الحمد لله سويت نحت وشفط لجسمي الخميس اللي طاف....بس .....!!!!

[NANOOSAA]

بنات الحمد لله سويت نحت وشفط لجسمي لكن في مشكلة .... جسمي يحكني حيل لما البس الكورسية ويوم عن يوم الحكه والتنميل يزيد.... شسوي ؟! لا تبخلون علي ساعدوني :eh_s(8):

 

[بنت الاحلام]

الله يعينج وباذن الله نتيجه طيبه

 

[الأميرة جوري]

الحمد الله علي السلامه...يمكن عادي استشيري الدكتور علشان تتطمنين

 

[Turquoiseya]

ماعندي فكرة
بس الحمدالله على سلامتج

 

[NANOOSAA]

مشكورين حبايبي :eh_s(7): هاااااا وينكم احد عنده حل حق هالبلشه ؟! بس قاعده واتحكك جني جربه ههههههههه

 

[Turquoiseya]

شوفي انا تذكرت شغلة لما كنت البس الكورسيه

كنت البس بلوزة قطنية واندر وير للنص الفخذ همن قطن
عقبها البس فوقهم الكورسيه 00 اذكر انه خفف عني الحكة شوي

 

[** رش رش **]

اولا حمدالله على سلامتج و ان شاء الله تشوفين نتيجه حلووه
ثانيا هالشي طبيعي و انا اخذت فتره كم يوم و بعدين راحت الحكه من نفسها

 

[** رش رش **]

اي صج وين سويتي عمليتج و منو دكتورج و شنو المناطق الي سويتيها و كم كلفتج و كم شال منج دهون
نبي كل التفاصيل حبوبه

 

[كويتية بروما]

حمدلله ع السلامه
تفاصييييييل حبوبه نفس اساله رش رش

 

[$نرجس$]

الحمدالله علىسلامتج

 

[NANOOSAA]

