لا معقول يا حبيتي ضي .... لا حول ولا قوة الا بالله
عساها يا رب خيرة ... عسى ربي ما يردج خايبة لا يضيق صدرج ولا يضيق صدر زوجج احنا مسيرين مو مخيرين وما تدرين وين لصالح في ورب العالمين ماهو بناسيج واكيد اكيد راح تختارين من بعد اذن الله المكان الاصلح لج
رب العالمين كريم ورحيم وقادر انه يرحم حالج ويكرمكم بالذرية الطيبة الصالحة ... ما راح ارفع من معنوياتج لاني عارفتج واثقة برب العالمين واهو كفيل يبدل حالج من حال الى حال افضل
ضي جربتي تتعالجين عند الفريق البلجيكي اللي يزور عياة ماجدة اليتامى؟ او جربتي تسألين عنهم ؟ ذا ما جرتبي طقي هالباب يمكن فيه خير لج؟
قلبي معاج هذا كل اللي اقدر اقوله لج وعسى ربي ما يردج خايبة ولا يرد لج حاجة الا وقضاها لج
ضى الايمان
تسلمييييييييييين يا ام عبووودى 000 تسلمييييييييين يالغالية 000
صدقينى ما اجذب عليج اول ما سمعت الخبر تضايقت ودمعت عينى وبعدين تعوذت من ابليس وقلت اللى كاتبه الله بيصير وانها ان شاء الله خيرة لنا لانج مثل ماتعرفين للحين ماديا مو مدبرين نفسنا للندن الحمد لله على كل حال الحمد لله 000
وانا متاكده وواثقة من كلامج ياعمرى بانا مسيرين لا مخيرين وواثقة اكثر برحمة ربى
لا ياعمرى ما جربت على الفريق البلجيكى هنيه بالكويت 000 مادرى زوجى اللحين يقول بيحول يا الاردن يا مصر بيشوف شنو الاحسن من كل النواحى
وبقول لج شى ياعمرى وافتخر فيه واقوله بعلات صوتى انا واثقة انه بدعاءكم لى الله ييسرها لى ولزوجى اللهما كتب لى نصيب بلندن لانها خيرة لنا 00 وبفضل الله ثم بفضل دعاءكم الصادق ومن قلبكم لى ربى يسرها لى وما طلعت الفيزا الحمد لله
والله والله يعلم الله قاعده اقول هذا بفضل الله ثم بفضل دعوة خواتى لى بظهر الغيب وان شاء الله باذن واحد احد بيسرها لى ويرزقنى عن قريب والفضل لكم بعد الله
وعسى الله يرزقج ياعمرى ويرزقنى ويرزق كل محروم ومحرومه منهم اللهم امين يارب
