الحمدالله يا بنات ..سويت العمليه وشديت بطني

[سندريــــلا]

السلام عليكم

بنات بكتب لكم تجربتي مع عملية شد البطن وشفط الخواصر

انا من جم شهر في بالي اني اشد بطني خلاص مليت من الكريشه والترهل الي في بطني من سبب الحمل والولاده

وبما اني مو ناويه بعد ان احمل , الحمدالله الله يحفظ لي عيالي ويخليهم لي

كنت طبعااا محتاااااره وين وعند اي دكتور اسوي العمليه وبالاخير استقريت على دكتور عبد الناصر خلاف

شفت وايد بنات بالمنتدى مجربينه ويمدحونه

رحت له كشف علي وارتحت نفسيا وحسيت انه شاطر
شاف بطني وقال هذا ترهل كله اشيله واشد العضلات والجلد اللي من فوق السره راح ينسحب ويصير لي تحت وقالي عندج شويه خواصر لما اشفطهم يصير الخصر واضح واحلى
وانا قلت بما ان بيشفط لي دهون من الخواصر والبطن بعد خل احقن الخلفيه لان خلفيتي صغيره وتصير على طبيعيه وحلوه

وسويت استخاره وطلعت زينه وتوكلت على الله

اليوم لي 3 يوووم من العمليه

سويتها بتاريخ 18 /7 يوم الاحد في مستشفى السلام
ونمت عندهم ليلتين
واليوم طلعت ورديت البيت

طبعااا حاسه بتعب والم وصعوبه بالمشي والحركه وعوار بالظهر لان لازم اكون محندبه الظهر شوي

الله يسهل علي ان شاء الله واتشافى بسرعه

ادعووولي بنات ان اصير زينه واجابل عيالي وريلي

واي سؤال انا حاضره لاني مثل ماكنت ابي استفيد من تجارب البنات اللي قبلي

ودي افيد خواتي بالمنتدى

 

[شموع & دافئه]

الحمد لله على السلامه

واجر وعافيه ان شاء الله

وان شاء الله تكتبين لنا موضوع خاااص بعد جم شهر وتقولين لنا جسمج صار مانيكان

زين سويتى ياللا هذا رمضان على الابواب والعيد يااى ان الله عافاج روحى دورى لج بدله تطلع جسمج
ولا تنسين حبيبتى الاذكار تكفين
عن عيوون الناس

 

[q8y-moon]

الحمدالله علي سلامتج

 

[عسووووولة]

رد : الحمدالله يا بنات ..سويت العمليه وشديت بطني

الحمدالله على سلامتج

 

[العفاسيه]

كلمينا اكثر عن العمليه كم كلفتج وكم قعدتي بالمستشفى

ومتى قطيتي البربيش وشلون الكورسه وياج

والخليفه شلون صارت

 

[سندريــــلا]

الحمد لله على السلامه

واجر وعافيه ان شاء الله

وان شاء الله تكتبين لنا موضوع خاااص بعد جم شهر وتقولين لنا جسمج صار مانيكان

زين سويتى ياللا هذا رمضان على الابواب والعيد يااى ان الله عافاج روحى دورى لج بدله تطلع جسمج
ولا تنسين حبيبتى الاذكار تكفين
عن عيوون الناس

الله يسلمج ويعافيج حبيبتي
ان شاء الله باذن الله بس تعدي الفتره واصير احسن واشوف النتيجه اكتب لكم
الله يحفظنا وصج الناس ماترحم
مشكوره

 

[سندريــــلا]

الحمدالله علي سلامتج

الله يسلمج اختي
مشكوره

 

[softlady]

الحمدالله علي سلامتج


متابعتج

 

[ha2005]

كلمينا اكثر عن العمليه كم كلفتج وكم قعدتي بالمستشفى

ومتى قطيتي البربيش وشلون الكورسه وياج

والخليفه شلون صارت

 

[ii DareeN ii]

رد : الحمدالله يا بنات ..سويت العمليه وشديت بطني

الحمدالله على سلامتج

 

[كحيله وفدعه]

الحمد لله على سلامتج ودي اسوي بس ماعندي ولا فلس ههههههههههه

 

[مس اوبرا]

ممكن سؤال اول شي الحمدالله على سلامتج وانشالله تقومين بأحسن صحه وتقابلين عيالج العمليه هذي ممكن الوحدة تحمل بعدها يعني ماكو منها مضرة ومشكووورة

 

[بشاير السعدون]

حمدالله على سلامتج

 

[اخت خالتهم]

الحمدلله على السلاااااامه

 

[afesa]

الحمدلله على سلامتك وانشالله تقومين وتجابلين ريلك وعيالج
انا سويتها من شهر عند خالد العنزي والحمدلله كل شي تمام بس للحين بطني وارم ...والله لو عندي فلوس جان ما اخلي شي ما اشده ..بس شاسوي صار لي دهر مو ظفه وما اعرف ايمع لي جم بيزه

 

[سندريــــلا]

رد: رد : الحمدالله يا بنات ..سويت العمليه وشديت بطني

الحمدالله على سلامتج

الله يسلمج اختي عسوووله

حياج الله

 

[احب الكاكاو]

حبيبتي االف الحمد الله على السلامة ويارب تتشافين وتلعبين وتناقزين مع اليهال
سوال انا عندي كريشة وترهل بسيط جدا وكرشة عنوووونه اسويها تنصحيني والخياط واضح يبين من الخصر للي الخصر والعملية جم تكلفتها والاهم العوار الحين مقدور عليه وفي شق وايد واضح بلييز ردي علي

 

[سندريــــلا]

كلمينا اكثر عن العمليه كم كلفتج وكم قعدتي بالمستشفى

ومتى قطيتي البربيش وشلون الكورسه وياج

والخليفه شلون صارت

هلا العفاسيه شوفي العمليه كلها تقريبا 2300
الدكتور اخذ 1500 والمستشفى السعر 500 قالي الدكتور مع ليله وحده
بس لما رحت هناك يوم الدخول وله لازم تامين بعد 200 دينار بعد فوق ال 500 على اساس اي زياده لازم يكونون ماخذين المبلغ ..بعد شغل مستشفيات
المشد شريته من الدكتور بالعياده 75

انا نمت ليله زياده لان تعبانه مايكفي يوم واحد و الليله الاضافيه 89

بالاخير المستشفي خذو مني 735 لكن السعر الاصلي 835 بس خصمو 100 لان انا مسويه عمليتين شد وشفط فقالو يخصمون للي مسوي عمليتين

والبربيش مال العمليه اللي يطلع وصخ الجرح قال الدكتور يظل 48 ساعه
اذا طلعتي بعد العمليه اليوم اتييين العياده اليوم الثاني واشيله
واذا نمتي ليلتين اييييج الصبح واشيله
وشاله لي بالمستشفى وافتكييت لان صج ينرفز ويضايق
الكورسيه شاااااد بقوه ظاكني ظك بس لازم يكون جذي

والخلفيه كبرااانه بس لما اجيسها واضغط عليها اتعور شوي لووول جنها مورمه

الله كريم اتحمل شسوي وعلى قولتهم كله ان شاء الله بيعدي

وحياج الله

 

[انتظر حبه]

الحمد الله علي السلامه بغيت اسال كم كان وزنج والخلفيه حقن والا عمليه والنتيجه كم يوم تبين

 

[miss angel]

الحمدالله على سلامتج حبيبتي