الحلم بالكستنا

[نجمة كويتية]

حلمت اني اشوف اني في ساحة تشبه ساحة المدرسة وكانو الناس قاعدين كأنه متنزه او حديقة الناس فيها فارشين ع الارض وقاعدين انا كأني مع اهلي قاعدة وجاءني شاب غريب لكني بالمنام كأني اعرفه ابيض حواجبه كثيفة سودة وعطاني صحن فيه كستناء مقشورة ( بدون قشر ) وكانت مستوية ولذيذة وبالصحن كذلك كان فيه حبوب الفول بيضاء اللون وكانت كذلك مقشورة وكان فيه رز ابيض مع بازلاء وقالي ( عرفتيني ؟ انا رائد الشاكرائي !!! ) والله ما اذكر الاسم بالضبط اعتقد بهذاالمعنى او شي جذي ,, وكان مبتسم وهو يعطيني الصحن ويقولي اسمه وانا ابتسمت واخذت الصحن وقعدت اكل الكستناء وكانت لذيذة وفجأة شفت نفسي بالسيارة مع اخوي واختي وكان اخوي يسوق فينا وكانت الحزة بالليل وكنا ماشين ع الخط السريع ( خط مستقيم ) واخوي على يميني يسوق وانا انظر له واذا احس فيه ضيقة واقوله شفيك ؟ يقولي خلاص خل نرجع وكان وجهه متضايق , جان يرجع بالسيارة ورا وياخذله طريق ثاني سيدااا , واحنا ماشين بهالطريق ( الخط السريع ) والا نلاقي مسجد جان يقول اخوي خنروح داخل المسجد هذا وكان المسجد ( مسجد فاطمة ) موجود عندنا بالكويت ويلف اخوي يمين ويدخل داخل اللفة جان يروح صوب الرجال وانا وختي رحنا صوب النساء عشان الوضوء جان اشوف نفسي اتعبث بشغلة ما اذكرها شنو!! ,موجوده عند خزانة فيها اثواب صلاة واستيقظت من النوم
الحالة انا اواخواني مو متزوجين / ملتزمين والحمدلله​

 

[مفسرة الاحلام]

ان صدقت الرؤيا رزق ياتيك والرؤيا تحثك على الاكثار من حمد الله وشكره فبالحمد والشكر تدوم النعم

وان صدقت الرؤيا اخوك عنده هم مشغله ومكدر صفو حياته الله اعلم بكثرة الصلاة والدعاء سوف( ينفطم )الهم اي ينتهي والله اعلم واجل