الحل مع زوجي المتسبب

[مناير ...!]

عليكم السلام
اول غلط واكبر غلط تصرفين على بنتج
حتى لو راتبج مليون !!
تصرفين على بنتج بكيفج مو غصبن عليج
اهو ماتزوج الا مسئول عن بيته وبنته ومرته
اول شي شيلي ايدج من المصرف وخليه كل شهر يحولج ويحول لبنته ولبيته !!
خو اتزوج واتعيش عزوبي وفلوسك تطيرها على سفرات وخيانات !!
حتى لو وصل الموضوع تشكينه على ابوج
هالكلام مااحد يرضاه

 

[Vous jamais]

اهو تعود على غيابج خصوصا سنتين مو شوية

تعود على عدم المسئولية عايش حياته عزوبي

صعب يتأقلم بسرعة مع فكرة بيت و عيال و مسؤلية ترى سنتين مو شوية

لا تخلين قعدتج معاه مملة و كلها طلبات علشان ما ينفر خصوصا انتي معودته انتي تصرفين

الحين حبيبيه بجو البيت و العايلة , سولفيه عن بنته و انها اذا طلع تفقده

عقب لما يتعود على وجودكم و ووناستكم تقدرين تطلبين شوي شوي

تتدرجين بالطلبات

شفت جم رد من البنات يقولون كلميه و خل يفهم هالسوالف

اهي اتوقع مكلمته و اهو ينفر من الطلبات لانه مو متعود عليها

انصحج تكلمين استشارية اسرية بمشكلتج
كلمي استشارية اسرية

 

[الاحساس الناعم]

انا ابكى الان بسببك

 

[منـــاي]

انتي شكلج ناقصج مقص ؛) هذا بس يبيله تطهير مره ثانيه

 

[الله حق]

حبيبتي السالفه واضحه وضوح الشمس بس كل واحد يرتكب اجرام ينكشف حتى لو كان في بر على راس قمر
واجهيه افضل .. سفره المفاجىء ، فلوسه وين تروح ؟، انتي وبنته ولا على باله ..؟ ، لو كان يدرس صج على الاقل يحس بطعم الغربه ويحس بالوله ،، الااا بالعكس جاكم وماوده يجيكم ولما شفتيه صرتي انتي بدار وهو بدار ..،، الساااالفه مثيره للشك ،، بس هدي اعصابج في مواجهته عشان يكون معاج الحق ...
يمكن انه ربعه ممشينه في طريجهم

 

[دانة_ دبي]

انتي عطيتيه الضوء الاخضر
شلتي كل حمل البيت و تسوين كل شي من الامور المالية و حتى الامور الثانية

خلج حازمة و جادة
من يبغي يسافر مع ربعه لا ترضين و قولي انا مو راضية عليك لو سافرت

و خليه رجال يمعنى الكلمة يصرف ع البيت و يشوف طلباتكم
لا تخلينه صنم
و يتعود عليج و ع فلوسج و انتي تخلصين كل امور البيت و هو يتفرفر من مكان لمكان

ما اقولج تهاوشي وياه بس من يفتح موضوع السفر مع ربعه لا ترضين و قولي لاااااااااااااااااااااااااا

 

[عزيز قلبي]

الله يهديه ويسخره لج ولبنتج اصبري واحتسبي

 

[كياني المجروح]

مشكورين بنات عالردود
بقولكم تطورات الموضوع وانصحوني الله يخليكم
اهو سافر من عشرة ايام مع ربعه وانا حطيت اغراضي ورحت بيت هلي بقعد لين ما يرجع المهم سافر ولا اتصل ولا طرش لي مسج برقمه سبحان الله اذا صار شي اتواصل معاه ولا حتى سالني اذا ناقصني شي او محتاجه شي لي او لبنتي ولا عطاني حتى ريال .
المهم من يومين رجع وطبعا ما بينا اي اتصال ومر بيت هلي وطلب يشوف بنته وقال يبي ياخذها معاه وخذاها
وانا ولا كلمته ولا شفته الصراحه لايعه جبدي منه وكارهته واحس انه غدر فيني
ماعرف شسوي ارجع ولا اتم شنو الصح والله احترت وددي يرجع الزمن فيني واغير كلشي بحياتي
على فكره مدرسة بنتي طالبين تكلفه الدراسه وطرشت له مسج انه الفصل الجاي لازم يندفع مقدم عشان اضمن حجز الكرسي حق بنتي رد علي وقالي انا مفللللللللللس يعني ماكو فلوس سكت ولا رديت عليه باي كلمة

انتظر نصايحكم ارجوووكم

 

[كياني المجروح]

بنات وينكم محد رد علي بليزززز ردو علي

 

[ناتشوو]

اشلون رجع
وبس طلب يشوف البنت

منطقيا
بيدق
ويقول
جهزي نفسج بمرج
خل نرجع للبيت

تمنيت
مادزيتي الرساله
خاصة
انها مااثرت
فيه ولا حس ع دمه

فانت شنو بتسوين
بتنطرينه يسال عنج
ولا بتعلنين رسميا انج زعلانه عند اهلج

اهلج شنو رايهم بموضوعج

 

[شادن33]

وياحبيبتي ليش ماتكلمينه كلميييييييه
ليش معطته فرصه يسرح ويمرح وانتي قاعده على اعصابج !!!!

