الحواي (الحواج) فيه بلاوي شاركينا المناقشه

[whitish]

روعة الموضوع ويعطيكم العافية بنات علي نشر خبراتكم لتعم الفايدة

وحبيت اسأل اللي عندها فكرة ما فائدة الجلدبوال ؟

 

[زهرة الكويت]

راح أحط لكم كم شغله مع طريقة إستخدامها
أول شئ الحلبة وأنصحكم بالحلبه النجدية مو الهندية ولا المصرية شوفي حواج زين لا يغشكم للي مايعرفون الحلبه
الحلبة :لنزول الدورة والقضاء على الألم المصاحب لها تشرب كوب من الحلبة المغلية جيدا وتحلى بالعسل وذلك كل صباح ومساء
وللمتزوجات فقط استخدميها للتشطف راح تنشف وتشد الرحم يمكن إستخدامها دش عارفين طريقته بس بعد ما تخلصين من الدورة اليوم الأخير وشوفي الفرق

 

[زهرة الكويت]

الكراويه
تستعمل بذور الكراوية على نطاق واسع لعلاج غازات البطن ةللتعاني من الإمساك حيث يؤخذ ملء ملعقة صغيرة ويضاف الى ملء كوب من الماء المغلي وتترك لمدة خمس دقائق ثم يصفى وتشرب مرة او مرتين في اليوم.
وتستخدم للأطفال والمغص حلوة حيل

 

[زهرة الكويت]

الأذخر
والله العظيم أنصح فيه كل وحدة يعورها راسها صداع عوار بالعيون إخذي منه وهو عبارة عن غصون هشة يابسة يعرفها الحواج وحطيها بماي مغلي وغطي راسج بغطاء وتبخريها بالوجه ديري بالج من الماي المغلي خلى بخار الماي على وجهك وأذونك لين يخلص البخار عشر دقائق ونشفي وجهك من الماء اللي عليه تلحفي ونامي لا تتعرضين للهواء مدة ساعه وبعدها شوفي نفسك راح العوار حتى النظر راح يصفا معاج والله عن تجربه صج علاج للصداع عجيب
لا تنسونا بالدعاء الصالح

 

[أحب الخير]

ما شالله زهرة الكويت بدعتي يزاج الله خير

 

[زهرة الكويت]

الليمون الأسود
الليمون الأسود المطحون مع كمية قليلة من الماء لعلاج الغثيان واللوعه وبعض آلام البطن من تخمه وعسر هضم
طبعا تغلينه وتشربينه من غير ولا إضافات بس وشوفي شلون تروح اللوعه والغثة عنك وطعمه حلو حموضه يسمونه شاي لومي أعتقد أكثركم يعرفة
بس حبيت أحط لكم جم شغله من الأمور والحوايج اللي ناخذها من الحواج وشلون تستخدمينها للي ماعندها خبرة ونطروني بعد بطلع لكم كم شغله تفيدكم
تحياتي

 

[احبج يا الكويت]

يعطيكم الف عافيه عاد انا اموت بهالسوالف بنات محد فيكم يعرف اي شي عند الحواي يعالج مسمار اللحم




وفي اعشاب ترفع الرحم اذا كان نازل وشلون الوحده تعرف اذا رحمها نازل ولا لأ؟؟؟

 

[غير كل الناس]

نفعني ايام الكحه بغي يوقف قلبي ولله الحمد اخذت من الحواج ورق الجوافه وسويته شاهي وشربته 3 ايام وارتحت

 

[أحب الخير]

مشكوره زهرة الكويت و غير كل الناس
و أختي عالية إن شاللله البنات يفيدونج

 

[عنب أحمر]

اللي تعاني من الإمساك تشتري الشيح من العطار ملين للمعده
واللي تبخر فيه البيت يطرد الحشرات والناموس

 

[أحب الخير]

معلومه وااايد حللوه عنب أحمر

 

[بنت العديليه الشقرديه]

