الحمدلك يارب ....وأخيرا سويت شفط وشد البطن عند الدكتور أشرف

[NODA 2]

هلاا كلي غنج قتله ابي بطني و صدري و عندي خواصر شوي قتله مو عاجبيني بعد الفحص قالي الصدر راح يحط حشوه 375
و البطن يبيله شفط و شد و الخواصر قالي لاء انتي ضعيفه مايبلج و طلب مني تحليل
و يوم الاربعا بيكون الدفع مع تحديد قياسات الكورسيه ما ادري المشد الي اهوو علي قولته
بس محتاره بين مستشفي السلام ولا السيف انا قتله السلام بس جني متردده

 

[كلـــــي غنج]

على خير ان شاء الله

والله انا عمري ماجربت لا السيف ولا السلام

بس لو اني مكانج بختار السلام

بتسأليني ليش بقولج مادري

بس مرتاحة لها معن عمري ماجربتها

استخيري وربج يرشدج للصح ان شاء الله

 

[n00nah]

قوة شلونكم ياحلوين
كلي غنج انتي شلونج بشرينا عنج كل شي اوكي وشلون النتيجه معاج انشالله مرضيه
انا ابشرج الحمدلله احسن بس الانتفاخ لحد الان موجود وخاصه فوق الخياط وأحس فيه تجمع سوائل ...السرة والله خايفه ماأجي صوبها بس اليوم من الفضول الزايد بطلت اللزقه والا دار مدارها أحمر وعلي جلد اصفر مادري واهي بدت تكمش علي داخل مادري هالوضع اوكي او لا

اليوم انشالله بروح للدكتور وهذي أول مرة اروح مراجعه عنده بعد مارد من السفر

نودا حبيبتي الحمدلله سهالات ومبروك حتبقي آنسه علي قولة الدكتور هههههه

لاتحاتين حبيبتي واستخيري بالنسبه لموعدج اعتقد بيكون بنص رمضان جان حاولتي يخليه لج هاليومين

بالنسبه للكورسيه صراحه انا ماعجبني كلش كورسيه الدكتور سببلي حساسيه وبدلته من عند كورسيهات ميدي الطبي وارتحت الحمدلله
بالنسبه للمستشفي انا جربت السلام بولدي كان عملية قيصرية وحلو حتي سستراتهم حبوبات والبنج اوك
السيف ماجربته بس كشكل وفشخره علي قولة الدكتور يجذبج ههههه
مع انه قال آنا ماسوي خلاص بالسلام سلامات يابابا

ايوالله كلي غنج يبيلنا بعد تجربة نودا انشالله نسوي الصدر آنا انشالله شد وتصغيره بس

نودا حبيبتي سهالات انشالله ولاتحاتين والله يقومج بالسلامه
وانتي تدلعي اكثر علي الدكتور بالطلبات اي مكان محتاجه له شفط كلميه عليه ترا يحسبه احيانا من ضمن التكلفة مايزيد


بالتوفيق :eh_s(7):

 

[NODA 2]

صباح الخير شلونكم بنات
خلاص نونه انا استخرة ومرتاحه بس ما ادري ليش فيني خوف من العمليه و السلام انا مجربته 2 من عيالي يبتهم بالسلام اهم زينين بس لما يكون الدكتور معاهم شديد يخافون بس اذا شافو الدكتور طيب يهملون و وايد ناس اشوف قاعد يذمونه ما ادري تغير عن قبل الله يعلم و علي طاري الشفط انا وزني 56 يعني بس هالخواصر الي باطين جبدي ابيهم ينشفطون بس مارضا
بنات بقولكم اقدر اسوي العمليه واطلع ولا لازم اقعد يوم ؟

 

[كلـــــي غنج]

هلا نونة انا بخير الحمدلله

ووضعي اوكي ولله الحمد والنتيجة مرضية وفشيت
ومافيني انتفاخ الا بإيديني شوي موصوب الزنود لا
صوب الساعد يعني الايد نفسها
وبطني مو مسموتة سيدا فيها تفخة بسيطة جدا جدا
ان شاء الله تروح مع العملية الثانية
لان انا ماشديت بطني كاملة
عندي تحت الصدر شحمتين متصلين بالظهر

وهذي يبيلها شد حزامي بعملية بروح
فقال الدكتور مع العملية الثانية بطنج بيصير مسموت ان شاء الله
لان انا يبيلي شغل كثير جسمي كله مترهل
تدرين وزني كان كبير والحمدلله

...


ان شاء الله الانتفاخ بتلاحظين انه خف بشكل ملحوظ
من اتمين شهر ونص جذي هالحروة
واهو عموما يوم عن يوم يخف ان شاء الله

اذا تحسين لازال فيه تجمع سوائل
الحركة تفيدج المشي ممتاز
..
انا لما نزلت موضوعي وقعدت اتحلطم انه فيني سوائل
والبنات ماقصروا وانصحوني امشي وفعلا انا امشي
بس كثفت شوي حركتي بالبيت

يعني مو مشي رياضه لا ..
كأنج تحوسين بالبيت امشي البيت كله تمشي فيه

وبتتصرف ان شاء الله عن طريق البول عزج الله
بس وضعج طبيعي .. لاتحاتين
والسوائل لابد منها

...

بخصوص السرة والله مادري
ديري بالج انا ماصار معاي الي صار معاج

كلمي الدكتور عنها موتنسين ..

