الحمدلك يارب ....وأخيرا سويت شفط وشد البطن عند الدكتور أشرف

[كلـــــي غنج]

ان شاء الله عمليت تاريخ 12 - 9

توني راده من الزهير حللت دم

امس كنت عند د اشرف وقالي ابيج تحللين بالزهير ..

الحسبة 3 الاف شغل ايده والمستشفى 900 وممكن يوصل لي فوق الالف ع حسب

,,

العملية شفط وشد فخوذ + تكبير صدر بالسيلكون + شد زغاديد الظهر + شفط تحت الصدر ( عندي شوي فات )

+ تعبئة الخلفية ..

والله يسهل ان شاء الله دعواتكم

 

[كلـــــي غنج]

اي تذكرت شغله ..

اهو من سويت العملية ماشافني الا مرة وحده طل علي ثاني يوم المستشفى ومشاني وبس .. يعني ماشاف شغله

امس اول مرة يشوف شغل ايده .. استانس قال ماشاء الله

منو هالدكتور الي مسويلج والله فنان شغله مضبوط هههههههههههه

عاد اخر شي قلت له .. دكتور ضبطني تكفى قال انا مزبطك ..

اي والحشوة اخترناها ان شاء الله 385 سي سي

قال ابي اسويلج طبيعي على اوفر قلت له يعني اي حرف .. قال سي قلت ابي دي

قال لا اوووفر حيل نفس اليسا يصير لا مو حلو انا بسويلج اوفر ع طبيعي انتي جسمج نعوم مايصلح


الله يالدنيا من بعد جسم الفيلة صار نعوم

لوووووووووووووووووووووول

ربي لك الحمد كله من فضل ربي

اي سؤال اناا حاضرة

 

[n00nah]

مساء الخير
كلي غنج الله يسهلها يارب وتقومين بالسلامه حبوبه ماشاء الله تبارك الرحمن الله يهنيج
هم أنا كنت عنده البارحه :d ووصل متأخر وكان بسرعة بسرعة شاف الورمه وقاللي غرزه داخليه وراح تروح ووصفلي مضاد كل 12 ساعة وقال أشوفج بعد 3 أسابيع
بالنسبة للسره قاللي عادي يبيلها وقت وحاولي تلبسين أصغر من كورسيه اللي عندج ونصحني بتمارين لعضلات البطن
قاللي راح اسحبها لج الورمه واتوقع بعد مايخف الالتهاب

هم أنا أفكر أسوي صدري شد وتصغير بس مو عارفه وين
ومادري جم يبيله لبس مشد للصدر ,,, ومتي تبان النتيجه

 

[oum 5ald]

احممم


باجر يمكن اروح أشيل البربيش تعبني وفيني فلونزااااا وكحه وفلم حدي لما أعطس او اكح

امس بآلافنيوز عطست جان اقول ااااااي جان الفلبينيه تقول وااااااات اخترعت لوووووول


شنووو بعد بس خلصو إخباري

 

[كلـــــي غنج]

نونة

هلا يالغالية ,, امين ربي يسمع منج

شن كنتي لابسة لوووووووووووووووووول يمكن شفتج

معاج بيبي صغير ولا لا ؟؟

اي قالي مثل ماقالج غرزة داخلية وصح كان حده مستعجل ووصل متأخر عشان جذي

بيخلص المرضى الي عنده


..

ان شاء الله تخف الورمة ..

نونوووووووووووووو من صجج تقولين وين ,, اسوي صدري !!!!!

اكيد تسوينها عند اشرف مايبيلها دكتور استشاري وشاطر ومتمرس ومجربين شغله

اذا مترددة استخيري

 

[كلـــــي غنج]

لووووووووووووووووووووووول

ام خالد صورعتي الفلبينية .. هههههههههههههههههه استغربت تقول في احد يعطس يتألم

بلاها ماتدري ههههههههههههههههههه

غدا شرج حبيبتي .. اهم شي اني قاعده احاجيج الحين وتساب وارد عليج اهني

 

[n00nah]

كلي غنج لابسه عبايه وكنت مع زوجي لووووول
كنت ثاني وحدة أدخل ع الدكتور جنج انتي الاولي

حتي انا عندي زغاديد مكان خط الستيان من تحت الاباط ومن ورا أفكر اشفطهم
بالنسبة للصدر بنتظر تجربتج كلي غنج عشان تشجعيني :rerrerek:

 

[oum 5ald]

مساء الخير


لووول كلي غنج قلتلج انتي الحب


رحت حق دكتوري اليوم وشال البربيش قلتله ان ليلحين ينزل قال طول ما البربيش معلق طبيعي بيطلع
وعجبه كورسيهي قال صغريه بعد وشال الخياط وقال بعد اسبوع بعطيج كريمات للأثر

 

[كلـــــي غنج]

نونة

ان شاء الله عقب تجربتي انتي تسوين وراي

زوجج كان لابس دشداشة ومغتر ولا لابس بنطرون ابيض وتي شيرت ابيض ؟؟

منقبه انتي ؟؟

جني عرفتج

..

ام خالد

فديتج يالحب

يالله الحمدلله غدا شرج ووضعج تمام .. الحمدلله

ان شاء الله تطلعين بعرس ولد عمج ملكة يارب

بس ها ؟؟ لاتنسين اقري المعوذات والاخلاص وآية الكرسي

..

