الحل مع الفحص الداخلي

[سنو - وايت]

يماااااا الله يفكنا من الفحص أنا ميتة خووووف

 

[*دنــيـQ8 ــا الوله*]

وانا بعد اتفق مع الاخت مسلمه 88
الفحص مايعور كثر ما هو يضايق ... وانا بولادتي فحصتني وماعورتني بسسس هو احساس مادري شلون صاير ... وحزة الولاده كانو كل فتره يفحصوني دكتوره دكتور وسستر يعني مابقى احد مافحصني بسسسس كلش ماعورني لاني وقتها كنت ماخذه كمااااام ... بسسس احس انهم بيفحصوني علطول اخذ نفس من الكمااااام... والله يسهل عليج انتي لاتفكرين وايد وتوكلي علي الله *

 

[الفراوله1985]

اي والله الفحص كلش مايعور الولاده اهيا الي تذبح بس شعور خايس لما تفحصج الدكتوره واستغرب من الي تروح الدكتور يفحصها ماتستحي من دكتوره وشصير وجهنا

 

[بولندية]

موضوعج خرعني =(


عاد انا بجر واحاتي الفحص من كثر ماسمعت عنه

 

[سنفورهـ]

هذا الفحص يعور واااااااااااااايد

رخي عشان ماتحسين بالعوار عيل الله يعينج اذا دشيتي الولاده كل 5 دقايق فحص

 

[shak!shoka]

ارجووووج ارجوووج مو ناقصه تخريع انا

بس ليش فحصتني
انا دكتورتي قالت طول التاسع ما افحصج لمن يعدي موعدج عقبه بيوم او قبله بيوم افحص و بسسسس
حتى سونار مو راضيه تسويلي
فديييييييتها طلعت حنونه !

 

[ام الشوامس]

انا كله دكتورتي تفحصني وتوسع الرحم فـ عبالي ان هذا الفحص بروحه هالحركه صج تذذبح 

بس مره كنت تعبانه حدي وماشديت نفسي و فحصتني داخلي الدكتوره ماعورني صح شعور خايس بس عاااادي

و ايد عن ايد تفرق

انتي حاولي تروحين وفيج طلووق عشان يدخلونج غرفه الولاده وفيها كمام عاد شفطي حزة الفحص عشان ماتحسين*

 

[بسانت]

صعب شلون ارخي نفسي
يمااااااه ذكرتوني الله يعينا

 

[FJ style]

تنفسي عدل واهو بروحه يرخي العضلات
ان شديتي بتتعورين

بس الصراحه التوسيع زين عالاقل يعجل الولادة

 

[q8helwa]

يمه بنات مابي الفحص يعور. يذبح


ابي بنج كمام اي شي

 

["فروووحه"]

واااااااي انا للحين مافحصت وميته من الخرعه
انا الجماع يعورني وموقفته فتره الحمل
ومره الدكتوره تبي تاخذ مسحه ومت مت من العوار
اتشنج ماتحمل شي يحوش المنطقه مادري ليش

من الخرررعه قمت ادور بالمواضيع القديمه يمكن القا شي عن الفحص يفيدني
انا بالثامن الحين ونزل علي دم وسويت تخطيط طلع فيني طلق توه بادي وكانت تبي تفحصني بس مارضيت
ابي بنج قبلها والا كمام

شسوييييي كل يوم ابجي من الخوووف ساعدوووني

 

[فرااااولة]

شوفي انا ع ولادتي الاولي نزل علي الماي فطبيعي ولاده، ولما رحت الطواري الدكتوره قالتلي بفحصج قلتلها مابي ابي كمام
حاولت فيني واتقولي ايدي صغيره قلتلها مابي، لما دخلت الولاده حطيت كمام وفحصتني
اهو يعور بس مو العوار اللي تقولينه حتي بس شلت الكمام قعدت اضحك، خواتي حسبالهم خرفت
بس لما كانوا يبون يوسعون اهني بجيت مع الكمام كان يعور
وكل ما يزيد الطلق وتتوسعين اكثر الفحص ما يعورج، يمكن اول ثلاثه بس عوروني وبعدين عادي
بس انتي لما تروحين المستشفي قولي بدون كمام مابي
عادي انا دكتورتي كتبتلي ان الفحص بكمام لاني وايد خوافه بس نزل الماي واولردي دخلت غرفه الولاده وبسهوله خذيت الكمام

 

[فرااااولة]

وعلي فكره انا كنت طلق صناعي عشان جذي يفحصوني كذا مره
بس انتي ان شاءالله اييج الطلق في البيت وتروحين مفتوحه وما تحسين بشي وماتحتاجين الفحص وايد

 

[انجبر قلبي]

بيه شدعوه مو لهالدرخحة اوكي يعور بس تقدرين تتحملين .. و لا تفحصين ثاني مره عند ريال اكيد الريال ايده ثقيله و بيعورج مو مثل المره

 

[بدوية بملامح كشميرية 86]

نفس حالتي لما كنت حامل ماخليتهم يفحصوني
كله ابجي وبالاخير ولدت عمليه


الله يسهل عليييج ياااارب

 

[عطر الدوحه]

الله يعيييييين


خرعتوني هم انا بجر

 

[أم عزيـز]

حبيبتي لما تبي تفحصج داخلي لا تشدين رخي نفسج وفكري باي شي ثاني
لان خوفج وتوترج اهو اللي يخليج تخافين زياده وتتعورين بس حاولي ترخين نفسج مثل ما ختلج
وان شاء الله خير

 

["فروووحه"]

ماراح ارضا بالفحص الا بالكمام
ياااارب الله يستر واييني الطلق واتوسع بدون شي
الله يسهل عالجميييع يارب محد يحس بعوار

 

[BubbLe87]

امبيه ناقصة تخرع انا
من الحين احاتي
ان شاء الله اييني كلشي طبيعي و ما احتاج هذا الفحص المليق يا رب

 

[нάγoηά cнεмίsтяγ]

البجريات لحد يخرعكم من الفحص خليكم ريلاكس عادي ترا بتدخل ايدها 5 ثواني و تطلعها ما يحتاي مناحه