الحمدلك يارب ....وأخيرا سويت شفط وشد البطن عند الدكتور أشرف

[yasooo]

الله يسلمج أخت ندى أنا سويت صدري وبطني بس االم بطني أقوى من الصدر بس الحمد لله كل يوم اخف وانا اليوم 3 والحمد لله

 

[NODA 2]

تقومين بالسلامه ياسووو انتم سيروو ونحن من ورئكم بس ياسو جم يوم قعدتي بالمستشفي انا ودي يوم واحد ولو علي ولا يوم بعد

 

[yasooo]

أنا قعدت يوم واحد بس

 

[n00nah]

مرحبا بنات شلونكم مبارك عليكم الشهر وتقبل الله صيامكم وقيامكم

ياسو حبيبتي طمنينا عليج انشالله احسن

نودا عقبالج انشالله ونفرح بقومتج بالسلامه

انا الحمدلله بخير بس السره لحد الان يبيلها وبروح اشتري كورسيه اصغر انشالله

 

[NODA 2]

علينا و وعليج نونه

 

[yasooo]

مساء الخير أختي نونا اليوم اول مراجعه ما شال البربيش بس غيرلي عالجرح
بس تعبانه من البربيش

 

[yasooo]

مساء الخير أختي نونا اليوم اول مراجعه ما شال البربيش بس غيرلي عالجرح
بس تعبانه من البربيش

 

[NODA 2]

ليش بنات البربيش جم يوم يبيله و ينشال وايد ماتشوفين شر ياسووو

 

[ii DareeN ii]

اتوقع البرابيش مايشيلها اذا قاعدة تصرف وايد سوائل لمى توصل لمنسوب معين يشيلها بالعموم اهي موذيه بس لصالحج لانها قاعده تطلع السوائل

 

[n00nah]

هلا والله ياسووو حبيبتي اتوقع ثالث مراجعه يشيلهم لاتحاتين صج يتعبون بشيلتهم بس ماعليه هانت بشري شلون العوار معاج وانشالله أخف
اختي نودا علي حسب السوائل
انا رحت امس للدكتور وكعادته الدكتور اشرف مسافر وشافني الدكتور احمد السره اوكي والجرح اوكي بس الانتفاخ لحد الان احس فوق خياط الشد اكثر انتفاخ كأنه تجمع سوائل
عطاني الدكتور كريم جل لاخفاء الاثار والندب

وقاللي استخدمه لمدة شهرين مع التدليك وقاللي اعملي رياضه مثل السباحه

 

[NODA 2]

عاد امس كنت عنده خلاص ان شاء الله الاربعا الياي عمليتي الله يسهل

 

[yasooo]

أخت ندى عسى الله يقومن بإسلامه شنو بتسوين والدكتور رد الكويت

 

[NODA 2]

هلا ياسو الدكتور ان شاءالله راد يوم الاثنين او الثلاثاء و عمليتي يوم الاربعا باذن الله
انا بسوي بطني شفط دهون وشد و كنت مفكره اسوي صدري بس للحين بين اي ولاء اليوم بروح عند دكتور احمد علشان الكورسيه و اوراق دخول المستشفي الله يسهل

 

[كلـــــي غنج]

السلام عليكم

مبارك عليكم باجي الشهر


نونة

شلونج طمنيني عليج..

...

نودا ..

ربي يسهل لج وتقومين بالسلامة

...

ياسو الحمدلله على سلامتج ..

بشريني عنج شلونج الحين ..

وشلون الالم خف معاج

ربي يتمم لج على خير يارب

 

[yasooo]

السلام بنات
كلي غنج أنا الحمد لله أحسن الييوم مراجعتي والله كريم



نودا الله يوفقج وتحصلين النتيجه الي تبينها:yaaaaaarb:

 

[n00nah]

وعليكم السلام اختي كلي غنج شلونج

تقبل الله طاعتكم

آنا الحمدلله بخير صرت استخدم جل اخفااء الاثر وانشالله احصل النتيجه اللي ابيها اليوم بروح اشتري اصغر من كورسيه القديم
الاتنفاخ لحد الان بس اخف

ياسو عسي دوم انشالله بخير ديري بالج علي نفسج

 

[كلـــــي غنج]

السلام عليكم
هلا نونا انا الحمدلله طيبة


عساكم دوم بخير يارب

ربي ينول كل وحده مرادها

موفقين ان شاء الله

 

[yasooo]

السلام يالجميلات
أنا الحمد لله شلت البربيش وشال شوي من الغرز بس ليلحين مشيتي مو زينه أنا صارلي 12 يوم عادي

 

[كلـــــي غنج]

وعليكم السلام


هلا ياسو ، ،
الحمدلله ع سلامتج
اي حبيبتي بخصوص المشية عادي

ان شاء الله من اتمين 20 يوم او 3 اسابيع بتكونين اوكي

انتي شديتي بطنج وضبطتي صدرج بالسيليكون عدل ؟؟

السموحة والله نسيت ادري سويتي بطنج بس صدرج مو متأكدة

بالتوفيق حبيبتي

 

[NODA 2]

شلونكم بنات شعلومكم واااااااااااااااااااااااااااي حدي ميته خوف ما ادري شفيني بس احاتي عيالي
اي والله ياسو فيدينا بعملية صدرج شنو سويتي وشنو احساسج بعد العمليه ويستاهل والواحد يسويها
الله يقومج بالسلامه