قوليله تعال بيتنا بكلمك وتفاهمي معاه هذا لامسؤليه ومرتاح على جذي !!!
ماينفع الا الموااااجهه وتفاهمون على وضعكم ومصيركم
واذا مارضا يتفاهم قولي حق ابووووج خلااص

 

[شادن33]

محترررره من برودج >>>> ههههه

يابنات لما تصير لكم مشكله على طول حلوها لاتخلون السالفه تطووول
ليش اتعبون نفسكم بالتفكير حار بحاار

لازلت محتررره

 

[بدوني تتضايقون]

صدقيني هاييلا ما يفيد معاهم الكلام
ولو تكلمتي وزدتي بيزييييييييد زيادة
والله ماعرف شو اقول
الله يهديه

بالضبط مثل ما قالت لج هالنوع من الرياييل ما يسمعون وعلى اي شي يخانقون علشان يتهربون انا نصيحتي لج بما انه ينام بروحه اغريه بكل الانواع خليه يموت لكن لا توحين له انج تغرينه على انه هذا انتي وتدلعي وكلمي خواتج او صديقاتج بالفون وانتي تضحكين عيشي جو ولين قرب منج تدلعي ااكثر وقولي باروح اتمدد لا تياسين جربي انواع الاغراء معاه لين تجذبينه ويعشق الفراش معاج الريال اللي يحصل الزوجه لمفرفششه على قولة اخوانه المصريين يرجع البيت من العشى ولين اعشقج شيبي بغيرج هذي الوسيله الوحيده ولا تركضين وراه خل هو اللي يجيج شوي شوي والله يسخره لج ونصيحه لكل وحده بين فتره والثانيه بدل لا تسهرون على فلم سهرو على احد المشايخ خل يصحون العقول النائمه وعقبها صلو جماعه مع ازواجكم

 

[غزووووووله]

حياتي والله دخلت عشانج بس بقولج لا تخلينه لبنات الحرام وتخربين بيتج
مصيبه هالرياجيل صايريين زباله حشاج بس يدورون شهوتهم ووناستهم وما يفكرون فبيتهم وعيالهم

وبنات هاليومين يخرعون بس يدورون المتزوج
اذا تبين حياتج معاه دقي عليه او قولي له بشوفك برا وتفاهمي معاه
وقووولي كل اللي بقلبج
وفهميمه انج تحملتي لانج تحبينه لان في رياجيل اذا جيتيهم بالعواطف يستحون شوي

والله احتريت عليج والله يسخره لج وما يشوف غيرج يارب
ويعمي عيونهم عن هالبنات

 

[Um Tuki]

حبيبتي مبين انه يسوي هوشة من ولا شي عشان يسافر
اخذي موقف جاد معاه و حقريه

تهاوش معاج عشان يسافر عنج ..
تتوقعين ليش يروح دبي والبحرين..
الي اعرفه البح ينيين يروحون دبي للعبة..
وبالبحرين ماشاء الله كل شي مسموح
حتا اليهال يلعبون
حبيبتي وقفيه عند حده مصخها
فوق شينه قوات عينه..
بس بطريقة صح
اتمنى حد يفيدح بالطريقة الصحيحة
والله يعينج على مابلاج

اختي جايفة البحرين تايلند وانا مادري
انا بحًينية عايشة بالبحرين ماجوف اللي تقولينه
الا اذا انتي ييتي تروحين الاماكن هذي شي ثاني
اللي في البحرين موجود بكويت و بقطر و دبي
الا اذا في شي ثاني انتي تحوفينه انا ماعرفه ممكن

بأكثر من موضوع جفت البنات يتكلمون عن البحرين وجنها تايلند للعلم ان بالكويت اللبس اكثر و الميك اب اكثر والحشيمة لبنات الاصل و المحتشمات بس روحوا المجمع وبتجوفون
وخل تمر سيارة بحريني بالكويت وبعد بتجوفون

 

[ام زاكي]

شسالفتهم رجال هالايام
لا يتزجون ويقعدون عنس ويسوون الي يبونه بدال مايلعوزون بنات خلق الله
الله يسخره لج يارب
بس نصيحه اقري سوره الصافات كل يوم تراها زينه