الحمدلك يارب ....وأخيرا سويت شفط وشد البطن عند الدكتور أشرف

[ضايعة بالطوشة]

عظم الله اجرج كلي غنج اخر الاحزان يارب

 

[$نرجس$]

غنووج عظم الله اجرك ياقلبي الله يرحم جدتج ويغفر لها ويصبر قلوبكم كلكم

 

[كلـــــي غنج]

نرجس

ضايعة بالطوشة

اجرنا وأجركم يارب

جزاكم الله خير

 

[كلـــــي غنج]

بنات شلونكم ..

الله يعينكم لاهين بتجهيزات العيد ..

نرجوس حبيبتي شخبارج

اتمنى الجميع بخير

 

[n00nah]

صباح الخير شلونكم بنات طمنونا عليكم

كلي غنج شلونج

لالحين موجوده بس فرق عن قبل احس اصغرت وايد بس هم فيه تصلب داخل قاللي لازم اشوفج بعد يومين احاول اروحله باجر ان شاء الله

 

[كلـــــي غنج]

نونة

هلا قلبي
الحمدلله بخير

يالله الحمدلله .. انا ان شاء الله بروح عقب العيد

ابي اشرف مخصوص ماشافني من سويت العملية الا ثاني يوم مرني الغرفة

لازم اشوفه .. سهالات ان شاء الله

 

[oum 5ald]

صباح الخير وعظم الله اجرج ياغنج ...
دبنات اغلبكم مسوين شد للبطن

انا راجعت عمد دكتور محمد اللي بكوزموميديكا
وخذيت ورقه للتحاليل وقالي ممكن اسويلج اياها تاريخ ٢٥-٨

وزني ٦٣ وقاعده اسوي رجيم شبه قاسي وطولي ١٥٦

عندي عرس ولد عمي ٦-٩ تمنين اسويها هالاسبوع بس قالي مايمدي

خايفه اكون متفوخه وخايفه اكون تعبانع مع اني مسويه قيصريتين وتحويل مسار وخايفه من الدكتور

قال بيشد بطني وبيشفط الجوانب والبربيشين واحد بعد ٣ ايام ينشال والثاني بعد اسبوع من العمليه



شرايكم ..؟
انا كنت ابي تقنية الليبو اللي بالليزر بس قال ماتنفعج كللللللش بس ممكن تشوفين نتيجه ٤٠ ٪ شد كرش اما الشفط لابتشوفين جوانبج ١٠٠٪


شورو علي بما انكم سويتي قبلي عسى الله يتمم عليكم بكل خير

 

[ii DareeN ii]

اذا انتي مسوية تحويل مسار وعندج ترهل ولادات سوي شد احسن لج لان الشفط مراح يفرق معاج شيلي الجلد الزايد احسن لج بس اختاري طبيب زين عشان الجرح يطلع نظيف

 

[كلـــــي غنج]

ام خالد

اجرنا واجرج يارب

حبيبتي .. من يوم العملية لين يوم العرس 12 يوم

من صجج والله ماراح تتهنين لا بالنتيجة ولا بالعرس

النتيجة يبيلها صبر ومايروح الانتفاخ الا بعد شهر تقريبا او شهر وشوي

انا الانتفاخ راح بعد شهرين

ويكون جسمج كله سوائل وبتكونين تعبانة

خاصة انج بتشدين وتشفطين

وانا سامعه انه الم الشفط اكثر من الشد

انا اقول اجليها لي بعد العرس افضل

انا اتكلم عن تجربة واغلب البنات اهني يدرون اني كنت اعاني من تجمع السوائل والانتفاخ

حتى وزني زاد دشيت العملية 70 وطلعت 73 ونص

بس من راح الانتفاخ نزل وزني لـ 70 والحين نزل بزود بعد العملية لان شالو مني الجلد الزايد 3 كيلو

الحين يتراوح وزني بين الـ66 و65

وعلى فكرة انا مثلج .. مسوية عملية تخسيس

بس انا تكميم مو تحويل

الله يوفقج واي سؤال انا حاضرة

 

[oum 5ald]

والله مادري الله يكتب اللي فيه خير انا سويت تحاليلي وسالت العياده قالو بربيش ينشال بعد ٣ ايام وبربيش بعد اسبوع من العمليه


العرس مو مهم كثر ما شكلي مهم

موخايفه من شي كثر ما انا خايفه من ان يصير غلطات بالعمليه نفس باجي البنات المساكين

 

[كلـــــي غنج]

اذا انتي مستخيرة ومتوكلة على الله

الله يكتبلج الخير والصالح يارب

انا نصحتج والراي الاول والاخير يرجع لج

اتمنى لج السلامة والنتيجة الي ترضيج يارب

بالتوفيق حبيبتي

 

[NODA 2]

والله ام خالد توكلي انا سويتها بعد ما البنات جزاهم الله خير نصحوني و استخرة و توكلت علي الله
وكاني الحمدالله كل يوم يمر احسن من الي فات و سالفة العرس اذا بتسوين العمليه انسيها لا ان يبيلج فتره علي ما تتعافين تماما
مثل ما قالت كلي غنج والله يسهل عليج

