الحوامل اللي دشوا التاسع حياكم نسولف

[Roty]

ام عبدالله منورة حياج الله ويانا والله يقومج بالسلامه

 

[eye shadow]

رد : الحوامل اللي دشوا التاسع حياكم نسولف

بنات ودي اشوف تجهيزاتكم:eh_s(7):

 

[ألــمــاسه]

بليــــــــززززز بنات صوتوا حق سارونه المزيونه


رقـم 10



لا تقولون مالنا خلق ندش ثواني وتطلعون



هذا رابط الموضوع


http://www.q8yat.com/showthread.php?t=820964



ناطرينكم بالتصووووووووووويت

 

[Roty]

صباح الخير ياحلوين

كل عام وانتوا بخير يا احلا امهات

طمنوني عنكم انا ليلحين ماولدت ناطره كتبة ربي

 

[ارو وكندر]

ياساده يا كرام صلوا على خير الانام
رزقت بمولوده ولله الحمد والمنه
ابشركم ارو وكندر اولدت امس وجابت بنت الله يخليها لها والفال لكم
حبيت ابشركم واطمنكم اهي موصيتني
بس مسكينه ولادتها استمرت ١٢ ساعه وتعبانه ادخلت الفير واولدت ٢ وعشرالظهر
اولدت بالامومه

 

[Roty]

ياحياتي ارو وكندر الف الحمدالله علا سلامتج مبروك البنوته ان شالله تكون من الذريه الصالحه

 

[(قمر الزمان)]

الحمدلله على سلااااااااااامتهااااا


اليوم موعدي كنت بروح الصبح بس زوجي راد من الدوام تعبان والعصر بعدشوي بروح ان شاءالله

يارب فيني ولاده

احس مليت وتعبت و نفسيتي تعبانه وغير تعب الجسم


بس امس مشيت بالافنيو مشي الحمدلله احس استانست احس حللت الايام ههههههههه

وقبلها بيوم مشيت بالبيرق وصعدت درج البيرق من الدور العادي لي دور السينما اعلى طابق اخر جم درجه خدرت رجلي تعبتني حسيت بقعد ههههههههههههه

و يلا الله كريم كل شي يبين اليوم بالمراجعه ان شاءالله ..

وموعد ولادتي 29 مارس

باجي 8 ايام ع موعدي

وعوار الرجول والحوض و نهايه الظهر طبيعي من الثقل عطوني بندول بس والله ماكليت يروح ويرد فـ ماكليت قالو وقت الالم بس وانا ما التزم بالادويه

و مادري قاعده ودي اريح شوي قبل المراجعه والله احس خلاص وصلت حدي لكن الحمدلله على كل حال الله يسهل علينا كلياتنا

ويهووووون علينا

دعواتكم لنا

وامي كل ماتشوفني احد مزعلج؟شفيج كنتي تبجين؟؟ عبالها زوجي مضيق خلقي وتبي تساعدني فديتها اليوم عيد الام.. و اقولها يمه والله جذي شكلي احس خلاص تعبانه ومالي خلق لشي

امي تحاتي حيل من ادق او اختي تدق

لان ماشاءالله تبارك الرحمن انا واختي بالتاسع وخايفه امي بس ماتبين لنا ..

يلا دعواتكم لنا كلياتنا

والله مادري شقول بعد ودي افضفض المشكله كلنا مثل المشكله نبي نفضفض ونريح روحنا

يقولون من يطلع البيبي منج تحسين براحه نفسيه ..


بنات احس ان طول عمري شكلي كبير

لما اشوف روحي بالصور قبل الحمل احس هذا حلم واحس مراح ارد مثل قبل استغفرالله احس شكلي بيصير مره كبيره ام عياااااااال و شكبري

اختي الثانيه يوم شافت صورتي تقول لالا ماقدر ابي ابجي ولا تقول لها مرت اخوي انتي شكو تبجين (قمر) اللي تبجي

تقول شكلج غييييييير مالي شغل تردين مثل قبل

هههههههههههههه اللي يشوفني جني مسويه تفخ لخدودي وشوي شفايفي و (خشمي) بس مرات زين مو زين ابي الخدود مرات ومرات ودي اعيش حياتي قبل

