الحوامل اللي دشوا التاسع حياكم نسولف

[Roty]

قوة بنات
بط جبدي المنتدا اليوم مكتوب لبعض دقايق واهوا مسكر من صبح لي ليل

المهم انا بخير بس بنتي مسكينه فيها انفلونزا وحراره وديتها المستشفا

من خرعتي عليها ماكو لا عوار ولا طلوق

طمنوني عنكم

 

[توته ورديه]

اهلييين روتي واخيرا بطل المنتدى

لوع جبدي من امس بالليل واهوا مصكر


ماتشوف شر بنتج الحين الجو يمرض الله يعينج

انا قلت الحين بلقاج والده ههههه

مس انا مالي خلق اشرب شي بس اذا وصلت حدي

بشربلي شي يا دارسين يا خروع

 

[أنا الثريا]

انا الثريا انا ودي اسوي تخطيط بالصباح بس ريلي يقولي ماكو روحه حق الصباح
اوديج خاص لانه مايحب النطره والصباح بعيد علينا
وانا محتره كل شوي دافعين فلوس حرااام!!!!! وغالي مو هين تخطيطهم

اهلين جوكو..اذا بعيد عليكم ممكن لكن بالنسبة للزحمة انا صار لي تقريبا عشر ايام
كل يوم وترك اروح لهم القاه فاضي بس هاه من الصبح على 8 وتاخذين بحدود ساعة بالكثير
بس تدشين على الدكتور ويكتب لج على التخطيط تدشين نص ساعة التخطيط وبعدين تردين الدكتور يشوف اذا زين او لا..وبعدين مع السلامة

بس ضروري تسوينه دام الدكتورة قالت عيديه
ولاتغامرين بهالسوالف ابدا..:eh_s(4):

شوفي بالنسبة للاكل اكون متريقة حتى لو صمونه هوت دوج
مع جاي..واذا جربت على المستشفى اشرب عصير
اي نوع موشرط مانجا..وريلي يسفط شوي بعيد ونروح مشي
لان المشي يصحصح البيبي
واذا دخلت تقول لي السستر اشربي عصير
اقولها شاربة توني..احب اشرب العصير قبل فترة عشان يمديه يمتصه الطفل ويصحى
وممكن بعد ككاو

وفي شي ثاني انا مااحب انام على ظهري بالتخطيط
اول شي اختنق وبعدين البيبي مايتحرك وحتى مرة عادوا السونار,انام على احد الجوانب,,يمكن جوكو انتي مثلي
جربي قولي للسستر انا بنام على جنبي​

انا الثريا هلا والله وين الغيبه
انا اصلا زين ما ياها مني شي طلعت روحي بالفحص واتقولي
مو مفتوحه اصلا هالدكتوره انا طاقتها من قبل بولادي بولدي كانت اتوسعني
الله وكيلج جان اتييها شوته محترمه اهيا والسستر خخخخخ

ابييييييييييييييييل توته..لعبتي عليهم تكوندو

بس ماالومج :eh_s(2):​

[

 

[MissChoco]

السلام عليكم ،، شلونكم بنات؟؟


انا الثريا .. شلوونج حياتي؟؟
انا ماعندي مشكله انطر لانه حرام كل يومين بسوي تخطيط وكل شوي ينهبونه بالفلوس!! اما اذا مره مرتين لا اسري بخاص مو مشكله
بس ريلي شالي بيفهمه كله يقولي لا ومادري شنو وخنروح خاص!!
وسالفة اشرب شي من صجج!!! انا قبل لا اروح ماكلتلي ككاو وعصير منقا ماااحبه بس تغصبت عشان ابي تتحرك ولا اكو فايده ماتحركت
وخلوني بالتخطيط ساعه وربع وماكو فايده هههه بنتي ماتحرك الا بحزة النوم والصبح وعالمغرب وتالي الليل .. وامس رحت عال١ ماتحركت هههه انقهرت
بس الحمدالله تخطيطي زين بس الخركه خايفين منها شمعنه ماتحرك بعد يمكن نايمه!! وبيني وبينج كل ما اسال احد يقوبون ماسوينا الا مره تخطيط وبس
وسالفة النوم انا يرفعونلي السرير يعني جني قاعده على ظهري بس شوي نازله وربع ساعه واقلب يمين وشوي اقلب يسار يعني مو قعده وحده عرفتي

 

[ارو وكندر]

سلام شخباركم بشروني عنكم مالكن حس اليوم
ثريا وروتوا عساكم ولدتوا بالله مس غاسله ايديً منها حاستها بعدها اهي وبنوتتها اللي تتعايز تتحرك بالتخطيط اكلي كاكاو ارو وكندر شي كله كاكاو يتحرك البيبي وشربي عصير حليب بالموز او مانجا قبل التخطيط بشوي وصج بجم تسوين تخطيطج
روتوا عفيا حابه اسالج لما نزل عليج دم من بعد الفحص وايد ولا شوي انا ثلاث ايام افحص والدم ينزل علي واليوم حسيته وايد وانتي بكرامه وقت الجماع نزل بالفراش والحين احس بعوار عند خواصري ومن تحت وظهري اكثر من امس بس لو تحركت يخف شوي وبعدها بشوي يزيد عفيل هذا طلق ولا شنو ولا عادي وانا مفتوحه ٢ سانتي ونص وماني عارفه شكل الماي لو نزل يعني وايد او معاه دم عفيا طمنوني قاعده بروحي الحين واي احس كله بنام مالي خلق واتعب لو مشيت بس تو ركضت ع خفيف بس تعبت ةبجرب اتبخر بقشر بصل وكركم نفس واحه وانشالله اولد اليوم بس خايفه وقاعده ابجي ماني عارفه شي
ناطرتج روتوا
واي وحده سوت فحص ونزل دم تقولي بشوف من الفحص ولا هذي ولاده
لان امس لما نزل دم زدت نص سانتي تتوقعون فتح اكثر يارب