 

[oum 5ald]

نودا حبيبتي جم يوم صارلج مسويتها
وشلون العوار ..؟

انا نفس ماقلت مومهم عندي العرس ولاتنسون ورانا عيد الاضحى تدرون ودي اصور كرشي قبل وبعد

انا الدكتور حسيته وايد مستسهل عمليتي مخليني احس براحه بس ان شاء الله اصلي استخاره واروح موعدي ٢٢


ابي شرح تفاصيل ابي شنو العوار شلون تمشون جم كانت اوزانكم جم صارت سولفو طمنوني بنات كل ٥ دقايق ابطل المنتدي ابي اقرا ماحصل حجي يبرد الجبد

النتيجه شنو

 

[NODA 2]

شلونكم بنات عيدكم مبارك و تقبل الله صالح اعمالنا واعمالكم يا رب
ام خالد انا صارلي الحين 20 يوم الحمدالله يعني اقدر اطلع واروح وارد بس هم للحين احس بتعب يعني احس بشد في بطني لما امشي وهالكورسيه شوي يضايق بس بتعودين عليه
وانا وزني كان 56 طبعا بعد سويت رجيم بعد الولاده و لما سويت العمليه ترا ضعفت اكثر من كثر ما الكورسيه يضغط علي معدتي مالي خلق اكل شي وهالايام الحمدالله رديت اكل بس تحوشني حاله كل جبدي تلقب ما ادري ليش
و مثل ما قلت حق البنات انا اقولج بكل صراحه انا تعبت وايد كان وايد يحوشني هبوط و دوخه و طبعا الالم اول 3 ايام كان لا يوصف طبعا والي يزيد الشي النومه صعبه اول اسبوع و انا انصحج تبين تسوينها سويها من الحين حاولي تاخذين اقرب موعد قبل المدارس ترا يبيلج فتره علي ما تتعافين و نصيحه قعدين يومين في المستشفي انا رديت البيت ثاني يوم علي اساس احاتي عيالي امي زفتني قالتلي لو قاعده بالمستشفي احسن لج وكان كلامها صح لا في المستشفي مسكنهم اقوي علي الاقل اول يومين تريحين من الالم و طبعا مثل كلام البنات اول الايام لازم احد ينام معاج علشان يساعدج لما تنسدحين و تقومين عن نفسي خذيت اجازه من ريلي و رحت نقاهه عندي اهلي هههههههههه الحمدالله امي ما قصرت و خواتي كانوا يتناوبون علي و الحمدالله 14 يوم ورديت بيتي
والنتيجه للحين مو مبيه بس ماكو كرش الحمدالله بس طبعا لازم التورم والانتفاخ يعني يبيله من شهر ونص لي شهرين وعندي رفيجتي ممرضه قالتلي سوي مساج حق التورم كل ما تحطين جل السكار حق الجرح علشان مع الايام يخف تدريجيا

اي سؤال ام خالد لا تخلين بخاطرج انا حااااضره

 

[كلـــــي غنج]

ام خالد نودا ماقصرت

وكل الي قالته مر علينا كلنا

الالم والمعاناة بالمشي والورم ومدة الشفاء والتعافي

اي سؤال سألي ولاتحاتين وأرد واقول

الاستخارة الاستخارة الاستخارة

بالتوفيق

 

[yasooo]

هاااااااي بنات شخباركم وله انه عليكم
بخصوص ستيان ألعلميه متى يتغير والدكتور قال بيعطيني حزام للبطن تنصحوني فيه

 

[كلـــــي غنج]

هلا ياسو شلونج

ستيان العملية اهو يقولج متى يتغير

حزام البطن شنو تقصدين مشد ؟؟

 

[oum 5ald]

صباح الخير

عيدكم مبارك وتقبل الله طاعتكم

مشكوره بعد عمري نودا ماقصرتي عالشرح


بس ترى أنا ما أخذ ابر مسكن مستحيل انسي الفكره كنت ابجي بجي عقب تحويل المسار ابي مسكن بس ماكانو يقدرون غير أبره وانا ابي حبوب

ان شاء الله خير طبعا عقب موعدي راح اقولكم شصار بالتفصيل


وترى أنا ما عندي احد يساعدني يعني أمي زين ماسكه عيالي وعليه عليها لوووول هالمره أنا وعيالي الله يعين
شكلي راح أقيم بالصاله أنا وولدي وأحطلي سرير نازل اقدر اقوم وأقعد عليه

احس ليلحين متردده

الله يكتب اللي فيه خير

 

[كلـــــي غنج]

الله يكتبلج اللي فيه الخير

ويكون عونج يارب

 

[n00nah]

مرحبا بنات شلونكم
بنات احس بالم صوب عضلات المعدة والورمه لحد الان موجودة فوق الخياط مأزمتني

يبيله مراجعه الدكتور