كل البنااااات ربي يحفظكم وينكم وحشتوني

ياسو . . نودا ,, والباجي

 

[n00nah]

اي عرفتيني ههههههه
صحيح منقبه

انشالله الله يقومج بالسلامه

 

[بحبك وسام]

شلونكم ياصبايا كلي غنج انا الي كان معي بيبي صغير ( ابني حياتي عمرو تلات شهور ) وزوجي لابس تي شيرت ابيض انتي اي وحدة كنتي جنبي قاعده؟

 

[بحبك وسام]

ع فكرة ه عمليتي 13/9

 

[بحبك وسام]

يابنات هو قالي 1600بس شغل ايده كتير ولا حلو السعر ؟

ادعووووووووووولي كتيييييييييييييييير خايفة

انا راح اسوي عملية تضيق المهبل بنفس الوقت لان الحمدلله عندي ولد وبنت الله يحفظهم مو مفكرة اجيب لبعد فترة طويلة سبع سنين او عشرة

 

[n00nah]

بحبك وسام
انتي ماشالله تبارك الرحمن مو محتاجه عمليات جسمج حلو ههههههه عرفتج
الله يقومج بالسلامه يارب

 

[بحبك وسام]

طيب انتي مين اي وحده ؟؟

انا بس شويه بطن حتا معده ماعني بس بطن الولاده بدي امسحها مسح مدايئتني ومدايئة زوجي

 

[n00nah]

انا اللي كنت قاعده ع ايدج اليمين مع زوجي ودخلت ثاني وحده

 

[بحبك وسام]

مممممممممممممم ايه عرفتك حبيبتي انتي تشرفنا

 

[n00nah]

الشرف لنا حبيبتي يسلمووو

 

[العصامية]

السلام عليكم

الحمدلله ع سلامتكم كلكم وعليكم بالعافية اللوك الجديد

ممكن الاخت ام خالد تكتبين لنا تجربتج كامله من ناحية العمليه وسعرها واسم والمستشفي ؟ وليش اخترتي الدكتور محمد مو الدكتور اشرف



وسامحوني ع الازعاج ومشكورين :eh_s(7):

 

[oum 5ald]

بكتب تجربتي وأمري لله اللي ردني ان أنا اي باد فياذيني وايد طوفو البدليات



أول ماولدت بنتي كنت رايحه حق ماجد تقي وقال اسويلج طريقة الحزام ومادري شنو وتكلفج ٤٥٠٠ معا حقن الدهون بالمؤخره
أمي كانت خائفه علي وايد وما خلتني طبعا كرشي يلوع الجبد ووريت كلي غنج صور له برمضان كنت أطالع الجريدة ولا اقرأ إعلانهم مال الليبو ليزر الشفط بالليزر وقريت عنه بالانترنت بعدها قلت لامي قالت روحيله ورحتله قعدت معاه وفهمي قالي ماينفعج ليزر بس الشد أحسن قلتله ماجد تقي قالي ازاله جان يطالع ظهري ويقولي ظهرج مشدود وما يحتاج وحرام اخليلج اثر لي ورأ

المهم عجبني كلامه ورديت البيت شرحت حق أمي

دقت عليه وكلمته حاولت أسويها قبل العيد بس ماكان في مجال وحطيت موعد ٢٥-٨ وموعد العيادة ٢٢-٨
أخذت تحليلي ورحتله بعد ما صليت استخاره كنت خايفه للامانه لان مؤ معروف
وطول ما أنا قاعده اقرأ دعاء ولما دشيت عليه جنه احد كاب ماي بارد علي ارتحت حيل


وحلي موعد الخميس خطط جسمي بالعياده حق العمليه وصورني

ويوم السبت رحت السيف مع رفيجتي وقعدت بالغرفة وانا خايفه ورفيجتي شوي وتبجي لوووول ويحطون المغذي وكلي غنج ويأي عالخط وطبعا أنا بس اضحك جنه في احد يدلدغني يوم دخلت العمليات يوني ٢ ممرضين جان يقولون خايفه قلتلهم لا بس ابي ارد لعيالي قالولي سهالات لأتحاتين دخلوني داخل وانا اضحك من الخرعه جان يقولي واحد هوا انتي واخده برشام ولا حاجه هني قعدت اضحك قلتله من التوتر لما حسيت نفسي خبله انجعمت لوووووووووووول


جان يقولي شمي دا أكسجين قلت بقلبي الف مره ماره علي هال سالفه وأشم جان مادري منو يقولي تصبحين علي خير قلتله وإنتا من أهله لوووووول


هالحجي ٩ تقريبا

صحيت ١٢ ونص بالافاقه وأجيس ابي أتأكد وناسه سيده اول ماشافوني بطلت عيني جان أيوني قلت ابروح الغرفة احاتي رفيجتي وأمي تلقون ناطرتني اول ما شفت رفيجتي كانت بتبجي لووووول تقول اخترعت عليج بروحي


بعدها عادي قمت ورحت الحمام بروحي عزكم الله بس فجأه أنام لوووول يعني حسيت أني ممكن أنام وانا وافقه

ثاني يوم بلش العوار مال العضلات ويبوني امشي وفيني كدحه ولوعه مالت المخدر هاذا اللي تعبني ماقمت اشرب ولا اكل كلش خايفه من الكحه واللوعة


ومددت يوم بعدها صرت أحسن كل ماجست بطني اقول ميخالف لووووول

الدكتور أخذ ١٣٠٠ المستشفى ٧٨٧

المستشفى السسترات كلش ماكو خبره لوعو جبدي كلش مايستاهل بس ديكور عالفاضي بس الدكتور يقول غرفة عملياتهم أنا افضلها واهم شي غرفة العمليات
طبعا اهوا كان مخيرني بس أنا قلت السيف

نتائج العمليه الحمدلله عاجبتني وفي تطور لان توني بالبدايه
الدكتور وايد صادق ماعشمني بشي مايصير وكل شي يشرح لي ويوضحلي مايخليني محتاره

مابي أحط موضوع بروحي لان ماحب لوووول


والحمد لله عالسلامه