 

[توته ورديه]

هلا ارو انا عبالي ولدتي

بعدين انتي من صجج نزل دم و مارحتي المستشفى امبيه حدج مبدعه

اقول قومي روحي لا يزيد الدم ترى الدم اذا وايد مو زين مابي اخرعج

بس لازم اتروحين لانه شكلج قاعده تفتحين وانتي مو حاسه وطمنينه

عنج يا قلبي والله يسهل عليج

 

[MissChoco]

اهلين اروو ،،،
ههههه انا كلش ماكو شي كل يوم اقول حق ريلي باجر بولد واهوا يقولي خير ان شاءالله ههههه،، وانا فحصتني مره الدكتوره بس مانزل مني دم يمكن عشان كنت مفتوحه بس سانتي ،، والتخطيط من صجج شربت منقا وككاو سنيكرز وقعدت حول الساعه والربع ولا اكو شي انقهرت حدي ،،
والتخطيط عند دكتوري اب٢٥ نهيبه.. بس اشوه بطوارئ رويال حياة ابـ١٤ دينار احسن من دكتورتي



توته شلونج شخبارج؟؟ صج انتي متى اخر موعد جنه ٢٥ عدل!!!





بنات انا يحوشني عوار بفخوذي يمسكني حييل ويروح... شنو هذا؟؟ نفس شعور عوار الامساك حيل يمسكني يعور

 

[توته ورديه]

اهلييين مس انا الحمدلله بخير انا اخر موعد حقي 8/4 اففف بعييييد

بالنسبه حق العوار هاذي علامات ولاده يلا انشالله اتبشرينا بولادتج

والله يقومج بالسلامه يا رب

 

[MissChoco]

توته اكيد علامات ولاده؟؟؟ يعني ماله شغل عوار فخذي!!

 

[Roty]

امبييي ارو ليش تقلديني وتقعدين بالبيت انا الدم بس يوم واحد ونزل لان فحصتني ومو مفتوحه ولما نزل الظاهر فتحتني
روحي الطبيب بسرعه مايصير ينزل ٣ ايام انتي اصلا مفتوحه
طمنيني عنج

بالنسبه لي اطمنكم بنتي نزلت حرارتها بس النشله ماراحت مسكينه خشمها مسكر

مس وتوته وثريا وبطبوطه والباجي ولهت عليكم

اي ماقلتلكم فيني انفلونزا ومالي خلق اولد احس مافيني قوة ان شالله اطيب يارب *

 

[ام عزيزان3]

مساءالخير عليكم كروشات
هامنو ولدت؟؟؟ماكو اخبار يديده
روتي شخبارج حبيبتي طاف موعد ولادتج ولابعد

 

[Roty]

هلا ام عزوز لا بعدي باقيلي ٦ ايام

تعبت ام عزوز وفيني انفلونزا

ام عزوز ابي ترديد شرايج ولا اسوي مساج عند فلبينيات دامج خبره علميني

 

[MissChoco]

رووتي ماتشوف شر بنييتج الله يقومها لكم بالسلااامه يااارب

طلي على ردي الي فوق وردي على سؤالي

 

[Roty]

مس حياتي نفسي بفخوذي وخواصري وحوضي ومن تحت وبطني وظهري

تعبت مس تعبت من اخر موعد لج

صج منو بتييبين رداده

ليش محد قال منو بييب ساعدوني قاعده افكر اسوي مساج بعياده فوزيه القطان

 

[Roty]

الشر ماييج حياتي فديتج

تعبانه مافيني حيل اولد فيني انفلونزا *

 

[Roty]

توني اقرا توقيعج باقيلج ٤ ايام بدعنا اثنينا

 

[MissChoco]

روتي لا العوار يروح ويرد ماقدر اقعد افر بمكاني يعني مو عوار عادي حيل يمسكني ويروح شنو هذا؟؟

والرداده ماعرف بس يمدحون مساج عيادة مساعد السعيد احسن من الرداده

 

[ام عزيزان3]

هلا ام عزوز لا بعدي باقيلي ٦ ايام

تعبت ام عزوز وفيني انفلونزا

ام عزوز ابي ترديد شرايج ولا اسوي مساج عند فلبينيات دامج خبره علميني

هلا فيج حبيبتي
ماتشوفين شر يامعوده مووقت ولاده عيل.....اجليها لما تطيبين
بالنسبه للرداده انا ولامره جربت...الي مجربين يمدحون ان عظامج ترد مثل قبل
وانا كل ولاده اقول هالمره بجرب وماتصدقين يكون ماعندي وقت الياهل ياخذ كل وقتي واهمل روحي
والعظام مع الوقت بترد بروحها

 

[Roty]

ام عزوز علا الاقل سوي مساج الجسم يكون متكسر


مس والله مادري سالي دكتورتج دقي عليها

 

[MissChoco]

روتي اخاف طلق وانا مادري عنه ؛/