الحياة الثانية second life لعبة غريبة تعرفوونها بصرااحه شدتني

[JaDeL]

تعالو بمنطقة السعودية

 

[الحلوة محد يردها]

بنات بليز أبي أي وحده تساعدني

 

[JaDeL]

شنو تبين تعرفينه بالضبط؟

 

[JaDeL]

انتي الحين وينج باي مكان؟

 

[الحلوة محد يردها]

الحين أنا صايرة شبح شنو أسوي

 

[JaDeL]

سوي كلك يمين على صورتج تتبطلج دائرة اضغطي كلمة appearance راح تبينين اوكي؟

 

[JaDeL]

قوليلي شنو يسير معاج اول باول ؟

 

[بسبوووسه]

هااي بناات شلوونكم


ترا انا موجوده هناك و ماعندي الا وحده بس ضايفتني

ضيفوني
kitty chau
هذا اسمي



يلاااااااااااااااااااااااااااااااااااااااااااااااااااااااااااااااااااااااا

انا ناطرتكم

تراحدي خفيفه اللي يدزلي دعوه علطول اوافق خخخخ

 

[JaDeL]

واي الملابس اللي تهبل غالية

 

[الحلوة محد يردها]

الحمد الله طلعت صورتي
انزين أنا الحين محكورة في مكان ما أعرفه و ما فيه ناس شنو أسوي

 

[JaDeL]

دشي على search عند places واكتبي gulf city

 

[JaDeL]

عطيني نكج بدزلج دعوة عشان تجين لمكاني

 

[منانا]

بنات شلونكم
انا توني داخلة منطقة الخليج ما لقيت احد كلش
وصلتلي دعوة زواج من مصر عرسهم اليوم الساعة 8 ؟؟
شكلي بروح بس ما عندي نفنوف عرس ؟؟:dddds:
لابسه هالجينز وخايفة اروح ابدله ما اعرف البس شي مرة ثانية ، ودي اتعلم اكثر واصير فنانة :krkrkr:
يلا كل طقة بتعلوووووومه ​

امووت عالعروووس بروووح



ذاك اليوم دزولي دعوة حق ناايت كلوب كله عرب حاولت ارقص وياااهم ما عرفت اهز هههههه منو تعرف شلون نسوي حركاات باجساامنا؟؟؟ يمكن اذا رقصت وااايد اضعف هههخهخخخ

 

[TuTTi^FruTTi]

ها بنات بشروا شلوونكم مع اللعبه منو شابك الحين

 

[MassComm]

شكلها يونس

 

[hadeel33]

بنات ويييييييييينكم ؟؟
ليش ما في تفاعل مع الموضوووووووووووووووووووع
بقولكم اخباري : لقيت وحدة نسيت النك نيم مالها ؟؟ قلتلها ابي ابني بيت ==> حدي راهيه خنعرف البس اول :dddds:
المهم ودتني معاها جزيرة وعلمتني شوي بنيت الخشب الأرضي والطوف بس وتعبت مني حدي عليمية ؟؟وخلتني وراحت بس والله ما قصرت معاي وطبعا املكم اعرف اكمل البيت بروحي :0bee2e8d89:

المهم تعبت ورديت جلف سيتي ونسيت احفظ الجزيرة لانها اهي اللي نقلتني وضاع ضاع ضاع بيتييييييييييييييييييييييي
:0bee2e8d89::0bee2e8d89::0bee2e8d89:

المضحك انه انا طول العبة من قمت البس وابدل والبس وابدل وطبعا مليت مااعرف ؟؟؟ وانا ما كنت ادري عن نفسي كنت ماشية بجوتي واحد فقط والريل الثانية حافية :ggdw: وناااااسة ؟؟ اشوف الناس تضحك علي ، صراحة انا مييييييح بالعبة حدي افشل ،،،

هذي اخباري وانتو شاخباركم ؟؟؟؟؟؟؟؟؟​

 

[qa6wa_q8]

هاااي بنات كل عام وانتوو بخير
انا نزلت اللعبه بس اشلون احطلي باسورد ونك نييم وين بلضط

 

[منانا]

مس 17 -------- هديل


صارلي يومين مو داشه اللعبه لاني ابي ادش وانا فااضيه علشاان افتر على رااحتي بس امس بالليل دشيت بعد شوي وطلعت اخترعت كله شعارات عن غزة وناس ماسكين رشاشات علبااالي حرب اخترعت وقعدت بكرسي اطاالع من بعيييد لبسي ما يساااعد اني احاارب هههه
\


قطوة الكويت


مادري قبل وعقب لا تنزلين الصفحه تطلعلج صفحة تحطين اليوزر نيم الاول من عندج والثاني اسم ىالعايله تختارينه مناللسته وتحطين باسوورد يمكن عقب ما تسوين سيف ورن

اذا وحده من البناات تعرف تحط صور توضيحيه لعملية التسجيل اكوون شاكرتلها

 

[JaDeL]

حبيبتي قطوة الكويت عشان يكون لج نك نيم لازم تسوين لج حساب نفس طريقة الايميل آنا الحين بشوفلي طريقة تعليمية لكم واحطها لكم هني اوكي

 

[JaDeL]

شووفو حبايبي ركزوا معاي اول شي عشان تسوون لكم حساب باللعبة تدشون على هالموقع


http://secondlife.com/


ماشي بعدين تلقون نفس السهم العريض لونه برتقالي والكلام باللون الابيض مكتوب عليه

get started free download

تضغطون عليه

ماشي


اول اختيار مكتوب فيهChoose a starting look وتلقون فيها صور اهني تختارون وحده من الصور اللي تبونها وهذي راح تكون شكلكم باللعبه بس طبعا لما تلعبون باللعبه تقدرون بعدين تغيرون شكلكم

ثاني اختيار great a first name هني تحطون اي ن نيم تبونه اسمكم او اي نك عاجبكم وكل شي يا بنات بالانجليزي اوكي



ثالث اختيار Select a Last Name طبعا تلقون يمه نفس المستطيل بالازرق مكتوب عليه get a vailable last names
هني يا بنات تضغطون على هالمربع الازرق واهم حاطيلكم اسماء عوايل واجد بالانجليزي اختارو اسم العايله اللي يعجبكم



رابع اختيار email address تحطون ايميلكم



خامس اختيار confirm email address هني تعيدون تكتبون ايميلكم


سادس اختيار I live in هني تحطون دولتكم


سابع اختيار I was born مواليدكم


ثامن اختيار real life first name اسمكم الاول

تاسع اختيار real life last name اسمكم الاخير


عاشر اختيار I am هني تحطون female اكيد


الاختيار 11 تحطون باسوورد


الاختيار 12 تعيدون تكتبون الباسوورد


الاختيار 13 تختارون سؤال من بين هالاسئلة


الاختيار 14 تكتبون الجواب مال السؤال

الاختيار 15 تكتبون الكلام اللي موجود بالمربع الابيض اللي تحت


لما تخلصون


Terms of Service تحطون صح بالمربع الصغير اللي يم هالكلمة


بعدين تضغطون عل المربع الازرق create account


بعدين راح يدزون لكم ايميل ترى نفس طريقة المنتديات تبطلون الايميل يكتبون لك ان هذا اسمكم ويكتبون لكم عشان تفعلون الحساب لازم تضغطون على هالرابط تضغطون عليه وتفعلونه بعدين


بنفس الصفحة اللي بطلتوها مالت تفعيل الحساب


في كلمة download and install


تضغطون عليها ومن هني تحملون البرنامج