وااااااي قمت اخرف لاتلوموووووووووووووووووووووووونيييييييييييييييييييييييييييييييييييييييييييييي وصلت حدي :"( تعبانه شوي ودي افضفض

 

[اطياب طيبه.أم عبدالله]

الف الحمد لله على سلامة ارو كندور

والفال لنا كلنا يارب

 

[big heart]

الحمد لله على سلامة ارو كندور

 

[Roty]

قمووور خرفتي حبيبتي مابقا شي ماقلتيه تغطين وتيين تقولين كل شي

يلا هانت ذكري الله وصح بس تولدين بترتاحين بس وراج مشوار الامومه

وين ثريا ومس وام عزوز والباجي وييينكم ليكون ولدتوا وخليتوني بروحي

 

[Roty]

توته بعد وينج ؟؟؟

 

[Roty]

دريييييم وينج بنات ولدت ولا لا ليكون انا ناسيه؟؟؟

 

[توته ورديه]

روتي انا كاني اليوم حاشني عوار مو طبيعي الله يستر

الف الحمدلله على سلامة ارو وكندر والله يجعله من الذريه الصالحه

الا وين مس جنها مختفيه شكلها راحت تولد روتي فشله كل الناس ولدو الا احنا

بنكمل سنه مثل الفيله ههههههههه

 

[Roty]

هههههه اي والله توته حلوة فيله

مصخناها بعد شوي بشرب دارسين

 

[حبيبي عبووودي]

هاي بنات الله يسهل عليكم انا باقيلي 12 يوم وادش التاسع ومن الحين
ودي اولد تعبت الله يعينكم انتوا اخر التاسع وليلحين ماولدتوا
بسالكم بنات جم اوزان بيبياتكم انا الحين بالاسبوع ال34 ووزن بنزتي كيلوين احس شويه ياربي عادي طمنوني

 

[راحيل العبدلي]

كاااااك للحين ماولدتي
ههههه يا رب ما يتم هالاسبوع الا و روتي والده
بنات امبييييه كرشتي صايره زيبرا

و للحين ماشربت لا دارسين ولا مشيت
الله يستر
احس بعوار خفيف بنهاية الظهر

 

[Roty]

حبيبه عبود عادي بعدين بيزيد بسرعه لا تستعيلين

راحيل جنج تتطنزين علا هالضحكه الله يسامحج بروحي موناقصه وتعبانه
وانتي باقيلج ١٦ يوم الله يعينج وترا لازم تمشين

وباجر راح اولد انا وتوته ومس وقمووور وبنحركم ونترك هالتجمع نروح نسوي تجمع نفاس ان شالله

 

[Roty]

راحيل ياويلج

حاطه وضوع كذا طريقه لتسهيل الولاده وانتي ماسويتي ولاااا شي لامشيتي ولادارسين هههههه

 

[راحيل العبدلي]

هههههه يا عمري و الله ما اطنز
من قلبي ادعيلج
ايييه للحين ماسويت منهم بس الدارسين
احطه مع طبخي لي طبخت الغدا

 

[eternal^moments]

صباااح الخير

آآآرووو الحمد لله على سلااااااااااااااامتك وتتربى بعزك إن شاء الله والله يعينك على النفاس

توته الظاهر زوجك مثل زوجي متى ماطرت بباله مشششاني .. بس هالاسبوعين حتى هو متحمس تشوفينه كل شوووي يقووول يالله متى تولدين ماكأنك طولتي

احيانا تطري عليه يمشيني بنص الليل بس انا احب الوقت يكون بعد المغرب احسن وبعدين الحين الجووو تغير مايصلح المشي الا بالليل

ياحليلكم توته و روتي والله انكم ضعاااااف حيييييييييييل مقارنه بوزني ):

قمررر الله يعينك انتي نفس حالتي احيانا ابكي ماقدر اتحمل خلاص

امس قلت لزوجي بمشي على البحر متحمسه بس ماطولت من التعب بغيت اطيح من طوووولي ماصدقت اوصل للسيارهـ عشان اجلس وارتااااااااح

تصدقون عاااد دام مواعيدنا بالمستشفى قريبه لبعض شكلناااا بنولد بنفس اليوم هههههههه