الحمولــــــــــة...آرائكــــــــمـ

[mayooome]

شوفي حبيبتي انا من رأي اهم شي خالتج بالموضوع إذا هي مره كبيره بسن وبناتها متزوجات وما عندها احد لازم تكونين قريبه منها يعني تنزلين يوميا وتحطين لها قهوه وشاي يعني من ساعه 5 إلى 8 هذا إذا ماعندها احد يداريها
اما إذا عندها بنات وموجدين في البيت فأنا اشوف يوم وترك من ساعه 5 إلى 8 تكونين تضحكين وتسولفين ولاطيحين الميانه لانها مايجي من وراها إلا مصايب

 

[حبوبة الأطفال]

قلبو

اذا ناوية تغيرين روتينج معاهم من انهم مايطولون القعده معاج وانهم مايجون عندج الا اذا انتي تعزيمهم

فلازم تاخذين هالامور بالصبر

شلووووووون !!!!

هذي حمولتج وماتبينهم ياخذون فكرة عنج او يزعلون

الزبدة لا تغيرين تعاملج معاهم {فـــجـــأة}

اخذيها خطوة بخطوة

مثال :
هالاسبوع حبوا يجون عندج .. عطيهم عذر انج ماتقدرين تستقبلينهم

لكن فالمرة الثانية اذا قالوا راح يجون عندج .. استقبليهم وخليهم يجون

يعني تسحبين نفسج بكل هدوء

وهذا الشغله طبقتها في الواقع وتقريبا قعدت شهور على ماتعودوا عالروتين بدون مايحسون

وربي يوفقج ويهنيج بحياتج قلبوووو

 

[مذهــلــه]

مشكوره حبيبتي عالنصيحه

لا والله ماشالله عندها بناتها بالبيت انا عشان جذي ماحب انزل هو الصراحه الخوف من البنات مو الخاله

والله بحاول اخليلهم يومين بالاسبوع يوم وترك وايد انا مره موظفه ومااقدر الصراحه

 

[حبوبة الأطفال]

اي ونسيت شغله

خالتج لااااااازم تسلمين عليها كل يوم ... لو كانت دقايق

واذكريها بين فترة وفترة بصحن حلو او طبخه منج او اي شي

سواء كانت زينه معاج او لأ !!! ... احتسبي الاجر في النهاية قلبو

 

[حبوبة الأطفال]

مشكوره حبيبتي عالنصيحه

لا والله ماشالله عندها بناتها بالبيت انا عشان جذي ماحب انزل هو الصراحه الخوف من البنات مو الخاله

والله بحاول اخليلهم يومين بالاسبوع يوم وترك وايد انا مره موظفه ومااقدر الصراحه

سالفة السهر مريت عليها

عاد تدرين مرة كانوا عندي وصارت الساعة 3 فجر

وكنت حيل تعبانه قلتلهم انا بروح انام حدي نعسانه ... تابعوا الفيلم على راحتكم

والله رحت لغرفتي وقفات الباب ونمت

 

[amami al-kuwai]

حبيبتي على حمولتج نفسهم

انا حمولتي منغلقين على نفسهم ومايعطون مجال تدشين معاهم مع ان انا معاهم بنفس البيت بغرفه وحمام

شوفي حمولتج يتقبلون او لا

زوريهم مره بالاسبوع كتجربه

 

[شيخه_البيض]

اممم

انا اتوقع على حسب الحموله

ولاتنسون كل عايله ولها طبع

انا عن نفسي يوميا انزل عندهم واذا غبت عنهم يصعدون ويسالون عني

خالتي عادتني وحده من بناتها ولاتفرق بينا كلللش فماتستاهل مني اني ما انزل لها ولا اقعد معاها

حتى حمواتي لي دروا اني مو بالبيت ما ايون

والحمدلله ياربي والله يديمها علينا

 

[مذهــلــه]

حبوبه الاطفال

صاجه والله هذا نظامي صاير وحده من حمواتي ذاك اليوم قالتلي اذا فاضيه بيي عندج مع العلم ان عندها شقه وماندر تقولي تعالي عندي

فيومها فعلا كنت مشغوله قاعده انظف وارتب شكلها حست

صاجه والله اعودهم على نظامي بس مع الوقت ويبيلها صبر،،، انا ياليت بس على انهم يصعدون عندي صار مع الوقت ميانه لوحده من حمواتي وقلت ادبها يجوز على نيتها بس انا تربيتي مو جذي اتطاول على خلق الله
فمن يومها قررت اتسحب منهم ومااختك فيهم وايد

طولت عليكم بنات حبيباتي

الله لايحرمني منكم

 

[مذهــلــه]

عمامي الكويت

ايه جربت صارلي اسبوعين انزل بس يوم واحد وشكلهم تعودوا بس لايعه جبدي من التشره وينج وينج

بحاول اخليها مرتين بالاسبوع عشان ريلي بعد

تسلمين حبيبتي ماقصرتي عالرد

ومن حسن حظج مالج احتكاك فيهم والله غثى

 

[مذهــلــه]

شيخه البيض ....

