الحمدلك يارب ....وأخيرا سويت شفط وشد البطن عند الدكتور أشرف

[كلـــــي غنج]

اي حبيبتي انا بعد طلبت السلام ورفض وقالي انو متهاوش معاهم

عاد مادري اهو له نسبة من الزهير ,, الله اعلم ما احط بذمتي

...

بخصوص الكورسيه دام قالج الدكتور احمد لبسي اي مشد خلاص سوي الي يقوله

انا كل مايقولي شي اسمع كلامه مع انه احيانا ماودي

مثل عندج البرابيش شلتهم عقب 16 يوم

كل ما اروحله يقولي المراقعه الجايه على قولته

بس صج كله لمصلحتنا ..

...

الله ييسر لج امورج وخبرينا شيصير وياج

موفقه خير

 

[كلـــــي غنج]

بخصوص انج ماتدشين الحمام طول اليوم عزج الله

والله مادري ..

انا مامرت علي هالحالة .. يمكن حالة عادية ,,

يعني لاتحاتين ما من خوف ان شاء الله

بس اسألي دكتور احمد احسن عشان تتطمنين

 

[yasooo]

الحمد لله عالسلامه حبيبتي أنا اليوم موعدي مع الدكتور احمد استشاره لان الدكتور مسافر تنصحوني بنات

 

[n00nah]

حبيبتي كلي غنج

شنسوي راح نسمع الكلام وفعلا لبست مشدين مشد فوق ومشد تحت
باجر مراجعتي وعندي احساس انه راح يقول لسه

اهو قاللي الدكتور أحمد ان ثلث انتفاخ البطن راح يختفي إن شآء الله تدريجيا
الحمدلله أحس كل يوم عن يوم يخف العوار

عزيزتي ياسو
نصيحتي نطري الدكتور علما يرد واتوقع ردته 14 /7

 

[عليا89]

اي بنات ترا الدكتور اشرف متهاوش مع السلام
بس انا سوالي بالسلام بعد ماحنيت واذيته عشان ابي الفيزر بالسلام لووووول

حتى والله لمن دخلوني غرفة العمليات لاتشوفون السسترات شلون يلمونه ويسلمون عليه نفس بناته صغااار يقولون له ليش خليتنا والله حتى دكتورة البنج
محبوب عند الكل

وللامانه والله كلش مووو مادي ابداً

 

[كلـــــي غنج]

نونة

اي بعد انا اتوقع انو بيقولج لسه ...

انا كل مراجعه يقولي لسه

بس دامه لمصلحتنا سهالات ,,

وبخصوص الانتفاخ انا جذي انتفاخ تحت السرة مثل الكريشة الصغيرة

وكنت اشتكيله منه

حتى اهني بالمنتدى كتبت وتحلطمت

بس فعلا قاعد يخف شوي شوي وخلال 3 اشهر بيختفي ان شاء الله اتمنى

انا الحين صارلي بالضبط شهر و18 يوم والحمدلله الامور في تحسن مستمر ,,


///

باجر لاتنسين سأليه عن سالفة الحمام عزج الله

انا امس تذكرت شغلة عقب مارديت عليج

وطلعت من المنتدى وقلت اقولها لج اليوم


انا لاحظت من طلعت من العملية عكسج

بسرعه انحصر وعلى طول لازم اروح الحمام

يعني اقصد اذا انحصرت عزج الله .. ماتكون بسيطة وماتتأجل

كأني مطولة ومخلية روحي لين ما مثانتي احصرتني ع الاخر فاهمة قصدي

يعني اذا بدش الحمام افرغ المثانة تكون الحصرة بأقصى مراحلها ولازم ادش الحمام حالا حالا

جذي ملاحظة من عمليتي مادري اذا له شغل او لا

انتي كلامج واستفسارج نبهني ولا ماكنت منتبهة اساسا

 

[كلـــــي غنج]

ياسو

نطري دكتور اشرف احسن

ولا قصور بدكتور احمد بس خلي الدكتور الي بيسويلج العملية اهو الي يشوفج


عموما حتى لو رحتي لدكتور احمد .. بالنهاية لازم يشوفج د اشرف

ليش الطوالة

اختصري على عمرج ونطري د اشرف احسن

وانتي براحتج

موفقه

 

[كلـــــي غنج]

علوي

اي صح متهاوش معاهم وانا استغربت لما قلتي انو عمليتج بالسلام

عبالي رد تصالح وياهم

بس دامج تقولين يتحضنونه وجذي ليش هدهم

الظاهر متهاوش مع ادارة المستشفى والله اعلم

 

[n00nah]

كلي غنج
ليمتي لبس الكورسيه !؟


وفعلا الانتفاخ قاعد يخف حتي نفخة اللغلوغ ،..الحمد لك يارب :yaaaaaarb:


علي فكرة كان وزني قبل العملية 86
وماراح اوزن الا بعد شهر ونص

والحمدلله ان شاء الله ناوية اخفف وزن اكثر مع الصيام برمضان

 

[كلـــــي غنج]

نونة

انا قالي لبسيه 3 شهور ,,

عاد مادري عقب 3 شهور بيقولي لسه او لا ..

