الحلبه و الريحه !

[برونزيه نعومه كتكوته]

السلام عليكم
بنوتات في طريقه اقدر اشرب الحلبه من غير ما تطلع لي ريحه ؟؟
و مشكورين =)

 

[صلاتي-حياتي]

لاوالله مااعرف بس اذا شربتيها لازم تطلع ريحتها

نصيحه اطحنيها بودرة واكلي قفشه وحده مثل ( اللهوم ) وهني تخف ريحتها بنسبة 70%

اتمنى البنات يفيدونج


تحيااااااااتي

 

[سنفــــــور غضبـــــان]

الحلبه تطلع ريحتها لما تعرقين

بس انتبهي ترا ترفع هرمون الحليب ..

 

[برونزيه نعومه كتكوته]

انا سمعت انه المرميه ترفع هرمون الحليب ؟

 

[برونزيه نعومه كتكوته]

بس اختي صلاتي حياتي شلون اطحنها و ابلعها من غير ما اغليها او انقعها ؟

 

[سنفــــــور غضبـــــان]

هذا كلام دكتورتنا بالجامعة ( نداء الخميس )

 

[[]نهاوند[]]

الحلبه مشكلتها مشكله ريحتها لا تطاق بالمره

بس انا سمعت وقريت بعد انه فيه شي اسمه عرق الحلبه موجوده عند العطار تخلطينه مع الحلبه وما تطلع ريحتها نهائيا لكن للأمانه ماجربته

تدرين أختي روحي العطار وأساليه اذا فيه شي يخفف او يشيل ريحة الحلبه واكيد بيساعدج لأنهم يعرفون لهالأمور

اتمنى اكون افدتج ​

 

[برونزيه نعومه كتكوته]

الدكتوره ( هناء الامعري ) تصدقين عمرها ما يابت طاري هرمون الحليب و الحلبه
بس مدام تقولين ترفع هرمون الحليب خل ادير بالي انا بعد

 

[برونزيه نعومه كتكوته]

تسلمون حبايبي و انشالله نهاوند بسأل العطار

 

[[]نهاوند[]]

اللي يرفع هرمون الحليب الدجاج والبيض

هذا كلام مره تعالج مشاكل الحمل وهالكلام قالته لرفيجتي قعدت اكثر من خمس سنين ماحملت ولما قطعت الدجاج والبيض كم شهر الا هي حامل والحين عندها ولد​

 

[صلاتي-حياتي]

عادي اطحنيها واهي جافه واكلي قفشه صغيره

انتي ليش تاكلينها ؟؟

 

[برونزيه نعومه كتكوته]

ابي امتن شوي :×

 

[нάγoηά cнεмίsтяγ]

إي واللـه يابنـات محتاجيـن حل حق هالريحـة
الحين كل شي وسوولـه حل معقـولة هالحلبـة مولاقينلهـا حل ههههه
اللي جربـت عرق الحلبـة تفيدنـا ويعطيكم العافيـه

 

[معبوده الجماهير]

انا كنت اكل قبل خلطه فيها حلبه مو مفيوحه يعني فيها حبوب الحلبه نفسها مطحونه
تطلع ريحه بس محد يشمها غيري اناا يعني ريحه خفيفه
جربي اكليها مطحونه حبيبتي

 

[أم منصور]

هذا اعجاز علمي

ريحة الي يشرب حلبه جنه صخلة معديه عليج


صج ماقدروا يسحبون ريحتها اكيد فوائدها من الريحه

 

[[]نهاوند[]]

اذا تبين تمتنين اخلطي الحلبه مع عسل واكلي ملعقه بعد كل وجبه​

 

[سما الكويت]

تسلمون حبايبي و انشالله نهاوند بسأل العطار

حبوبه ان شاء الله تكتب بهالشكل...مايجوز تكتبينها بهالشكل..انشاء الله..

وبالنسبه للحلبه حمصيها تروح ريحتها..انا سمعت جذيه بس ماجربت..وكنت قبل الهمها ابى امتن وصج ماطلعت معاى ريحه ومحد درا عنى..بس كنت طاحنتها وخالطه معاها سكر بودره علشان تنبلع..

 

[برونزيه نعومه كتكوته]

تسلمون حبايبي عالمرور و المشاركه

امبيه الحين عطوني طـــريقه اجربها !