مشكوره حبيبتي عالرد

حرام اهم مو قشرين بس حياتهم فوضى وانا متربيه عالنظام ولكل ساعه شغله معينه ممكن اخربها بالويك اند بس خلال الاسبوع نوووو وييي مااقدر

وهذي طبيعه اولا واخيرا ،،، وشي ٢ ماعندي خدامه كل شي انا اسويه واهم مو حاسين بهالشي يقولون نظفي بالاسبوع مره

اي شي !!!!!!!!!!

قلتلهم الحمام وغرفه النوم والطباخ والمواعين والمطبخ كل اسبوع انظفهم واسويهم!!!

فمن جذي شاغله نفسي الصراحه ماعندي وقت امل واقول بنزل!!

 

[om Firas]

ماقصروا البنات

الله يعينج صراحه وقت طوويل يقعدون معاج
بس الاكيد حابين القعده معاج الله يوفقج يااارب

 

[جبار حبك 305]

انا مخطوبه وداشه استفيد من تجاربكم


اب

 

[مذهــلــه]

ام فراس

مشكوره حبيبتي عالرد ... بس للعلم انا من النوع الهادي وقليله الكلام،،، يعني والله مااظن هذا السبب اهم بس عندهم حب استطلاع واحس هذا اسلوب عشان يدخلون حياتي

جبار حبك

الله يوفقج ان شالله ويتمملج على خير

 

[الهنوف24]

سواء كانو زينين او شينين المرا لازم تحط حدود على حياتها الخاصه وبيتها ...
اللي تكثر قعده عند اهل زوجها لابد بتشوف شي مايسرها وبتطيح الميانه زوود وبتدخلون بكل شي
حبيبتي اخذي الكلام من المجرب
واللي تقول طلي على ام زوجج كل يوم حبيبتي المرا مو واجبها تطلطل على ام زوجها دايم يكفي اهلها وامها ماتشوفهم دايم اعتقد انهم مو اعز واغلى من اهلها

 

[om.googi]

متى ما صار عندهم عشا أو عزيمة + واعزموووج نزلي أو مع زوجج غيره لاتقعدين ,,

الا اذا انتي اجتماعية وتحبين تخالطين هذا ما يبيله عزيمة هههههه ​

 

[i'm so happy]

البنات اظن ماقصروا حبيبتي ..

احسن شي الزوجة تكون رسمية وماتقط الميانة عشان ماتحصل شي مايسرهــا ..
والزوارة شي مهم بس مو بكثره او يوميا يومين تمام

 

[PuPa^^SWeeT]

انتي زوريهم كل يوم او يومين


وقعدي عندهم من الساعة مثلا 6 ليين الساعة 8 او 9

وبعدين صعدي


احلى وقت




اذا طبع فيهم يسهرون

خليهم بالويك اند

شوي شوي يخفوون عنج لأنج توج اول زواجج

 

[english muffin]

خالتج عالاقل كل يوم طلي سلمي عليها
اما القعده كيفج متى ما تمللتي
او في الزوارة

 

[مذهــلــه]

الهنوف

مشكوره حبيبتي عالرد ماقصرتي ،، وصاجه والله اهلي وامي ماقاعد اشوفهم وايد بالموت مرتين بالاسبوع ومثل ماقلتي مو اغلى من اهلي

ام جوجي
حصه
بوبي سويت
انجلش مافن

الله يعطيكم العافيه حبيباتي ويزاكم الله خير على النصايح

انا مقررة مره بالاسبوعربووساعتين والويك اند اطول شوي لل١١ او ١٢

 

[أم ميميتو]

انا مو ساكنه مع اهل ريلي ساكنه بروحي بس كل يوم اروح عندهم حتى لو ساعه و ارجع واذا انا مارحت خالتي وعمي يزوروني حتى لو يقعدون ساعه بس لازم كل يوم يشوفوني انا و ولدي لان ولدي اسم الله عليه اول حفيد بالعايله مافي غيره وهم خالتي ما عندها بنات والحمدلله اني قدرت اصير حسبة بنتها و بصراحه هالشي مو مضايقني بالعكس وانا من تزوجت تعودت على جذي و علاقتي فيهم وايد قويه كلهم خالتي و عمي وحتى اخوان زوجي و من بداية زواجي تعودت اكون صريحه مع خالتي وهي نفس الشي يعني الي يضايقها تقوله جدامي وانا نفس الشي يعني مافي بينانفاق ولا تمثيل الحمدلله و بشكل عام ما يتدخلون بخصوصياتي