الحمل والدور الثالث !

[«ღ»Pure Soul«ღ»]

السلام عليكم

الموضوع محيرني ومخوفني انا ساكنه بالدور الثالث والسلم متعب اخاف اذا ربي كتب وحملت موزين ويضرني كنت ناويه اروح لاهلي باول 3 شهور مع ان بخاطري طول فتره حملي اكون مع زوجي لان اول فرحه لنا لظروف خاصه ماقدر اروح لاهلي شرايكم شنو اسوي فكرت اقعد بشقتي وما اطلع الا وقت المراجعات بس الشقه تملل ماحب اقعد فيها واذا تعدلت الظروف اروح لاهلي باول واخر 3 شهور لان سلم حمولتي عذااب الحين ماتحمله

لا تقولون تو الناس اذا حملتي فكري لاني خايفه وابي اتطمن خصوصا زوجي يبيني احمل وبعد التخرج مالي عذر اجل

 

[نبنوبه.!]

حبيبتي الدرج يذبح و متعب حيل
انا انصحج اول الشهور تروحين لاهلج تريحين او تنزلين و تصعدين مره باليوم

 

[زين ودلال]

ضغطي على نفسج وقللي الطلعات

وان شاء الله ماكو الا العافيه

 

[ام الحلوااات]

قـــللــــي مـــن الــطــلــعــــات مــمــكـــن يـــوم ايــه يــومــيــن لا جــذي
وارتــــااحـــــي قــــد مــاتــقــدرريــــن
عــــســى اللـــه يــكــتــب لــج الـحـمـل الـسـلـيـم عـاجــلآ يــااارب

 

[ام دليار]

اذا كان الحمل سليم مو ضعيف لو تطلعي على سطح القمر مابصيرلك شي

اطلعي كم درجه وارتاحي شوي

الله يرزقك تقومي بسلامة

 

[قلبي خالد]

ا
انا بالدور الثالث تشد ريلي واما الدري النزله سهله بس الصعده اهي تعبني بالاشهر الاخير بالاشهر الاولي عادي لانه بتصعدين ومره وحده باليوم و شوي شوي

 

[قَلبڪْ صًخرْ]

اول ثلاث شهور
الحمل متعب
وماكو اي علامه انج حامل
الا صفقة الويه وترجيع والفتور والتعب
اذا تبين ريلج يروح المراجعات معاج
وبيت اهلج اريح لج



والله يرزقج

 

[اخت خالتهم]

وقتها صدقيني انتي تقررين انا تعبت بالرابع و نمت عند اهلي
مع ان كل شي طبيعي


بس انتي بتفهمين اذا نساتج قوية من نفسج اول شهرين تروحين عند اهلج

و اذا حسيتي نفسج خفيفه ماراح يضرررج شي

وعسى ربي يرزقج ياحلووووه

 

[joorey]

الله يرزقج
حاولي ما تطلعين الا للشي الضروري
واساسا أول الشهور مالج خلق شي
واذا حسيتي نساتج قوية روحي بيت أهلج لما تخف
هذا الحمال يبيله صبر وتضحية

 

[ديانا سبنسر]

مع أم دليار

 

[كنوستي]

لا تفكرين بشي ما صار نصيحة عيشي يومج بيومه وبالنسبة للسلم ماله داعي تروحين حق اهلج بس خففي طلعات واذا الله كاتبله بيتم صدقيني مافي شي يضره بأذن الله

 

[((غلاي))]

اذا كان الحمل سليم مو ضعيف لو تطلعي على سطح القمر مابصيرلك شي

اطلعي كم درجه وارتاحي شوي

الله يرزقك تقومي بسلامة

:rerrerek::rerrerek::rerrerek::rerrerek:

 

[M!SS.LOBY]

الدرج متعب للحامل

 

[أثير88]

انا ساكنة بالدور الثالث وحملت
وقعدت بس خففي طلعاتج ونزلتج
ونصحية بين فترة وفترة روحي لاهلج ارتاحي
وان شااء الله ربي يرزقج بالذرية الصالحة

 

[q8helwa]

اذا ربي كتب لاتنزلين كلش خصوصا
اول الشهور واخذي مثبتات
ولاتلبسين كعب البسي فلات مريح

 

["*آآآنؤؤؤقهـ*"]

الله يرزقج الذريه الصاالحه ....

 

[الاخلاص]

انا نفسج الله يستر علينا يارب

 

[тεķάηαн]

نصيحه روحي لاهلج او قللي طلعاتج
تععب الدرج للحامل وخصوصا درب طويل بعد الطابق الثالث :/

 

[مشتطـه]

شوفي اول شي عادي دام ما ينزل عليج دم وكل امور الحمل تمام ما فيها شي لو صعدتي ونزلتي بس بشروط


مثلا تكون نزلتج وصعدتج كل يومين مرة

يعني اليوم طلعتي مو شرط باجر وعقب باجر تطلعين



اذا نزلتي نزلي بهدوء وعالخفيف


واذا صعدتي لا تصعدين دفعه وحده ارتاحي شوي بالدور الثاني وقفي 3 دقايق مثلا او حطي كرسي


هذا اذا تبين سلامة البيبي مع ان عندي يقين ان ما يضر لو يوميا الحافظ الله والدري اذا صعدتيه
بهدوء وعالبطيء مايتعب خير شر


اما اذا صعدتي بسرعه وعلى عجله اكيد بتجهدين نفسج


لا تحاتين الدري مو خطر الا على صاحبة مشاكل الحمل مثل دم او حمل ضعيف وهالسوالف

بس طريقتي ممتازة ان كل يومين مرة و شوي شوي مو عالسريع

 

[مشتطـه]

وسالفة تروحين لبيت اهلج انسيها ؟؟؟


مالج شغل بالدلوعات الرقيقات اللي هني


الموضوع مايستحق ابد

انا نزفت دم الدنيا والدين وانفصلت مشيمتي وقعدت عند ريلي

من حقه مرته ويبيها يمه

شكو اتز عند اهلي ؟