- إنضم
- 12 يونيو 2009
- المشاركات
- 90
- مستوى التفاعل
- 0
- النقاط
- 0
السلام عليكم .. شلونكم بنات.. والله مادري شلون ابدا وليش البشر صايرين جذي.. انا متزوجه من 8 شهور تقريبا .. لمن تزوجة إنصدمت بزوجي شوي بس كانت الصدمه الكبيره من مرة أخوه .. أول شي بقول من شنو إنصدمت منه .. إكتشفت إنه صبياني درجه أولا ومو قد المسؤليه أبد سوالفه سوالف يهال ومع هذا قلت شسوي خلاص اللحين تزوجته ومالي حل غير إني أحاول أغير الوضع أو أتعايش معاه..اللحين بتكلم عن مرة أخوه .. باطه جبدي ومناشبتني على زوجي كانها أستغفر الله مالها والي يلمها لازوج ولا أحد ..بنات تتكلم مع زوجي بوقاحه واللي باط جبدي إنه معطيها وجه حيل ويسولف معاها كأنه يسولف مع واحد من ربعه بصراحه هالشي ضايقني حيل بس قلت بطنش مابي أتناشب معاها بنات ماتتصورون شكثر تكلمه تدق عليه حتى بنصاف الليالي تسأل عن زوجها ولا بعد لا مر وإحنا الحريم نتقهوى تاخذ دلة القهوه بسرعه تسابقني عشان تصبله ولا تقعد يمه ولمن تتندمج بالسوالف تطق على فخذه ..والله موقف صار ثالث يوم عرسنا ما أنساه لو شنو إنصدمت منه وأنا عروس ماعرفت أرد نزلنا ولا تشوف ريلي بالدرج تقوله مبروووك ها بشر سبع ولا ضبع؟؟؟!! مصخره والله وهو يرد عليها أفا عليج بس مايسنسألي هالسؤال ويضحك.. وين قاعدين شهالتربيه ولا تناديه عبودي؟؟؟ أنا ماناديه عبودي شنو ياهل عندها والله قتله أنت شلون تسمحلها تقولك عبودي يقولي لا هذي مرة أخوي الكبير أصلا ماكو غير أخوه هذا متزوج قبلنا ب4 سنين بس وهي أكبر مني ومن زوجي بسنتين بس شلون صارة عوده كلمته أكثر من مره يكلمني بدون مبالاه ويقولي من صجج غيرانه علي منها إنتي شايفه ويها جنها سيلانيه أقوله مالي شغل بويها لي شغل بإسلوبها إذا بتضل تكلمها جذي ماني قاعده عندك إنت مو محترمني ويسمع مني ويطلع مني ويقولي هي تحاجيني شسويلها والله يابنات الموضوع طلع عن حده ليمن سويت اللي المفروض ما أسويه .. أقولكم شصار ريلها اللي هو حماي سافر من شهر وإهي الأخت ماراحت بيت أهلها لا قعدت على قلبي وكل شوي تكدش بريلي مره يوديها مع بنتها الطبيب ومره يوصلها بيت أهلها شنو هذا لو ماكو سايق أقول أوكي بس مشاويرها ماتصير إلا بنصاص الليالي المهم كنا قاعدين نتقهوى حزة المغرب جذي وكان أكو أمه وإخته المتزوجه وعمته إخت أبوه وأنا وهي دش ريلي طبعا تركض للدله تبي تصبله عشان تحرني جان أقول والله ماخليها وأتل الدله من إيدها وأصبله تخيلو شنو سوت قامت وقالت عبودي أبيك شوي وراحت للدار اللي يم الصاله تحت وإهو راح وراها ..!! شنو هذا وأنا ويني من الإعراب وين قاعدين والأخ ظل معاها فوق الخمس دقايق ولمن طلعو صار شي بصراحه إنصدمت مادري شقالتله وضحك وطق إيده بيدها فاهمين يعني مثل كفج كفج كااااك!!!! أمانه يعني هذا ريال ولا ياهل ولا هي مرة محترمه سوالف مراهقين بصراحه .. مادري شخلاني أطلع فوق وأحرق بدمي :eh_s(14): ماحسيت إلا رحت لشقتها بعد ما صعدت عطيتها كلمتين بالعظم وقتلها اللي سوته اليوم فيه قلت إحترام لوجودي إنها تناديه لغرفه ثانيه ليش شبينج وبينه ماتبين تقولينه جدامنا!! قالتلي لاتفهميني غلط والله عادته أخوي قتلها لا مو أخوج زين ولمن تبين تتكلمين مع عبدالله كلميه بحترام ولاتنادينه عبودي مو أصغر عيالج هو .. نزلت وأنا ميته قهر المهم قلت لزوجي أكثر من مره نطلع من البيت وأهو يرفض نهائيا لأن أمه ماعندها غيره هو ويا أخوه و3 خوات وحده بس متزوجه وابوهم متوفي فما تبي عيالها يطلعون من البيت..اللي إنصدمت منه لمن نزلت ثاني يوم ولا خالتي أم ريلي ماتكلمني ولاتبي تطالع بويهي!! ليش مادري وشوي ولا قابلت بناتها ولا هم بعد مايبون يكلموني ..ولا خالتي تقولي تعالي شوي بكلمج قلت أوكي رحت لغرفتها ولاتقولي إنتي شنو تبين بالضبط ؟؟ ليش قايله لفلانه هالكلام عيب عليج هي تتعتبر عبدالله مثل أخوها وماعندها هالسوالف وجزاها الله خير المره ريلها مسافر وهي مجابلتنا وقاعده عندنا لا تسوين فتن ولو ريلها كان موجود وسمع هالحجي شنو بيقول عيب عليج !! سوتني أنا الغلطانه قتلها ليش خالتي هي شقايلتلج قالتلي شنو قالتلها المره ماجذبت نقلت الحجي مثل ماهو مادري ليش خالتي زعلانه قلت ليش ياخاله مو اللي سوته عيب قالت إنتي العيب راكبج من راسج لريولج وإستحي على ويهج؟؟؟ قتلها والله ياخاله لو ما أستحي كان ماكلمتها بيني وبينها جان سويت مشكله لاصارة ولا إستوت وفضحتها جدام الكل .. قالت طول عمرنا ماعندنا مشاكل إنتي سويتي فتنه .. قتلها خلاص دام ماتبيني خلينا نطلع بشقه بروحنا قالت معصي أصلا هذا اللي إنتي تبينه والله دام راسي يشم الهوى مافي واحد من عيالي يطلع من هالبيت لامت سوو اللي تبون قلت ياخاله الحمو النار قالتلي نار اللي تحرقج!! قمت وطلعت وماحسيت بنفسي لميت هدومي وطلعت من البيت ولمن جا زوجي يراضيني يقولي أسويلج اللي تبين بس مانطلع من البيت .. بنات أنا محتاره بصراحه حاسه سالفت شقه برى مو حاصلتلي بس شلون أرجع بيت كل اللي فيه زعلانين مني مايحاجوني وهم عندي هالنسره مرة حماي بالبيت والله مو عارفه شسوي؟؟!! بليز ساعدوني ..
التعديل الأخير:
