الله يهدااج يالله سأليه وردييلنا خبر نااطرينج

 

[بسبوووسه]

واي هاللعبه من السنه اللي فاتت انا وبنت خالتي اشتركنا فيها

انا يومين و ضعت بالطوشه اهياا ماشالله خبره وتخصص هاللعبه وخاصه هاللعبه تحتاج لغه انجليزيه علشان تمشين حالج ولا ضعتي

 

[TuTTi^FruTTi]

لووووووول انا توني داشه فيها اول يوم ضايعه والناس يسوولفوون معاي وحااله لين مالقيت لي ناس كويتيين وعرب يعلمووني ويعدلوون شكلي ويعطووني ملابس ويعلمووني لوول صرت شويه اعرفلها

 

[منانا]

انا ابي اتعلم قولولي شسوي ؟؟؟


الي اعرفه لي الحين اني ادش بس عقب ما عرف شي والاشيااء الي فوق التوولز ومادري شنو ما عرفتلهم

 

[أعترفلك]

اشلون انزلها فتحت الموقع ولا ادري وين الداونلود

 

[أعترفلك]

منانا علميني

 

[TuTTi^FruTTi]

بس بنات ديروا بالكم ترى اللعبه طريقتها نفس الجات يعني تقدرين تتكلمين مع كل الناس يعني الناس اللي قابله للانحراف لاتدش والله كلمتي صبي كبير كويتي قاعد ينصحني يقوول ديري بالج وجذي لان بهاللعبه تلبسين اللي تبين تسوين اللي تبين كل شي يصير تسوين

والحين بقوولكم اللي تعلمته ::

اماكن يتيمعوون فيها العرب اسمها gulf city

تروحين تحت مكتووب search

وتكتبين بالسيرج اي مكان تبين تروحين له سواء سوق ولا مطعم ولا مدينه ولا وظيفه ولا اي شي ثاني واللي تبيني اوديها اماكن واعطيها ملابس تعطيني نكها اضيفها بالفرندز وسهالات ترى

 

[منانا]

انا اول شي دخلت قوقل وحطيت SECOND LIFE وطلعتلي سايتات وايد دخلت اول وااحد اهو الرئيسي وتحته في الاقسام الفرعيه من ضمنها الداون لود :: وهذا الرابط مال تنزيل اللعبة سوي داون لود وعقب SAVE وبعدينRUN

http://secondlife.com/support/downloads.php
المربع الاصفر


miss17
توقيعج مسويلنا زحمه بالموضووع والشااارع فاضي هههه

ومعاج حق مس الي تعرف روحها ان فيها قابلية انها ما تنجرف ورا الجات وهالسوالف تستفيد من هالتكنولوجيا بس الي تعرف انها ما تقدر تقااوم لا تلعبها احسن نصييحه مني بليييييييز ان انا اعرف ان الي يمشي ورا هالسوالف صعب يهدها وكلنا كبااار ونفهم وعارفين كل شي

وهذا السايت الرئيسي ::: http://secondlife.com/

 

[لبيه]

حبوبات من سوالفكم عن اللعبه تشوقت واشتركت فيها على طول بس كل ما بغيت اسوي شي والا اشتري مواد يقولي حطي رقم الكريدت كارد شلون يعني فيدوني بليز

 

[منانا]

احم احم ودي افييدج بس انا لي الحيين مو عارفتلها

 

[خليج***]

لقيت صور عن اللعبة

انا قبل اشتركت باللعبة حيل شبها بس حسيته كانه شات وبصراحة مليت منه بسرعة وطلعت,,
اللعبة اللي صح تونس
اهيا
the sims2
مو شات مع الناس لا انتي تسوين اوادم وتتحكمين بعيشتهم ......الخ
اللعبة عبارة عن سي دي تقدرون تشترونه من محلات الكمبيوتر
وتشغلينه بجهازج الكمبيوتر
وتلعبينه بدون انترنت عادي

 

[بسبوووسه]

بنااااااااااااااااات منو اللي بالضبط داشه اللعبه علشان نتصادف هناك ونلعب مع بعض ونساعد بعض

 

[أعترفلك]

بنات انا سجلت بس انا اهناك خفيه بدون جسم



اشلون اصير بجسم ووين العرب كلهم اجانب مافهمت شي

 

[moony77]

يله انا سجلت خل نجرب

 

[غنج اهلها]

تونس ياسلام

والله نفسي اعرفها والعبها بس لغة عندي اشبة بالصفر

 

[بسبوووسه]

لوووووووووووووووووووووووووووول
العمووم ضايع باللعبه

يابناات كل وحده تكتب نكها هناك علشان نضيف بعض لانتوهق

انا

kitty chou

 

[بسبوووسه]

kitty chau هذاالصح يلا بناات خن نضيف بعض

 

[moony77]

انا اسمي moony melody
حدي ضايعة