تسلمون حبايبي الله يسلمكم وشكرا علي مروركم :eh_s(17):
في البداية صراحه كنت مترددة حيل علي موضوع العملية بس حسيت انغثيت في الشكل ومو راضي يضبط علي أي لبس جسمي الحمدلله مافيه شي بس موضوع نطة الفتاق واهو فتاق العضلات من بعد خمس ولادات مزعجني حاولت بالمشدات وقمت اداري هالبطن وماكو فايده :bbbiu:
قلت يابنت مالج الا المشرط خلاص اخر الدواء الكي :eh_s(11):
:eh_s(10):قمت احوس علي الدكاتره وماخليت أحد حتي الحكومي رحتله طبعا الحكومي البرود اللي فيهم مو طبيعي غثوني بزياده
ومن تجارب بعض البنات ومشاركاتهم حسيت ان الدكتور أشرف هو التوب في موضوع التجميل وحتي لما رحت عيادته ارتحتله وكان يشجعني في كلامه .... أستخرت والله ثلاث ليالي ورحت أحدد عنده موعد العملية رحت في الموعد لعيادته طبعا مالقيته لاني كنت جايه مبجر واهو كان عمليات فاضطريت احدد الموعد مع سكرتيرته علي فكره اهو شايفني من قبل بس جايه هالمره احدد موعد العمليه ,,,قالتلي ماكو مجال أقرب موعد لعمليتج 18 -7
وطبعا قبل رمضان بجم يوم ورفضت واتصلت علي الدكتور وقلت دكتور أبي أقرب موعد اذا في مجال قال خلاص تقدرين باجر بعد الظهر في مركز الزهير ,,, قلت طبعا مايبيله :eh_s(9): اوكي دكتور
ورديت للسكرتاريه ودفعت لها حساب الدكتور 2000 دينار
جهزت شغلي والله يابنات ليلتها مانمت بس أصلي واتحلطم عند عيالي من الخوف :eh_s(11)::eh_s(16):
موعد عمليتي بنات المفروض الساعه 2 الظهر وقايلي الدكتور لازم اكون علي الاقل في مركز الزهير علي الساعه 11 الظهر ,,, كنت أنا واختي اهي اللي دخلتني حبيبتي واعليه بس تحاتي أكثر مني :eh_s(2):
نطرت للعصر ماشفت الدكتور لان كان عنده تقريبا 3 عمليات علي الساعه اربع العصر وصل وجاني الغرفه وقام يخطط علي بطني خطط للشفط ومكان الشد وحدد علي ظهري مكان الشفط والخواصر وكان عندي شامه كبيره في رقبتي قال راح اشيلها لج واشفط لج اللغلوغ .....حدي استانست
قال خلاص بعد شوي انشالله تنزلين .... ونزلوني عمليات الساعه 5 العصر وتخيلووو بنات متي خلصت ,,, خلصت الساعه 9
طبعا رديت دايخه من البنج ومو قادره اتحرك وبس عزكم الله أرجع وكان معاي بلغم
دوخني البنج صراحه بس الحمدلله عدت علي خير
بس اللي ماعجبني مركز الزهير صراحه بنات اللي تفكر تسوي عملية خل تروح السيف أنظف وارقا ,, مركز الزهير كلش كلش مو شي
حتي من حيث النظافه والكادر الطبي صراحه فاشلين ,. مو عارفه أنزل الصور بنات اعذروني بس بحاول
المهم بنات بعد العملية جاني الدكتور وقال الحمدلله كل شي تمام وانشالله تمريني يوم السبت اللي اهو اليوم عشان أشيل برابيش السوائل
الكورسيه مو عاجبني كلش ودي أغيره لان مو مغطي المكان عدل .....
رحت العياده اليوم بنات ومالقيت الدكتور كالعاده عمليات بس لقيت مساعدة الدكتور أحمد وغيرلي علي الجرح وقال كل شي اوكي وان شاء الله تمريني الثلاثاء وأشيلهم لج
النتايج لحد الان مو مبينه معاي بس انشالله مع الايام بيخف الانتفاخ وتبان النتيجه