بس عموما انا اول الايام كارهة الكورسيه ومومتقبلته خاصة اني ورامة

وضاغط على جروحي ,,

وانا قمت من العمليات ماكانوا ملبسيني ياه لبسته رابع يوم من العملية

ف حيل ماكنت متقبلته

وأبي فرقاه

بس شوي شوي ولما بدت جروحي تلتأم والورم يخف ارتحتله حيل

وبلعكس اذا قطيته اتضايق

وحاليا وسع علي شكلي باخذ اصغر انا الحين ميديام شكلي باخذ سمول


...

بخصوص الوزن انا دشيت العملية وزني 69

طلعت وزني 73 ونص لان كله ماي وسوائل وشوي شوي

لما خف الماي رجع وزني طبيعي والحين نازل اكثر الحين 68 على مشارف الــ67

بس انا ما ودي اوصل لهالوزن انا الحمدلله طولي حلو 170

ماودي اصير عصلة مرة وحدة

عاد تدرين التكميم مو بكيفي ..

،،،

انتي رمضان فرصتج استغليه ونزلي من وزنج وطلعي نيولوك بالعيد

الله يبلغنا رمضان ان شاء الله بصحة وعافية وستر

 

[yasooo]

حبيباتي مشكورين عالرد أنا رحت استشاره واعرف السعر بس بسويها عند الدكتور اشرف حددلي يوم ١٨ الله يستر بسوي بطني وصدري

 

[n00nah]

الله يقومج بالسلامه ياسووو

واهو كان محددلي 18 بس انا رفضت لان يصادف رمضان وبكون تعبانه ومو قادرة علي الصيام وماني مضطره اني افطر فقلت ييا اجدم الموعد او أخره

والحمدلله وسهالات من ربي دقيت عليه شخصيا ووافق بتاريخ اللي سويت فيه عمليه


كلي غنج هم آنا طولي 170


علي فكرة بنات الدكتور يوم شاف رقبتي كان فيها حبة خال كبيره علي جنب قال تبين أشيلها قلت اوكي والحمدلله شالها لي مع شفط اللغلوغ :rerrerek:

 

[كلـــــي غنج]

ياسو الله ييسرلج امورج يارب ..

شنو بتسوين بصدرج وبطنج بالضبط ؟؟

شفط شد تصغير تكبير ؟؟


...

نونة

ماشاء الله مثل طولي ..

يعني وزنج قريب للمثالي ان شاء الله تقدرين منيه لين العيد توصلين لوزن حلو ..

لان الطول ينفع ويبين فيه الضعف ع ظول

موفقه حبيبتي

 

[احلى من الحلى]

بنات حبايبى بسالكم العمليه جم ساعه ؟؟؟

 

[yasooo]

كلي غنج حبيبتي أنا بشد بطني وبحط سيلكون بصدري لان يايبه عيال وكل جسمي تعدل بالرياضة الا الصدر والبطن

 

[n00nah]

الحمدلله شال البرابيش عني
وغيرلي علي الجرح وفك الغرز

وواعدني علي الاسبوع الجاي

وانا رايحه لبوشهري مريت كورسيهات ميدي كمفورت وشريت من عندهم كورسيه علي شكل مايوه
لان القديم ضايقني حيل بس والله غالين خذيته علي 75

قاللي الدكتور احمد ان شالله بعد 6 اسابيع راح اعلمج علي موضوع اسهل بالنسبه لاستخدام الكورسيه

 

[n00nah]

حبيبتي احلي من الحلي علي حسب انتي شنو بتسوين
بالنسبه لي انا سبق وبينت ان عمليتي استمرت من الخمس للتسع بالليل
طبعا مادري جم تميت في غرفة الافاقه

 

[*مطبخ الذواقة*]

الحمدالله على سلامتج وانشالله توصلين للوزن اللي تبينه بالشكل اللي يرضيج

 

[لوولووة]

حمدلله علي السلامة انا سويت تكميم وزني ١٦٣ والحين ١١٠ ابي لي وصلت ٨٠ اسوي شد كل جسمي رقبتي صدري بطني ظهري تهقون *جم اخش حق العمليه انا مفكره ٣الاف الي ٤
تهقون كافي

 

[n00nah]

الله يسلمج حبيبتي الذواقه كلج ذوق :eh_s(7):

لولو حمدلله علي سلامتج

أنا حطيت ميزانيه 5000 دينار والعملية كلفتني 2900 شامل الكورسيه والا دويه
فنصيحتي لج اذا استخرتي وعزمتي علي العمليه روحي للدكتور استشاره
وشوفي جم يكلفج وعلي فكره الدكتور طيوب وينزل من اسعاره حيل واحيانا يسويلج جم شغله مجانيه
حاليا مو موجود عنده مؤتمر في مصر نطري علي 14 /7 وروحيله وبعدها اعملي حسابج وخشيلج مبلغ حلو