سويت ليدي ..
باك ..
..
هلا وغلا
الله يسلمج من كل شر ويعافيج
بخصوص الصدر
انا ماتكلمت مع الدكتور اشرف بالتفاصيل وتوني أدري منج
انه مايسوي الجرح الي من صوب الحلمة
وبيني وبينج افضل لج .. لانو راح تفقدين الاحساس بالحلمة ..
اعرف وحدة مسوية تحوير وسوت صدرها وحطلته حشوة سيلكون
وشكله حلو ماشاء الله وشفته شوف عيني بدون ستيان
طبعا الله يجزيها خير اهي تعاونت معاي لاني انا وياها بالهوا سوا
عمليات تخسيس وبعدين ترهل الجسم
طبعا اهي تحوير وانا تكميم ..
وشفت صدرها ماشاء الله حلو بدون ستيان
وقلت لها وين الجرح ماشوفه .. من الحلمة ؟؟
قالت لا بثنية الصدر ..
وارفعته وشفت الجرح بالثنية جدا خفيبف ومو واضح
وطوله 3 الى 5 سانتي
للامانة انا ماشفتها فيس تو فيس شفت صور ..
لانها في الرياض ,,
فكنا نسولف عن طريق الوتساب .. ودزتلي الصور
ماعلينا .. هذي النقطة الاولى ..
وانتي استخيري وشوفي الي يريحج
...
بخصوص جرح البطن ..
انا ماسويت جرح من الخاصرة للخاصرة لان ترهلي بكل مكان
قررلي الدكتور يسويلي شد حزامي دار مادار الحوض مثل الحزام
وسبق وحطيت صور على شكل ولون جرحي
في الصفحة الرابعه في نفس الموضوع مشاركة رقم 54
وبــ أرد احطها الحين وبعلق شوية تعليقات لانو صار في تغييرات بلون وشكل الجرح
...
بخصوص اختج وفخوذها
انا بعد عقب ماشافني قررلي شد الفخوذ وقالي مثل ماقال لاختج
شد طولي من الداخل ,,
الجرح بيكون من منطقة العانة الى الركبة
بس انا مترددة من هالناحية وبحاول اخليه يسويه جرح عرضي
الي اهو بخط البكيني وخط الخلفية ..
بس مادري هم مو بكيفي اذا كان الترهل كبير لازم طولي مثل الي قاله لاختج
وانا صراحة ترهلي كبير
..
بخصوص الزنود
الاثر لازال موجود بس خف عن اول ولونه لحمي غامج او تقدرين تقولين بني فاتح جدا
شكلهم حيل حلوين ماشاء الله
ولو انه في اختلاف بسيط والزند اليمين اكبر بشوي من اليسار بس مو ملحوظ
الا للي يدقق وخبرج لانه جسمي فقاعده ادقق يوميا كل ما ابدل او اتسبح ادقق بالشكل
بخصوص الخياط
الخياط كبس على طول الجرح
يعني خل اشرح لج ..
مو جذ الكبس ++++++++
لا يعني الجرح جذي ------------ والكبس هم جذي -----------
فوق الجرح كابسين
يعني على طول الجرح مو عكس الجرح على شكل زائد
مادري اذا واضح شرحي اول لا
والغرز ذابت مع إلتآم الجروح
اللهم شال لي الغرز الي اول الجرح وآخره بس
اما الغرز الباجية تذوب بالجسم بروحها
واصلا الغرز وحده الي انشالت فعلي
الباجي السستر تسحبها وتطيح ع طول لانها ذايبه اساسا
وبس هذي بقايا منها
..
بخصوص الورم
لا ماورمت الزنود بس صار كدمات ازرق وبنفسجي و وردي واحمر وكل الالوان ههههه
اما بطني لا الحمدلله ماصار فيه كدمات بس ورمت
وجسمي ورم كله من بعد العملية لان فيه سوائل
بس الزنود لا مو مورمة لانها اساسا انشدت
ايديني ورمت وكل جسمي الزنود ماورمت بس كدمات
...
بخصوص متى امارس الحياة الطبيعية
مارست حياتي عادي من 3 يوم ..
بس مارست حياتي الطبيعية من 3 اسبوع
يعني روحة الحمام والقعدة والقومة والنومة وكل شي كان طبيعي من 3 اسبوع
وعموما تدريجي بتحسين بالتحسن عرفتي
..
بخصوص تبير الصدر بالدهون
يقولون يخف لانه دهون وتذوب اول وتالي مادري انا هذا الي سمعته
بس ماشفت احد مجرب ..
وانا لما الدكتور احمد مساعد د. اشرف شاف صدري قال لا ماينفع دهون
لازم لازم حشوة ..
وقلت له انا من كثر ما احوس بالنت اكتشفت انه أأمن شي للصدر من بعد حقن الدهون اهو السيلكون صح؟؟
قال : صحيح هالكلام ..
,,
اتمنى انه جوابي كافي شافي لج
واذا في نقطة ماذكرتها علميني ,,
وبجاوبج ان شاء الله بإلي اعرفه وعلى حسب تجربتي
ربي يسهل لج ويسهل لأختج يارب .. موفقين
دعواتج يالغالية
