الحمولــــــــــة...آرائكــــــــمـ

[مذهــلــه]

السلام عليكم

صباحكم/ مساكم فل وياسمين

اشلونكم خواتي وشخباركم؟

حبيباتي عندي استفسار..........بخصوص الحمولة

أنا ساكنه مع حمولتي بس شقتي بروحي ومدخلي بروحي آكل واطبخ بروحي

يعني منعزلة عنهم الى حد ما

سؤالي ..... تنصحوني جم مرة بالاسبوع انزل عندهم ازورهم واشكثر اقعد؟؟

لان بصراحه هم حشريين ويتدخلون فيني وبخصوصياتي ..ويبون متى ماقالولي نبي نيي عندج اترك اللي بايدي واهلي وارحب.. ومو هني المشكلة المشكلة ان زاروا يقعدون من ال 8 مثلا يظلوون عادي للساعة 2 و 3 الفجر وأنا مو متعوده على هالنظام مايعجبني الفوضى وثقل الدم

عشان جذي حابه اكون رسمية ونزلتي عندهم أقللها ...وحبيت آخذ رايكم خواتي وبشنو تنصحوني

والله يجزاكم الخير مقدما

 

[كربون امها]

من 8 الى 3الفجرحيل صعبه شنو ماكو شغل تعذري قوليلهم ابي انام
وخلصت السالفه

 

[عاشقة_الجمال]

حاولي انج تكوونين عاديه معاهم وعادي نزلي عندهم متى ما حسيتي انج فاضيه
موو شرط تكوون ايام محددتها من قبل
بس طبعا اذا كانوو حملووووتج خووش ناس وجنهم اهلج
بس اذا كانووو قشران وراعيين مشاكل البعد عنهم غنيييييييييييييييييييييييمه

 

[قموشه21]

شنو 3الفيــر ماكو دوامات ماكو بترتاحين شششوي مايقدرون الواحد..

انا مثلج شقتي عندهم بس مدخلي بروحي واكل بروحي يعني اهو ريلي حط لي هالنظام .. طباخي وبابي بروح واريح بيني وبينـج ..

خليـج مثثلي.. انا انزل حقهم كل اثنيـن واربعـااء مرتين بالاسسسبوع .. واييهم من السساعه 6 المغرب حزة قومتهم.. ليــن 8 العشششــآآآ.. وعقب اشيل شلايلي واروح ششقتي.. اريح وكل ماخففتي زيارتج لهم كل ما كبر قدرج واحترامج ..

خلي قعدتج عندهم بالساعتيــن سوالف وضحك.. خل يستانسوون فيــج : )

مرت حمــآآآي والله طول الاسبوع عندهم وتقعد من العصصر لين العشششا وبدون مبالغه محد يحششمها ولا يقدرهــآآ وحجي من وراهــآآآ جذي نظام حمولتـي خففي يحشمونج.. انتي سووي جذي تكونين واصصله معاهم وعلي خفيف.. وعشان تتجنبين السسهر عندج..

موفقه

 

[فوفو22]

في البدايه فرحانين فيج

وودهم يقعدون وايد عندج

ومن باب الذوق انه ما يطولون بشقتج لاسباب عديده

ولكن من الواجب النزول شبه يومي لخالتج تسلمين عليها

فوفو

 

[jowree]

اعتقد انتي ادرا باللي يناسبج
يومين بالاسبوع حلو وقت جمعتهم و من الممكن متى ما فضيتي و حبيتي تنزلين
و بالنسبه حق سهرهم عندج ممكن تتتعذرين بانج نعسانه و من الافضل زوجج اللي يكلمهم​

 

[حبيبي عبووودي]

حددي يومين او ثلاثه تنزلين عندهم بس
انا جذيه خميس وجمعه وسبت ابيت اهلي ماشوفهم
والاحد بس اتغدا معاهم والمغرب لي بالليل طلعتي مع ريلي وبنتي انرد تعبانين
والاثنين انزلهم والثلاثا اقعد اسوي شغل شقتي من تنظيف وترتيب اغراض بنتي
والاربعا انزلهم وانتهت السالفه

 

[الأميرة جوري]

خففي لاتروحين وايد مره بالاسبوع ولاتقعدين وايد القص يخففون عليج بعد

 

[shak!shoka]

نزلي بالويك اند بسسسس

اريح صراحه
يشتاقون لج و يشتاقون حق قعدتج و سوالفج <<<< هذا اذا كانوا ممن النوع الي يشتاق !

و خالتج اتصلي فيها و سلمي اذا كانت من النوع الي تتشره


وانا عموما ما افضل الاحتكاك بالحموله
و خلج رسمييييه حيييييييل

و اذا بغوا يزورونج حياهم الله بس بين فتره و فتره طلعيلج عذر
غسيل ملابس
تنظيف
جرد
يعني و هكذا

 

[noor salam]

ساءك ورد و ياسمين انا من وجهة نظري انهم لوما كانوا مستانسين عندج ما طولوا بس اهم اكيد مرتاحين بالقعدة عندج
انتي حاولي تعلمينهم على طبعج و انه كل وقت له احترامه و انه في اوقات محددة للزيارة و انهم يتصلون يسالونج اذا فاضية والا لا .....و بالتوفيق

 

[رنيم الروح]

حبيبتي اشرحي لهم وضعك اكيد بيفهمون انا حمولتي علاقتي فيهم زينه بس مايطلعون عندي الا عزيمه رسميه بس اذا بروحي يقولون لا انتي تعالي عندنا لانه انتي اخف وبروحك وبعدين مايبون اعيالهم يخربون عندي او يتعبثون بالبيت وجمعتنامن 8 انواصل لساعه 2

 

[ام كوثر2007]

اهم شي خالتج ام ريلج حبيبتي مفروض اطلين عليها بشكل يومي لانها اهي اهم وحده بالعايله .. وابو الزوج طبعا ..

