الحوامل اللي دشوا التاسع حياكم نسولف

[عيون مها]

الله يهون عليكم

 

[lolo-75]

هاى بنات شلونكم مليت ابى اولد الثقل تعبنى ما اقدر اتحرك من عوار الحوض وريولى

 

[توته ورديه]

انا ولا مره سوتلي دكتورتي تخطيط

بس انتي لا تحاتين فيه ايام اتكون حركة البيبي

خفيفه يعني مو 24 ساعه يتحرك لانه يتعب فشي طبيعي

انه يوم يتحرك وايد ويوم لا

الحين انتي لما اتسويلج التخطيط فيه نبظ صح يعني البيبي

الحمدلله مافيه الا العافيه بس اذا نبضه ضعيف مني الوحده اتشك

بس انشالله ماكو الا العافيه

 

[Roty]

بنااااات باركولي ولدت


ههههههه



لا اتغشمر قلت خل افاول يمكن اولد باجر


عاد اقولكم رحت موعد قبل شوي مو مفتوحه ولااااا سانتي جان اعصب وكنت ببجي
وبس عطتني موعد الاسبوع الياي خذيت موعد الاربعه عاد اليمعه اخلص اخر يوم من شهري

توته لا موبجر عندي بنت بس كانت قيصري

 

[MissChoco]

توته اشوه طمنتيني لانه انا ماقالتاي النبض خفيف لانه اذا النبض خفيف بتقول صح؟


روتي قايلتلج انا عليج بالمشي ترا وايد زين ليش ماتمشين!!! بكفخج لووووول
وخلي بو الشباب يشد حيله ههههههه

 

[ارو وكندر]

شوفو منو ينصح روتوا ههههه ياحليلج. يامس عاد قوليلي انتي تمشين ولا لا انا يومين مشيت ولا بعدها الريال تعب ماله خلق ويبيني اولد توه يقول للدكتور اعطيها خروع يقولها دكتور انت مالك مستعجل خلها عراحتها اي راحه انا تعبت بالليل ماانام. الا بعد اذان الفجر ومليت اقعد كسلانه ونومي الصبح متقطع
اليوم حسيت بعوار مثل عوار الدوره ولا احس ملابسي شوي فيها شي ولا القي افراز مو وايد اصفر وانتوا بكرامه وبعدها العوار راح واييي فسالت دكتوري يقولي هذا علامه وانشالله خير

 

[ارو وكندر]

شوفو منو ينصح روتوا ههههه ياحليلج. يامس عاد قوليلي انتي تمشين ولا لا انا يومين مشيت ولا بعدها الريال تعب ماله خلق ويبيني اولد توه يقول للدكتور اعطيها خروع يقولها دكتور انت مالك مستعجل خلها عراحتها اي راحه انا تعبت بالليل ماانام. الا بعد اذان الفجر ومليت اقعد كسلانه ونومي الصبح متقطع
اليوم حسيت بعوار مثل عوار الدوره ولا احس ملابسي شوي فيها شي ولا القي افراز مو وايد اصفر وانتوا بكرامه وبعدها العوار راح واييي فسالت دكتوري يقولي هذا علامه وانشالله خير

 

[توته ورديه]

عاشو ارو شكلج بتسبقينه وبتولدين هالاسبوع

عاد ما اوصيج ادعيلنا وبشرينا عنج يا عسل

روتي هههههه حسيت بشعورج لما اتقولج مو مفتوحه ولا سانتي

كان ودي اهجم عالدكتوره خخخخخ

مس شفتي ماكو الا الخير انشالله انتي اذا فكرتي بحركته وايد ما راح

يتحرك وبتضلين اتوسوسين الله يطمن قلبج يارب واتقر عينج بشوفه البيبي بين ايدج

 

[Zaina-al-zaina]

رد : الحوامل اللي دشوا التاسع حياكم نسولف

قوه بنات ،،،

انا لحد الحين ما راحت حيرتي ، لحد الحين محتاره وين بولد ،،،

راح تقولون ليش ؟؟؟

اقولكم سالفتي ،،،

انا ماحملت الا بعد سنه وشهرين تقريبا من زواجي وبعد علاج ،،،،
واحمد الله واشكره على هالشي ،،،

وصرت اراجع دار الشفا ، قالولي ان راس البيبي كبير شوي واحتمال عمليه ،،،،

واخر مراجعه قالت لي الدكتوره ان 80٪ راح تكون عمليه ،،،،

رحت الحكومه واستشرتهم قالوا لاوزن البيبي كبير ولا حجم راسه وكل شي عندج اوكي ،،،

شتنصحوني فيه لاني ابي عنايه مع الولاده ، واذا سويت العمليه لازم اقعد فتره ما احمل اقلها حسب ما عرفت 6 شهور
يعني اخذ مانع 6 شهور او اكثر ،،،،):
وانا ما ابي ، اخاف ياثر علي ،،، واتاخر مره ثانيه وادش بسوالف العلاج وتنشيط التبيويض وخلافه وانا ما ودي على هالشي ،،،

سالت عن الهادي وقالوا لي نفس الشي ،،،

وين اروح بنات ،،،؟؟؟؟ اخاف اولد بالحكومه لانهم موذاك العنايه بالوالده ،،،
واخاف اولد بالشفا ويسووون لي عمليه خصوصا وانا سامعه انهم مشهورين بالهشي ،، ):
والهادي ما يمدحونه ،،،
وباجي المستشفيات مااعرف عنها شي نهائي ،،،،

دعواتكم بنات ....
...
...
...

