الحليب و الخياااط ،، ربي يجزيها الفردوس اللي ترد واللي ترفع الموضوع

[مدمنــــة قهــــوة]

السلام عليكم

شلونكم شخباركم بناات ؟!


انا توني والدة الحمدلله وصارلي تقريبا اربع ايام
بس بنات صدري مايطلع حليب كلش !! وانا ابي ارضع طبيعي الصراحة
مابي اعتمد عالصناعي !!
اضغط على صدري مايطلع حليب ومابي استعمل الشفاطة دكتورتي تقول لا تستعملينها
خلي الجاهل يمص الحلمة لما يطلع الحليب ؟!
حاولت لكن ماكوو !!!
هل صدري مافي حليب ؟؟ ولا شنو بالضبط ؟؟
متى يطلع حليب !!
قاعدة اشرب حليب واكلت كاكاو بس ماكو فايدة !!

اي وعندي سؤال ثاني ..
عادي النفسة تنام على جنب سواء يمين او يسار ؟
لان النومة على الظهر ما تريحني احس الهياط يعورني من تحت << شكو مادري !!
يعني ما ارتاح !!
ونومة البطن ماقدر ماحبها !!
واصلا الخياط مصعب حركتي مو مرتاحة حتى الجاهل ماقدر اشيله ،، ارتاح بالمشي اكثر من القعدة لان يعور ،، الحمدلله


وشغله اخيرة << زودتيها خخخخ

للحين ماطلعت بطني بنات وماحاولت الصراحة لان خايفة عالخياط ويعور !!
ابي شي يلين البطن ويطلعها !!
عادي استعمل حبوب مسهل او چاي رويال على اساس ماضغط !!
دكتورتي تقول اكلي عدل وقاعدة اكل عدل بس ماطلعت !!
وجزاكم الله خيير اللي عندها خبرة تنورني ما انساها بدعائي ،،،،

بالانتظار

 

[جـــواهر]

شفطي بعد شتسوين جربي اخر حل الشفط

عادي نامي ع الجنب اللي يريحج ترا النفاس مو كابوس راحه تامه

لاااازم تاكلين ملينااات ديري بالج عشان البواسير وعشان الجرح
ةاذ تبين ملين طبيعي عليج بالرشاااد

 

[نجمة فجر]

لا تشفطين ، نصيحه الشفط بهالحاله يقطع الحليب
خلي الياهل يمص على طول
بعدين الككاو عمره مازاد الحليب بشكل ملحوظ
كل يوم من اول الصبح بيضة مسلوقة وحليب بالحلبة ، والعصر حليب بالحلبة مع قطعه رهش وباليلل حليب بالحلبة
ولاتتكيسلين عن تحطين الياهل على صدرج خليه يمص يوم يومين وعقبها بتشكين من كثر الحليب

حاسبي على حركتج مع الخياط
انا كانت شادة علي ومن كثر الحركة فتحت وتأذيت وايد تم الجرح ما التأم لين خلصت الاربعين اهتمي بالخياط
3 مرات باليوم تنقعي بماي دافي وملح بس ، وبعدها تنشفي بفوطة نظيفة شوي شوي وحطي ميبو .

وان شاء الله ماعليج شر
واذا على سالفة الامساك ، اخذي ملينات او شربي اعشاب كمون وكراوية ونعناع هم زينة للياهل توصل له بالرضاعه وكثري سوائل قد ماتقدرين عشان الامساك وعشان الرضاعه

 

[نور دنياه]

اااب

 

[q8helwa]

انا اللي اعرفه اكلي حلويات

يدر الحليب

 

[فرزاشيهـ]

اي نفس حالتي الحليب .،،اشفطي شتسوين

وا لنوم عادي نامي بالجنب اللي يريحج انا ماارتاح عل نومة الظهر

و الخياط ا؛يد شاد انا توني خف علي الخياط وانا داشه ال٣٠ .،و ديري بالج عل حركتج خلج دايم مرتاحه

و مفروض دكتورج واصفه لج ملين ! عشان ماتضغطين عل جرح و بعد الولاده حتى البواسير تطلع

 

[PinkLulu]

حبيبتي كثري سوائل ورهش وسمك

وابتعدي عن الكاكاو...ترى ما يدر حليب ومرة سمعت السكريات يسببون غازات حق الياهل

ولا تحاتين...الحليب أول فترة ما يطلع بسهولة...يعني لما تضغطين ما يطلع شي

بس لما الياهل يمص يطلع له سبحان الله

إذا الياهل يخرج وينام يعني قاعد يشرب وشبعان لا تحاتين

وخليه يمص ويظل على صدرج كثر ما تقدرين...كل ما زاد الوقت كل ما زاد الحليب حق وقت الرضعة الياية


بالنسبة حق النوم...نامي بالشكل اللي يريحج عادي


واخذي حبوب حق الخروج بس من وصفة دكتورة وبلغيهت إنج ترضعين طبيعي عشان تعطيج دوا مناسب



الحمد لله على سلامتج ويتربى بعزكم

 

[Lourdez]

حبيبتي اختي الكبيرة تنصحج باللوز اكليه وايد تقول يدر حليب ماشالله جنه سحر

 

[الأميرة جوري]

لرفع

 

[الــريــان]

الشي المدر للحليب وينصح فيه اكثر خبراء الاعشاب. ( الحلبه ) وما أدراك ما الحلبه بتقولين ريحتها وهالكلام اغليها مع نعناع حطيها مع حليب اي شي أهم شي البيبي يشرب والشفط ابتعدي عنه يذبح والله والحمدلله على سلامتج وإياك إياك والحركه انا بطل خياطي من الحركه وتعبت الله لا يوريج والله يسهل امورج وامور جميع البنوتاااات