...

اي والله يبيلنا هالصدر .. ان شاء الله انا بسويه

بس تحصل لي فرصه لاني اداوم .. وتتوفر المادة اكيد

اعتقد بعد 6 شهور ان شاء الله بقعد ابلش بإجراءاتها

ان الله اعطانا عمر

الله يسهل

 

[كلـــــي غنج]

هلا نودا

الحمدلله بخير انتي شلونج


تقدرين تسوين العملية وتطلعين بس هل انتي راح تقدرين تطلعين من غير شر

يعني اقصد بتكونين تعبانة ويالله تتحركين وتحسن بألم

مادري والله كل انسان وقوة تحمله

انا تميت 3 ايام فضلت اني اتم لاني كنت احس بتعب

لما حسيت اني اوكي وراحت الدوخة واقدر امشي طلعت

الله ييسرلج

 

[n00nah]

اليوم كانت مراجعتي عند الدكتور دخلت علي الدكتور أحمد مع ان الدكتور أشرف موجود قلت لازم أشوف الدكتور عقب مانظف الجرح الدكتور احمد دخل علي الدكتور اشرف وشاف السرة قال للدكتور احمد ليش فكيت غرزها بسرعه المفروض تنطر عليها شوي رد خيطلي جم غرزه في السرة عشان يلمها

الاتنفاخ اللي فوق خياط الشد قال هذا التهاب من القطب الغرز وبيخف
قاللي شكلج مو ملتزمه بالكورسيه مع ان العكس

بس يمكن يبيلي اخذ مقاس اصغر ميديوم


كلمت الدكتور عن السلام قال مشكلة السلام يصدمون بالسعر آخر شي لو طلع المريض ومانقدر نتحكم باسعارهم

 

[كلـــــي غنج]

يالله الحمدلله رب العالمين

دام ضبط لج السرة

وبخصوص الكورسيه انا اشوفج ملتزمة بس يمكن لانه مو مريحج

غيريه واخذي نوعية احسن واصغر

انا كورسيهي ميديوم .. وصارلي يومين قاطته لان وسع علي

باخذلي سمول ان شاء الله

ويمكن خلاص مو لازم البسه

مادري بسأل الدكتور ان شاء الله ..

انا الحين صارلي لله الحمد شهرين و 3 ايام

غيري الكورسيه بأسرع وقت عشان الالتهاب يخف

 

[n00nah]

كلي غنج شلون شكل الجرح الأثر ماخف ؟؟ شد البطن

 

[n00nah]

نودا حبيبتي الله يسهلها يارب

وتبين نصيحتي ارتاحي يوم أو يومين بعد العملية لاتستعيلين بالطلعة

 

[كلـــــي غنج]

نونة

خف بس بشكل بسيط جدا

يعني الاثر لازال موجود وؤاضح بس انه ضعيف
بس كـ لون مبين اغمج من لون بشرتي بشوي لحمي غامج او تقدرين تقولين بني فاتح

 

[كلـــــي غنج]

نفس الصور الي نزلتها اهني من فترة


جذي صاير الاثر


رجعي الصفحات وشوفيه

 

[NODA 2]

سلام عليكم شلونكم كلي غنج نونه
اليوم بروح عند الدكتور بس في شي بنات انا بالنسبه حق الصدر للحين فيني شك علشان حكمه الشرعي
هالشي مخليني وايد اتردد
اليوم لازم انخذ قراري يا اي او لا محتااااااره
الله يعين

 

[كلـــــي غنج]

هلا نودا

انتي للحين ماسألتي عن حكمه الشرعي
اسألي عنه وافضل انج تسوين شي جايز شرعا

عشان ربي يبارك لج وييسرلج

ماتسوى نعيش حياتنا وحنا مسوين ذنب احنا في غنى عنه

 

[سـما]

يا بنات
انا قريت عن الحكم الشرعي لشد الصدر
كان يتكلم عن اذا ترهل الصدر بشكل كبير بعد الحمل والولاده
وانه جائز وخصوصا للي متزوجه

فمن الطبيعي ان يكون
جائز في حالات نزول الوزن الكبير جدا
اللي قاعد يصير في حالات التكميم وغيرها من طرق تخفيف الوزن
فالغالب ان الاوزان كانت غير طبيعية واثرها اكبر على الصدر من الحمل والولاده

ويشترط موافقة الزوج للمتزوجة
وما عندي علم للأمانة
عن شرعيتها بالنسبة للبنت الغير متزوجة

 

[yasooo]

السلام بنات امس سويت عمليتي وحيل الم البطن ما توقعت جذي

 

[yasooo]

بس متى يخف الألم مال البطن

 

[n00nah]

حمدلله علي السلامة يوسو حبيبتي ماتشوفين شر
ماعليه كله جم يوم وانشالله يخف الالم تدريجيا ..انا احس اهو بس الاسبوع الاول بس يعدي انشالله كل شي يهون . يعطيج مضاد ومسكنات والتزمي بمواعيد المضاد اهم شي

الله يقومج بالسلامه وطمنينا عليج

 

[yasooo]

مشكوره يا قلبي وما قصرتي

 

[NODA 2]

حمد الله علي السلامه ياسووو قوليلي ياسوو سويتي بس بطن والصدر طمنيني عنج