اللله خووووووووش موضوووووع اينن ....... لا يوقف

نصحوني اي حوااي اروووح ؟؟؟؟؟ مو عاجبيني لا الفيحا ولا العديليه ابي شي ثاني

 

[غير كل الناس]

البلاوي في حواج الصبوحه

 

[الجووورى]

الكثيره يالغوالى يا انك تجيبينها منقوعه خالصه او ناشفه وتنقعيها بشويه ماى
تنحط للشعر بروحها او انك تضفين معاها زيوت تطول الشعر وتنعمه

 

[الجووورى]

حبيبااااااااتى وهم فى كركم الجسم والسفيد اب وصابون الكركم وصابونه البابايا والبابونج

 

[الجووورى]

وهاذى طريقه للدوره جربوها وادعولى
المقادير :

- 3 فناجيل قهوه ممسوحه ملح فارسي مطحون
- 3 ملعقه كبيره ونص مره مطحونه
- 3 ملعقه كبيره محلب مطحون
- من 3 ونص الى 4 ملاعق كبيره عسل نحل طبيعي ( لازم طبيعي مو من السوبر ماركت ) لان الصناعي فيه سكر والسكر يخرب المره

ملاحظه : ممكن تخلين مقدار المره 4 ملاعق كبيره والمحلب 2 ونص ملعقة كبيره محلب بيكون افضل لاني المره الجايه بقلل نسبة المحلب

الطريقة :

1- نغسل المره ونتركها في مصفاة وبعدين نحطها في صحن ونخليها تنشف وبعدين نطحنها
2- نغسل المحلب بنفس طريقة المره ونطحنه
3-نغسل الملح الفارسي ونتركه في مصفاة لين ينشف ( اذا مانشف ننشفه بحذر بكلنكس ) بعدين نكسره بالهاون الحديد الى قطع صغيره وبعدين نطحنه ناعم
4- نغسل الايد عدل عشان ماتتلوث التحاميل او ممكن نستعمل القفازات النايلون بعد مانغسلهم طبعا ( لان ريحة المره على الايد ماتروح بسهوله ) او ممكن نستعمل الملعقة بالتحريك
4- في صحن عميق نحط المره والمحلب والملح ونضيف 3 ملاعق عسل ونحرك وبعدين نضيف الملعقه الرابعه تدريجيا ( يمكن يكفي 3 ملاعق ونص او 4 ) المهم تحسين ان الخلطه صارت ثقيله وماتلزق ( بالنسبه لي انا ضفت 4 ملاعق عسل ) ونخلطهم عدل
5- نبلل سبابة الايد اليمين بشوية ماي ( موتكثرين ) وتاخذين كثر حبة النوى وتسوينهم نفس حبة النوى بس لاتسوين اطرافها حاده وصفيها في صحن كبير مغسول عدل من الصابون ومنشف من الماي
6- حطيهم في مكان فيه تيار هوا لمدة يومين وشمس او لين ينشفون وطبعا لازم تغطينهم بمشخاله كبيره او خام تورعشان الحشرات وممكن تحطينهم في غرفه عن الدريشه والشمس وتشغلين المروحه على العالي
7- بعدين حطيهم بعلبه زجاجيه وحطينهم بالثلاجه اذا كان الجو حار بس اذا كان شتا خليهم بره وعلى فكره التحاميل ماتخترب اذا حافظتي عليهم

 

[الجووورى]

فااااااااااصل ونواصل كل ما اتذكر بحطلكم

 

[ما حلاتي]

شو يخلي الدورة تنزل بكميات طبيعية انا صار لي كم من شهر تنزل خفيفة ومش متزوجة

 

[أحب الخير]

و منكم نستفيد
ما حلاتي إن شالله البنات يفيدونج

 

[ظلال القرآن]

ديرو بالكم من تحاميل الحواج اخذو تحاميل طبيه معقمه نظيفه بدل هالبلاوي