الحمل والسعابيل وانتوا بكرامه

[الـدآنـه]

السلام عليكم

عسى الله يوفقها دنيا واخره من عطتني حل

تعبت نفسيا من السعابيل وانتوا بكرامه

طول ما انا قاعده عندي الكلينكس واسحب فيه وامسح :cxxxp:

والله اني ادعي على نفسي بالموت من الي اشوفه

ابي حلللللل ابي حلللللللللل تكفون او ادعولي الله يخفف عني ربما منكم من قسمت على الله قسما فأبره

 

[أم عبود 2011]

رد : الحمل والسعابيل وانتوا بكرامه

أستغفر الله شدعوه تدعين على روحج بالموت علشان سعابيل ؟؟؟؟؟؟؟؟؟؟؟

استغفري ربج هذي حالة عادية أغلب الحوامل يمرون فيها وماراح تطول فترة طويلة

الله يعينج

 

[قفشـه]

رد : الحمل والسعابيل وانتوا بكرامه

شدعوه تدعين على روحج بالموت علشان سعابيل ؟؟؟؟؟؟؟؟؟؟؟

هههههههههههههههه

اي والله


الحوامل تزيد سعابيلهم بس مو لهالدرجه يامعوده

 

[موجة ~ بحر]

شي غريب

 

[كنوز الخير]

الله يعينج ياقلبي انا نفسج تقريبا بس احس اشوي ثقل بلساني ساعات مالي خلق اتكلم


ما علينا الا الصبر ياقلبي والله كريم

اهي فتره وتعدي فستحمليها

وبالتوفيق للجميع

 

[الـدآنـه]

رد : الحمل والسعابيل وانتوا بكرامه

مشكورين بس معقوله ما كو دواء او علاج لها ؟

ولا ما تمر عليكم هالحاله ؟؟؟؟؟؟؟؟؟؟ بس انا الله المستعان

 

[الـدآنـه]

رد : الحمل والسعابيل وانتوا بكرامه

اي احس بضيقه وادعي بعد اكتئاب الحمل والضيقه الي امر فيها تسوي اكثر من جذي

واذا انتي ما تحسين غيرج يحس ترا مو الكل مثل الشي

 

[زينانه]

عادي:cxxxp:

 

[دانة بعين بحاري]

رد : الحمل والسعابيل وانتوا بكرامه

ايه انا يصير معاي جذي بس عادي مرحله وتعدي ان شالله

 

[ام عفاف الكويت]

الحامل كل شي يتغير عليها
لانه هرمون حبيبتي
لاتدعين على نفسج بالموت :hjy5jewf:

 

[دمع القلوب]

يووه الله يعينج

اكلي علج يضيع الطعم عالاقل

اختي نفسج وبس ساكته ما تبي تتكلم ابدااا

 

[$وجد شاعر$]

ياعمري والله اني حاسه فيج
انا بداية حملي تعقدت نفسج والله اني كنت انام واحط كلينكس بحلجي تخيلي من كثره حتى اختي واهلي يعيبون علي محد يحس فيج الا اللي مجرب انا تعبت حتى ماقدر ابلع ريجي على طول ارجع مافي شي نفع معاي يمكن العلج شوي يخفف بعد مو اي علج بس المر عرفتيه نفس علج لبان وعلج الماي هذول يخففونه شوي
والحين الحمدلله خف بس ماراح عاى الاقل مو 24 نفس قبل الحين بس وقت النوم احس حلجي ينترس لا زم جمبي كلينكس
الكل يقولي بعد الولاده يتغير كل شي وكاني ناطره هانت مابقالي شي ادعولي:yaaaaaarb:

 

[۩۩ الجـــــود ۩۩]

الله يعينج

للاسف ماله دوا
بكل اطفالى هذى حالتى ما خليت شى ما سويته ما فى فايده

مالج الا الصبر وبيخف اذا خف الوحم على الخامس او اخر الرابع

 

[ديانا سبنسر]

الله يعينج

 

[احب المنتدى]

رد : الحمل والسعابيل وانتوا بكرامه

ما ادري شي غريب الحمل شكو بالسعابيل
روحي الطبيب

 

[Aryam30]

عادي ترا تصير حق بعض الحريم انا نفسج في بداية حمالي كان شي موطبيعي وكنت اكل علج البان ويخف معاي بس الحين شوي خف الحمد الله بس هم ما اقدر ابلعه الا لما اتعلج وسألت دكتورتي عن هالحاله واذا في علاج قالت مافي لاحبوب ولا شي ممكن يوقف افرازات الغذه اللعابيه بس على حسب الوحده ساعات يخف بنص فترة الحمل ساعات يظل معاها ليم تولد والله كريم مالج الا الصبر ولاتضايقين نفسج على هالسالفه اهي حاله مؤقته وانشالله ماردها بتروح عنج ولما اتذكرينها راح تضحكين على نفسج

 

[ام فجر3]

اي والله مااحد يعرف اللا اللي مجرب زي ماقالوا البنات البان الحب تصدقين ان العلك يضل في فمي لين الولاده وفي نهاية الحمل اتعب مااعلكه احطه في لثتي شي غريب اذا شلته رجعت اهم شي احس ان في فمي علك تصدقون اذا صارت لي ضروف وماعندي علك احط فوق لثتي كلينكس صغير ويخف اللعاب مااقول الال الله يساعدنا وياجرنا ادعولي اذا حملت مااعاني من هالحاله الغريبه

 

[شقرا كويتيه]

رد : الحمل والسعابيل وانتوا بكرامه

الله يعينج كلها اشهر وتهون

 

[رحيق الماضي]

رد : الحمل والسعابيل وانتوا بكرامه

والله نفسج حالتج مالنا الا الصبر والله يهون علي وعليج وعلى كل مسلم وانا عبالي بس الوحيدة اللي فيني هالحالة اثاري معاي وايد حريم ما اقول الا الله كريم

 

[السيدة الانيقة]

الله يعينج اختي العزيزه انا نفس الحاله .لاينفع دوا ولا طبيب ويخف في الشهر الخامس.