الحمل بولد او بنت واعراضه

[TooToo]

بنات ابي اعرف اللي حملت بولد ابي اول اسبوع يعني قبل لا اتحلل واقطعتها العاده شنو حست فيه ( الام ظهر -حست انها تحب الحلو وايد - تاكل وايد )


واللي كانت حامل ببنت شنو كانت الاعراض قبل لا اتحلل


وشكرا


انا قاطعتني الدوره صارلها اسبوع وبعرف شنو هالاعراض--عاد انا ميته عالولد

ادعووولي--آآآآآآآآآمين

 

[د.شريفة]

والله مالها شغل الاعراض انا يوم حملت في ولدي ماصار معاي هالاعراض ما انا وحده ما احب الحلو نهائيا ولا حبيته ولا شي وعوار ظهر عادي يعور الكل في بداية الحمل اللي حامل في بنت واللي حامل في ولد نفس الشي

والحين انا حامل وصايره ميته على شي اسمه حلووو ادور الشيره دواره جني نمله
بس مادري والله


اعتقد ان هالشي ماله دخل في جنس الجنين

 

[د.شريفة]

والله مالها شغل الاعراض انا يوم حملت في ولدي ماصار معاي هالاعراض ما انا وحده ما احب الحلو نهائيا ولا حبيته ولا شي وعوار ظهر عادي يعور الكل في بداية الحمل اللي حامل في بنت واللي حامل في ولد نفس الشي

والحين انا حامل وصايره ميته على شي اسمه حلووو ادور الشيره دواره جني نمله
بس مادري والله


اعتقد ان هالشي ماله دخل في جنس الجنين

 

[pharmacist]

أنا في حمالي في ولدي كنت أميل للحلو أكثر من الحامض و رفيجتي قالتلي اذا اتحبين الحلو يعني ولد و اذا اتحبين الحامض يعني بنت بس مادري صج ولا لأ والحين بعد أحب الحلو و على قولة اختي د.شريفة أدور الشيرة.

بس اتبين الوحدة اذا كانت حامل في بنت ولا ولد من الشهر الخامس أو الرابع لما يطلع البطن و تثقل.

في وحدة قالتلي الحامل بالولد تنام وايد و صج في ولدي من قبل لا تتأخر علي وآنا كله نايمة والله أعلم.
و انشالله الله يرزقج ابولد يفرحج

 

[فروتى]

اعتقد ماله علاقه وانا مااقدر احدد لانى تونى حامل يديد واولمرة احمل ولسه مااعرفت نوع الجنين بس الله كاتبه لى حلووووووووووو المهم يكون صالح ومعافى

 

[بنت الحزن]

شكراً لكي اختي الكريمه على هذا المشاركة

 

[nono78]

على ولدي

كنت كلا احب الحامض والملح

الحين ما ادري بس كلا مصدعه واحب الحامض بس مو مثل اول حمله لييي

وللحين ما ادري شنو فيني

اليي يييه من الله حياه الله
وان شاء الله صالح ومعافى

 

[Miss_Tiger79]

مالة شغل
انا بحمالي بعيالي كل حملة تختلف بس نفس الشي

 

[sHa6o0ra]

انا بحملي باعراضه وشكل بطني كل الي يشوفوني يقولون بنت
حتى لي مشيت بالسوق الي يبيعون يجزمون انها بنت من شكل بطني
وبالاخير طلع صبي الله يخليه

 

[دانـــه]

والله البعض يقول شكل البطن يعني لوكان بالطول ولد ولو كان بالعرض بنت
بس ما يضبط والاغلب يكون خواره

ونفس الشي الاكل ترى يفرق من حمل لي حمل حتى لو كان نفس الجنس

..
.​

 

[Harmony]

الله العالم اذا هذا له شغل و لا لأ بس بقولج عن خبره

مع الولد تبيين الحامض البنت تبيين الحو و الولد لتحرك جنه يسبح مثل السمجه و البنت لا تطق و ترفس
و البطن بالولد ايي بالطول ماكو بالخواصر بس البنت تنترس خواصرج

و هذا اللى يصير بعايلتنا و الله العالم

 

[TooToo]

انزين والم الظهر اول ما حللتي

انا سمعت إن الام الظهر او الخواصر صوب اليمين ولد واليسار بنت بس ما اصدق

 

[TooToo]

بنااااااااااااااات يا حلوااااااااااااات قولولي انطركم

يعني مثلا النوم والكسل - ولد
اللي تشرق وايد سمعت - ولد
وبعد شنو؟؟؟؟؟؟؟؟؟؟؟؟؟

 

[سارا ديور]

اتصور ماله علاقه هالشي بس لما كنت حامل ببنت

أحس اني كانت حملتي خفيفه بس نساتي قويه

ولما حملت بولد من تكون الحمل وانا احص بثقل غير طبيعي ومعاي غلقه

اللهم ياكافي وحاشني اكتآآآآب فضيع

 

[رفرف]

ماله شغل انا فرررق بين حمالي الاول والثاني من كل النواحي مرة اشتهيت المالح والحامض والحين ادور الحلو .. والنوم بالمرتين ..
واول مرة ماكنت ثقيلة .. الحين احس بثقل مو طبيعي ..
اول مرة نساتي واااااايد قوية ..
هالمرة نساتي خفيفة الحمدلله بس التعب والثقل ذابحني ..
واول مرة بطني بالطول الحين بالعرض ..
وبالمرتين اشرق وايد
وبالمرتين بنات الله يخليهم

 

[TooToo]

الله يخليلكم اعيالكم

بس انا سمعت بعد إن البنت لي شانت فيها ولد ولي حلوت فيها بنت :

ابي اللي عندها صبيان تقولي شنو كانت نساتها فيهم ( يعني بالاسبوع السابع للحمل )

 

[TooToo]

There Is No Any Reply

 

[رفرف]

توتووووو ماكو أشين مني بالحمال جكر مو طبيعي ...
أتوقع كل حامل لازم تتفخ وتجكر وخشمها يصير شكبره وحلجها بعد ماله شغل اذا بنت والا ولد ..

 

[ذكريات]

توتو انا طول عمري اسمع ان اللي تصير حلوة ولد و اللي تصير جيكرة بنت !!!

على الولد تحبين تنامين و البطن يكون بالطول

على البنت بالعرض يكون البطن و مثل ما قالت هارموني تنترس خواصرج و تحسين نفسج ثقيلة

امي و خالتي يقولون عوار الظهر يعني بنت لان كله على البنات يعورهم ظهرهم بس مرة قريت وحدة تقول ولد !!

و الاسبوع السابع انا كنت بعدي ما اتنسى ​

 

[TooToo]

رفرف ضحكتيني على جكرج اهم شي الحلج يكبر لوووووووووووول

وذكريات ترا العكس لي شانت يعني ولد ولي احلوت بنت

وعوار الظهر جنه بالولد اكثر !!!