 

[(قمر الزمان)]

ااه شقول مانقول الا الحمدلله على حالنا

نوم اكل نت تلفزيون

وهالموال يتكرر لوووووووول


شكثر نمت وابي انام بعد..

 

[(قمر الزمان)]

زينه


الدكتور حيان الاحمد(المواساة) زين اعتقد اهو اللي دكتور بنت عمي اللي راحت له جابت عمليه عقب طبيعي


روحي له .. زين الدكتور واختي تراجع عنده

وانا اراجع عند نصر هيبه بالراشد

وفي دكتور شاطر معروف (محسن طلبه) حاليا اهو بالامومه




هالدكاتره احسن شي سمعت عنهم

 

[Roty]

توته حديييي عصبت ولا سانتي تنرفزت

اقولكم قبل شوي نزل علي دم خفت قلت ياويلي بولد كنسلت طلب مطعم قلتله بكنسل يقول طلع اقوله شوووف عندنا حاله طارئه بروح مستشفا كيفك اذا بيي ماكو احد وكنسل
وزوجي قتله وياي بطريج

دقيت عالطبيبه قالت عادي من الفحص اذا يالج عوار او ماوقف الدم روحي

ودقيت علا زوجي قتله مسكين

 

[ارو وكندر]

ههههه توت شجعتيني لاتخافين كلنا مع بعض بنولد بس الحين العوار راح لا كاهو رد بس اقدر اتحمله
روتي يعني الدم من الفحص انا قالي الدكتور لو شفتي دم تعالي ع طول
زينه روحي لمحسن طلبه بالامومه خوش دكتور حسابه ٣٠٠ والغرفه الخاصه ٣٠٠ دينار روحي استشاره عنده وشوفي تبارك الرحمن كل مراجعه اروح الاقي جم وحده والده واروح اسالهم يقولولي عند محسن طلبه وصج الله يعينج انا ماحملت الا بعد ٣ سنوات ونص من زواجي ومن جذي احاتي وخايفه حدي ويارب يسهل علينا
واي مس صج لو فكرنا بالحركه هالنونو يعاند وما يتحرك وبعدها يفاجاج بهزه هههه فديته يارب طلعها لي بالسلامه واشوفها بحظني والاعبها
ويه احس بطني يتصلب ويتحجر عادي ولا طلق اختي تقولي اذا زاد روحي خاصً وسوي تخطيط بشوف بالليل والله كريم دعواتكم

 

[Roty]

ارو اي من الفحص

زينه حياتي استخيري احسن الله يسهل عليج والله ماعندي فكره يس انشالله طبيعي

 

[MissChoco]

ارو هههههههه اي شعبااااالج انا امشي قطاعي حلوه قطاعي بشقتي هههاي بس جم مره رحت الممشى بس احسر من اول ما امشي لوووووول تسلط علي وقت المشي وعصب وارد ههههه قلت ماكوو احسن من شقتي امشي ويمي الحمام هههاي
بس ياااحلوه يالله هااانت يعني بتولدين قبلي افا سبقتيني خونتي فيني
بشوف انا الثريا بعد لا تووولد هههههه
وتعالي صج الصباح بليل طوارى مايسون تخطيط!!!



توته اي والله صاااجه انا تسلط علي ماتحرك الا بليل ولا العصاري كله نايمه

 

[ba6bo6a1]

الله يسهل عليج روتي و تبشرينا بولادتج

 

[ارو وكندر]

بنات زاد العوار عندي رحت طواري الصباح. واول مره اسوي تخطيط طلع في طلق بس الدكتور نفسيه مايتحاجا ماتقدرين تكلمينه فما فهمت منه ولا كلمه بس فحصني وطلعت 2 سانتي ولله الحمد ها لا تحسدوني الصبح بولد هههههه بس مت كثر ماني مستحيه الضغط ارتفعوالدكتور يقولي اكيد ماعندج ضغط وانا من الخوف والحيا والله. فانشالله خير قبل لا اروح المستشفي رحت مشيت علي رمل البحر وانصحكم بحر اللي فيه بيتزا هت رمله مو طبيعي يفتحج غصب هههه

 

[Roty]

صباح الخير
مبرووووك ارو عقبالي ياااارب وان شالله تولدين وتبشرينا
اشدعوا بنات ولا وحده مقيمه الموضوع

 

[miss_7sawiya]

انشااالله تولدوون بالسلامة >>> واحناا ورااكم تجمع شهر يونيو

 

[Roty]

ان شالله حساويه الله يسمع منج انا اول وحده من كثر ماحنيت ماولدت ليلحين