الحمل بعدولاده قيصريه

[نجمه السيد]

السلام عليكم خواتي اني حملي هذا بعد معاناه حرمان الحمللله وعلاج والان كبر ولدي القي ضغط واجد من النسوان في التجمعات الكل يقول لي جيبي ولد او بنت اخو او اخت لولدش واني اشوف ولدي يموت في الاطفال بس متحيره وخايفه اساسا من فكره الحمل الثاني خصوصا حملي الاولي ولاداتي قيصريه وكان السبب الحوض ضيق والبيبي وزنه صغير اخاف من تكرار التجربه للمره الثانيه واخاف مو كثر ماسمع ان الاتولد عمليه خلاص مافي امل ولاده طبيعيه ليها من فيكم ولدت عمليه وبعدها ولاده طبيعيه

 

[طعم الشهد]

نصيحتي لج دام اول عمليه قيصريه خلي كل ولادتج قيصريه ليش تخربين تحت وفوق بالخياط وثاني شي دام حوضج صغير معناته صعب تولدين طبيعي بكل

 

[tota77]

وعليكم السلام ..

مافيها اي شي الولاده طبيعي بعد قيصريه ..

حماتي بجرها قيصريه وعيالها الباجي كلهم طبيعي .. وامي نفس الشي

وانا اول ولاده لي قيصريه والحين ان الله سهل ان شاءالله اولد طبيعي


وعادي اذا كان بين الاول والثاني 6 شهور او اكثر

 

[New_bride]

تقدرين تولدين طبيعي مو شرط اذا الاولي قيصري يعني الباقي قيصري
انتي بس ادعي الله يسهل لج

 

[انجبر قلبي]

نصيحه لا تحاولين تولدين طبيعي وانتي حوضج ضيج
راح تتعبين وبالنهايه احتمال كبير قيصري ثانيه
انتي تعبتي بولادتج الاولى لانج حاولتي طبيعي و بالنهايه قيصري و معاناه القيصري
الولاده الثانيه اختاري قيصري ع طول بدون معاناه بدون فايده احسن لج
و اختاري ابرة ظهر مو بنج عام و صدقيني بتحسين بفرق ان الثانيع وايد احسن من الاولى
لاني جربت الاولى كانت نفسج ولاده معاناه و حولوني قيصري عشان الرحم ما قاعد يتوسع لمه تعب البيبي و قل نبضه
بس كنت بنج عام و حييييييييل تعبتي

الثانيه حاولت طبيعي و اصريت اني اتحمل و يوم كامل تحملت الطلق والالم و نفس المشكله الرحم مايتوسع
طلع عندي مشكله بعنق الرحم ان وايد ضيج فماراح تنفعني محاولات الطبيعي
دخلت العمليه الثانيه علا الراحه و بنج موضعي ابره ظهر
والله ماحسيت بشي و كانت ولادتي وايد احسن من الاولى و التعب اقل

و لاتخافين وتخلين الخوف يسيطر عليج راح اتييبين حق نفسج الشقى


و علا فكره امي نفسج مشكلتج حوضها ضيج و يابتنا احنا الخمسه كله قيصري

 

[انجبر قلبي]

انا مع البنات ان يحاولون طبيعي بعد قيصري ووايد نجحوا بهالشي
بس يابنات يعتمد علا المشكله نفسها
اذا المشكله ماكان عيب خلقي فيها مثلا بالبيبي اوكي
لكن فيها عيب الحوض ضيج فلا تجازفين و اتعبين نفسج عالفاضي
نفسي حاولت و حيل تعبت وانا احاول و نهايتي قيصري لان عنق الرحم عندي من الله ضيج حيل مايتوسع

 

[ام عبد العزيز م]

الله يهون على كل حامل