اما باجي العالم اللى بالبيت خلي علاقتج فيهم رسميه جدا ..

وانتي ابخص طبعا فيهم وبطبعهم يعني لو تنزلين حزه يمعتهم بس هالشي بيكون كافي

عزي ورزي نفسج خصوصا اذا وراهم مشاكل .. وحاولي قد ما تقدرين ما تدخلين بخصوصياتهم عشان ما تعطينهم مجال يقتحمون خصوصياتج .

 

[Estelle]

انا والله احبهم واحب القعده مع خالتي وحماتي
فكل ماكنت موجوده انزل عند خالتي .
ومرات اكون مريضه وتعبانه فما انزل .
المراد اني شبه يومي انزل لهم .

انتي دامج مو مرتاحه ولا مريحينج بصراحه البعد عنهم غنيمه
وخليج رسميه. سوي اللي يريحج ويبعد المشاكل عنكم.

 

[Patcholli]

مو شي صحيح انج تحتكين لي هالدرجه بحمولتج
مهمها كان لازم يكون في حوازج وحدود واشياء غامضه فيج وبحياتج
اتوقع اذا قعدوا من الساعه 8 الى الساعه 2 الفجر حياتج بتكون مثل المسرح جدام عيونهم وكل كبيره وصغيره بيكونون عارفينها
ما اقولج قصري معاهم لكن حطيلج حدود وحواجز وخطوط ماتكشفينها امامهم ..
استغرب ان زوجج مايلمح لاهله وان الوضع طبيعي عنده ..
نصيحه مني لا يطلع منج تلميح او اعتراض على طول المده الي يقعدونها وكلمي زوجج وفهميه انهم عزيزين وغالين وتحبينهم لكن الوقت الي يقعدون معاج فيه وايد طويل وتحتاجينه لقضاء اشياء ثانيه .. وخليه اهو يفهمهم بطريقه حلوه ومبسطه

 

[afra]

احسن شي الرسمية كانوا طيبين والا قشران

اهم شي الخصوصية شنسوي هالزمن صاير صعب والناس متغيرة مومثل اول عايشين عالبساطة والطيب

 

[مذهــلــه]

حبيباتي خواتي الله يعطيكم الف عافيه يارب ويجزاكم الخير على نصايحكم

سالفه السهر والله يومها ريلي كان طالع وطرشلي بالواتساب ان اشقاعده تسووين قلتله خواتك عندي هذا الحجي الساعه ٢ چان يقولي تثاوبي سوي اي شي ،،، استحيت الصراحه ... والمشكله شافوا اخوهم يه الساعه ٢ وربع وكملو سهره معاه لل٣ وانا حدي مغثوثه ماحب هالكثر التزم بالقعده مع ناس خصوصا ان مافي اهتمامات مشتركه ولاشيوانا مو من النوعيه اللي مااتدخل بخصوصياتهم وحده من حمواتي وايد تسال ،،، ريلج يمدحج لما تلبسين منو يشتري الماجله ومن هالكلام والمشكله صارت كل ماتدخل شقتي اتمشكل مع ريلي من عينها قطيعه

الله المستعان يعطيكم الف عافيه
وحابه اعرف نظام الاغلبيه مع حمولتهم عشان نستفيد من خبراتكم

 

[afra]

اهم شي خلي كل شي بحدود بعدين يستنكرون اي شي منكم لأنهم ماتعودوا عليه

 

[مذهــلــه]

يسلمو حبيبتي عالرد

 

[*peace*]

تعوذي من بليس حبيبتي وحسني النيه دااااااااايما

واذا سالتج حماتج منو يشتري الماجله عادي يعني لو رفيجتج سالتج بتزعلين هالكثر!

انتوا بس لاتحطون ببالكم دايما ان الحموله اعداء وبترتاحون

وبعدين حسب طبع حمولتج

اكو حموله يحبون الجنه معاهم وعندهم ٢٤ ساعه ويزعلون اذا نزلت كل جم يوم واكو العكس

فا انتي شوفي شنو نوعية حمولتج وخلج خوش بنيه واكسبيهم ورحبي فيهم اذا قعدوا

عندج وطولواحتى لوحزة دوامات مايخالف يامعوده مويوميا بيسهرون اهما عندج شدعوه!

 

[مذهــلــه]

مشكوره حبيبتي عالرد ،،

اهم جايز هذا نظامهم واسلوب حياه متعودين عليه ،، انا مو مستعده الصراحه اعيش بفوضى واهمال لبيتي فيسبيل انزل عندهم او اخليهم يجون عندي

عندي زوجي و بيتي اولاا

عشان جذي حبيت اخذ راي البنات واشوف الاغلبيه شنو ردهم

مشكوره حبيبتي مره ٢*