حاضر والغنيمة تامرون امر ... بس ها مو تقولون دعاية ومادري شنو ... احنا بشهر فضيل وانا ودي اقول تجربتي بس اخاف الصراحه احد يطمر لي ويقول لي دعاية واللي تقول لي حرام...
اولا دكتوري اهو عبدالرضا لاري...
طولي 174
وزني بميزان عيادته 68 اما ميزان بيتنا 71 :bbbiu: ليش مادري هههههههه
انا سلمكم الله كلش مو متينه اصلا اول ماشافني قال لي جسمج حلو ليش تبين تسوين قلت له دكتور خل افصخ وشوف... لما شاف قال فعلا تحتاجين تشيلين من خواصرج وبطنج وظهرج... وقلت له ابي تعبي لي مؤخرتي لانها ممسوحه لازقه بظهري... هالحجي كان قبل رمضان بيوم.. يوم الاحد...يوم الثلاثا رحت له اتفقت معاه ... كون ان بيني وبينه علاقه شغل ماشفت صراحه اللي سمعت عنه ان عيونه زايغه او يتحرش كان رسمي معاي جدا وكنت يايتله عن طريق توصيه... عموما اول شي قال لي 3000 دينار .. انا بققت عيوني قلت له دكتور وايد حق شفط صراحه .. اقصاه شفط يعني مجرد يشيل من خواصري وظهري وبطني... وانا كلش مافيني دهن... مني مناك كاسرته لما وصلت 2600 مع الكورسيه ... مصيبه الكورسيه بس 110 وشريت ثاني يوم مراجعتي الثانيه اللي كانت الاحد .. يعني دفعت 2710 ووصف لي كريم بعد احطه مرتين باليوم ب 28 من عنده ... المهم خلصت معاه طلب مني اسوي تحليل دم سي بي سي سويته بالخاص كلفني 8 دناننير ... قال لي تروحين المواساه الساعه 9 صايمه ... طبعا انا من الخرعه مانمت وافزع الساعه 10 ميته خرعه هههههههههههههه وادش دار اخوي واقعده من النوم مسكين فززته المهم وداني المواساه ... قلت لهم انا ابي غرفه خاصه عاديه وبقعد جم يوم لاني ادري مارح اقدر اتحرك واهلي لاهين .. خذو مني 500 دينار ... دخلت المستشفى وبعدين نزلوني العمليات وياتني دكتوره البنج ... وبعدين ياني دكتور لاري وفصخت هدومي وصورني من كل الجهات وتالي خططني... دخلوني الغرفه بنجوني... قمت الحمدالله ملبسيني الكورسية ... اكتشفت ان بنج الخاص ماساااااه .. انا طول عمري اسوي عملياتي بالاميري بنجهم خفييييييييييف بس الخاص لوعه تخيلوا طلعت من العمليه بس ارجع وارجع .... اول 3 ايام الم قوي جدا بس مو لدرجه اني بموت ... الله يعافي المسكنات بس ترى جدا متعبه واللي بتسوي من ورا اهلها ترى رح تنكشف بسرعه لاني كلش ماكنت اقدر اقوم بدون لحد يساعدني ... كانت حركتي جد جد صعبه واتلوى من العوار ولما برجع السرير احاتي شلون بقعد واشلو بنسدح تخيلو.... المهم قعدت بالمستشفى من الخميس لما السبت ... معاملتهم زينه ماهي ممتازه ولا هي سيئه ولكن جيده .... الغرفه عاديه واقل من عاديه وانا ماحبيت اقط فلوسي على الغرفه ومادري شنو لان محد بيزورني بس امي واخواني .... يوم الاحد رحت له شال اللزقات عن الغرز ... مبدئيا طلع لي خصر ماكنت احلم فيه صراحه وانا كلش ماعندي خصر جد نحتني نحت اللي اهو انعجب بالنتيجه ... المؤخره لما الحين متصلبه مادري جنه مو عاجبتني وايد احس مادري يابسه حيل ومو مدوره مثل ماكنت ابي بس الحمد لله والشكر لله احسن من اول :eh_s(9): حيل وارم جسمي وبقع عاديه مو وايد ولا شوي يعني اقدر اقول مبدئيا شغله عاجبني ... بس الخصر الحمد لله روعه ... لكن المؤخره تهقون تتعدل مع الكورسيه ؟؟؟ احس صبه وحده مع ظهري ... يمكن لان ظهري وارم ...
الحين ميزات الدكتور جدا واثق من شغله ويعطيج لوك طبيعي جدا
عيوبه كله مستعيل ومايعطيج ويه , يمكن عشان بيني وبيه شغل ماقدر يطيح الميانه ؟ اي نسيت شي ثاني ........ اسعاره ناااااااااااااااااار
لحد الحين دفعت 8 دنانير حق التحاليل
2600 اول مره حق الدكتور
500 حق المستشفى مع اقامه ليلتين
138 حق الدكتور ثاني مره للكورسيه الثاني والكريم
وسلامتكم
واي سؤال انا تحت امركم​

 

[NANOOSAA]

شال مني 4 لتر نسيت اقول​

 

[AF (&-&)]

الحمدالله على السلامه

 

[شارليز ثيرون]

الحمدلله على سلامتج

 

[sheraZia_Q8]

الحمدلله على سلامتج

 

[shams2008]

الحمدلله علي سلامتج

 

[qa6wa_q8]

لبسي فنيله قطن وانصحج للفتيان الرحالين البيضه حيل بارده وفوقها لبسي الكورسيه بدون هاشي ليتحسس جسمك ويبقع احمر وما يروح لانه الكوريين حار والماده أتحسس

 

[qa6wa_q8]

وع ليش بدايات المهم لبسي فنيله قطن وانصحج للفنيله الرجاليه البيضه وفوقها الكورسيه ابرد ومايتحسس جسمج *

 

[منو انت]

ان شاءالله تعجبج النتيجه والحمدالله على السلامه

 

[** رش رش **]

اشدعوه 2600 دينار شغل ايده صج اسعاره ناااااااااار
انا سويت شفط بطني و الخواصر و الفخوذ و الزنود و شوي من الظهر 1500 شغل ايد الدكتورة و شالت مني 9 لتر
صج اني للحين ما شفت النتيجه الي ابيها بس بصبر و الله كريم
ان شاء الله تشوفين النتيجه الي تسرج
و صج ما اخذتي قياسات و محيط الاماكن الي بتشفطينها قبل العمليه .... علشان تقارنين و تشوفين النتيجه
و طمنينا عنج حبوبه و باشرينا بالنتايج اول باول