 

[H_R_S]

إذا الياهل ما يشفط الحليب استخدمي الشفاطه عادي
والنومه عادي عالجنب
وحق الإمساك اخذي هذه الخلطه وهي عباره عن:
المقادير:
1-فنجان فلفل ابيض مطحون
1-فنجان زنجبيل مطحون
1- فنجان ماش مطحون
+٧تمرات
تخلطينها كلها وتحطينها بعلبه وتحطين منها مقدار ملعه صغيره مالت الحلى على كوب حليب وتشربين الصبح *عالريق وبليل وإذا تبين اكثر احسن واحسن
تنظف المعده تعالج الامساك تضيق

 

[ام الحلوااات]

السلام عليكم

شلونكم شخباركم بناات ؟!


انا توني والدة الحمدلله وصارلي تقريبا اربع ايام
بس بنات صدري مايطلع حليب كلش !! وانا ابي ارضع طبيعي الصراحة
مابي اعتمد عالصناعي !!
اضغط على صدري مايطلع حليب ومابي استعمل الشفاطة دكتورتي تقول لا تستعملينها
خلي الجاهل يمص الحلمة لما يطلع الحليب ؟!
حاولت لكن ماكوو !!!
هل صدري مافي حليب ؟؟ ولا شنو بالضبط ؟؟
متى يطلع حليب !!
قاعدة اشرب حليب واكلت كاكاو بس ماكو فايدة !!

اولا الــحــمــد للــه عــلــى ســلامــتــج ومــبــرووك مــايــااج
وثــانــيـآ: كــمــدي صــدرج بــكـمــااادات مــاي دافــي ووقــت الــبــيـبــي نــايــم دهــنــي الــحــلـمـات بــزيـت زيــتــون دافـي مــع الـتــدلــيــك عــشـان يـسـهـل عـلـى الـطـفـل مــسـكـهـا والــمــص وكــثــري حــلــيـب بـاالـحــلـبــه وســوايـل دافــيـه واكــلــي حـلاوة طـحـيـنـيـه تــدر الـحــلــيــب ومــع كـثـرة مـص الـطـفـل راح يـنـزل الــحـلـيـب


اي وعندي سؤال ثاني ..
عادي النفسة تنام على جنب سواء يمين او يسار ؟
لان النومة على الظهر ما تريحني احس الهياط يعورني من تحت << شكو مادري !!
يعني ما ارتاح !!
ونومة البطن ماقدر ماحبها !!
واصلا الخياط مصعب حركتي مو مرتاحة حتى الجاهل ماقدر اشيله ،، ارتاح بالمشي اكثر من القعدة لان يعور ،، الحمدلله

مــعــاج حـق بـكـل كـلـمـه بــس نـامــي عـلـى الـجـنـب اللــي يـريـحـج لان نــومـه الـظـهـر والـبـطــن صـعـبـه مـع الـخـيـاط

وشغله اخيرة << زودتيها خخخخ

للحين ماطلعت بطني بنات وماحاولت الصراحة لان خايفة عالخياط ويعور !!
ابي شي يلين البطن ويطلعها !!
عادي استعمل حبوب مسهل او چاي رويال على اساس ماضغط !!
دكتورتي تقول اكلي عدل وقاعدة اكل عدل بس ماطلعت !!
وجزاكم الله خيير اللي عندها خبرة تنورني ما انساها بدعائي ،،،،

اكــلـي عـنـب عـلـى الـريـق او اخـذي مـلـعـقـه زيـت زيتون وشــربي يانــســوون
واذا ماحـصلتـي نـتيجـه اخذي حبـوب مـلـيـنـه
بالانتظار

ان شـــآء اللــه اكــون افــدتــج عــســى الله بــســهـــل امـــرج

 

[لياحه بنت لواح]

مبروك ماجبتي

واذا تبين يزيد الحليب سربي حلبه عالريچ كل يوم لمدة ١٠ ايام الاولي للنفاس
واكلي رهش

والنوم عادي نامي علي جنبچ

وللامساك افركيلچ تمره مع رشاد واكلي منها طول اليوم


وسلامتچ

 

[ماركة انثى]

اشربي حلبه مع الحليب وادعيلي وان شاءالله يدر الحليب واهم شي الجاهل يرضع

لان مع الرضاعه ينزل الحليب ​

 

[sosowaty]

و عليكم السلام الحمدلله ع سلامتج


للاسف ماعندي فكره انا بجر نفسج

 

[قَلبڪْ صًخرْ]

حمدلله عالسلامه
لازم تاخذين ملين للبطن
عشان مااييج بواسير
وعشان خياطج مايعورج

والحليب ماعرف
لو اول يومين استعملي شفاطه
عقب رضعيها عادي

والنفاس اي نومه عادي
مونفس الحوامل نومه محدده

 

[غرام القمة]

رهش والجرجير

 

[جــوريــه]

البنات مااقصرووا وحبيت افيدج في حبوب بالصيدلية تدر الحليب

وااااب

 

[اناظرك وكلي حزن]

كل مايرضع الياهل كل ماينزل حليب تلقائي وعن بطنج كلنا في الهوى سوى من الخوف مانقدر خخخخخخخخ

 

[زينة الهيلا]

للحليب عليج بالرهش مدر للحليب